Dokʉ̈ Pîêre 2:23 - Mbëtï Ndjapä: TÄFO MADƗ̈

²³ Ndə̂ a drô tchë, tche drôâbo ndjë tchô ndə̂nə̈-a. Ndə̂ a mbô tchë la yûkü, tche hrâliabô ngâ akrə balë-a, praâbalë tche zä su yê pâ Ndjapä ndə̂ tche wa ngbanga djîrə̂.

Dokʉ̈ Pîêre 2:23 Iomraidhean Croise

Lûke 23:41

Andə̂ azə̂ ngbanga nə̈ wä djîrə̂, bëte azə̈ wün yûkü ngbâ kə̂ mbo ngbongbo rə ndə̂ azə̂; praâbalë tchetchë ndə̂ yê nə̈, tche mbôâbo ngâ ngbongbo rə balë-a.»

Lûke 23:46

Jezü ôn ngbôô päkëdə̂: «Bha mê, më zä yingö ndə̂ mê ëtchânə̂ zə̈ ngbânə̈.» La tchêngbâ pö lâme, Jezü tchû-î.

Lûke 23:9

Tche yû Jezü la angbängbä apö, praâbalë Jezü tôâbo ngâ pö balë ndə̂nə̈ sə̈ tchë-a.

Abadjângele 17:31

Tche nyîkrə ngâ lö nə̂ ndə̂ tchê wadje ngbanga ndə̂ azü gbɛ̂ djîrə̂ lə̂ köbosə̂ akrə ndə̂ tche nyîsə̂ yê. Tche nyïsə̂ nə̈ sə̈ azü lə̂ köbosə̂ nə̈ ndə̂ tche jô tchë lə̂ kuzü.»

Abadjângele 4:29

Angaâtə, Gbölö Gbïɛ̈, amö dje pö ndə̂ andjë to rə̂ lakə̂ hrali ârâ âtə. Amö za gbôgbô sə̈ ârâ ndə̂kə̂ pa ârâ muabô pö ndə̂ zə̈ mû la wa-ê.

Abadjângele 7:59

Ndə̂ andjë nyê Etîêne la täme, tche tô pö sə̈ Ndjapä päkëdə̂: «Gbölö Gbïɛ̈ Jezü, amö za vrö mê!»

Abadjângele 9:1

Sə̂nə̈ lâme gbô su Sôlo kä pâ ngbongbo rə ndə̂ tche mbo rə̂ tə̂ adjisîpili ndə̂ Gbölö Gbïɛ̈ lakə̂ won andjê. Käko tche ê kə̈ wûn gbölö earə̂ kə̂ wa ngela sə̈ Ndjapä,

Rômo 2:5

lə̂ köbosə̂ gbôgbô su zə̈, mo nyîâbo ndə̂kə̂ gbotə̂ bəndɨ kə̂ mbo rə ndə̂ zə̈-a. Käko mo kpülu mêrâ ndə̂ Ndjapä pâ zə̈ ndə̂kə̂ krʉ bëte lö mêrâ ndə̂ yê lo nə̈ ndə̂ tche nyisə̂ nə̈ pä kə̂ wa ngbanga ndə̂ anyê wä djîrə̂.

Ëfêze 6:9

Nyënyê ndə̂ a-earə̂ angbâa, nyë mbö ndjë tâ käko tə̂ angbâa ndə̂ nyê. Nyë gbötə̂ kə̂ hro la andjê-ê. Nyë wûnsə̂ nə̈ nə̂ pä Gbölö Akrə ndə̂ nyê la andjê gbɛ̂ kä balë bhâ lafô, tche krʉ̂âbo tchə̂lə̂ gbâtə̂ azü-a.

Bïchuû Tësälönîke 1:5

Arə lâme gbɛ̂ nyïsə̂ nə̈ pä, kə̂ wa ngbanga ndə̂ Ndjapä wä djîrə̂. Bëte yûkü lâme mbö nyê ndə̂kə̂ pa nyë kʉsə̂ kə̂ li atə̂lə̂ Gbölö gö-gbïɛ̈ ndə̂ Ndjapä, ndə̂ nyê wun yûkü tə̂ pö ndə̂nə̈ lâme.

Bïchuû Timotë 1:12

Bëte rə̂ kä ndə̂ mê rʉ̂âtə̂ su mê lə̂ arə yûkü. Praâbalë ganô mbôâbo mê-a, bëte më wünsə̂ akrə ndə̂ më zâ su mê sə̈ tchë. Më wünsə̂ nə̈ tə̂ lëge nə̈ pä tche kä la kümändëmä ndə̂kə̂ bata rə ndə̂ tche gbôtâ ëtchânə̂ mê zoo ëtə̂ lo nə̈ lâme.

Bïchuû Timotë 4:8

Angaâtə, a bâta kurône sə̈ mê ngbâ djîrə̂ kua ndə̂ mê nə̂, ndə̂ Gbölö Gbïɛ̈ zadje rə̂ sə̈ mê tə̂ lo kə̂ ka ndə̂ yê. Tə̂ lo nə̈ lâme, tchetchë ndə̂ tche wâtə̂ djîrə̂ earə̂ kə̂ wa ngbanga, tchetchë kä ndə̂ âzadje kurône nə̈ sə̈ mê, âdə̂âbô kütû mê balë-a, praâbalë tche âkʉ ndjë rə̂ sə̈ azü gbɛ̂ ndə̂ andjë nyîndə̂ lo kə̂ ka ndə̂ yê.

Aheborö 12:3

Nyë rɨ̈ su nyê pâ arə yûkü ndə̂ Jezü wûn rə̂ tchânə̂ a-earə̂ angbongbo rə ndə̂ andjë kôsə̂ yê, käko ndə̂kə̂ pa su nyê zogoabô zôgo ânyë nyê gbotə̂ köbo nə̈.

Dokʉ̈ Pîêre 3:9

Ngbongbo rə ndə̂ azü mbo rə̂ tə̂ nyê, nyë mböäbô ndjë ngbongbo rə lâme mbô tə̂ andjê-ê, kə̂ dro tchô ndə̂ azü dro nyê la rə̂, nyë dröäbô ndjë andjê drô ndə̂ sə̂nə̈-ê. Praâbalë nyë ë tchôtchô pö pâ azü, bëte Ndjapä ë nyê tə̂ pö ndə̂nə̈, käko ânyë tche e tchôtchô pö pâ nyê.

Dokʉ̈ Pîêre 4:19

Käko andjanə̈ ndə̂ andjë sə lakə̂ wun yûkü lə̂ köbosə̂ nə̈ ndə̂ su Ndjapä nyîndə̂ nə̈, äwäpä andjë ndəpo lakə̂ mbo dâkâ, kə̂ zatə̂ andjê gbɛ̂ sə̈ Ndjapä ndə̂ tche mbô arə gbɛ̂, tche mbö rə gundə̂sə̂ pö ma yê.

Apökälîbïchi 19:11

Pânə̈ më wûn tchêlafô ndə̂ âkrô ânyë ngâ grôgrô mbâlâtâ wûtu. Tchanə̈ ndə̂ tche sə̂ pâ yê, rə̈ yê wü päkëdə̂: Djîrə̂ la Lëge pö, tche wä ngbanga, kə̈ mbô kʉ̈ʉ̈ lə̂ köbosə̂ djîrə̂ kə̂ wa ngbanga.