Dokʉ̈ Pîêre 2:22 - Mbëtï Ndjapä: TÄFO MADƗ̈

²² Tchetchë ndə̂ tche mbôâbô ngâ ngbongbo rə mbô-ê, tchetchë ndə̂ ngâ pö ndə̂kə̂ bolo tchô wûtuabô wûtu balë lə̂ ma yê-ê.

Dokʉ̈ Pîêre 2:22 Iomraidhean Croise

Matiyə̈ 27:19

Sə̂nə̈ ndə̂ Pïlâte sə̂ bhâlə̂ nda ngbanga, ɛ̈chë ndə̂ yê wân tchô sə̈ tchë päkëdə̂: «Amö yiabô tə̂ zə̈ yî lə̂ pö ndə̂ djîrə̂ akrə lâme-ê, bëte më wün küma mê lə̂ bütchî âtə, tchə̂lə̂ küma mê djîngɨli tə̂ pö ndə̂ yê.»

Matiyə̈ 27:4

Tche tö rə̂ sə̈ andjê päkëdə̂: «Më mbô ngbongbo rə nə̂, më yösə̂ akrə ndə̂ tche mbôâbô ngâ ngbongbo rə mbô balë sə̈ nyê.» Praâbalë andjë tô rə̂ ndə̂nə̈ sə̈ tchë päkëdə̂: «Pö ndə̂ ârâ wâbo lə̂nə̈-a, äwün kütû mö.»

Lûke 23:41

Andə̂ azə̂ ngbanga nə̈ wä djîrə̂, bëte azə̈ wün yûkü ngbâ kə̂ mbo ngbongbo rə ndə̂ azə̂; praâbalë tchetchë ndə̂ yê nə̈, tche mbôâbo ngâ ngbongbo rə balë-a.»

Lûke 23:47

Gbölö akrə ndə̂ aturûgu ndə̂ Rômo wûn arə ndə̂ âmbô lâme, tche vôga Ndjapä kə̈ tô rə̂ päkëdə̂: «Ndə̂kə̂ wun rə̂ djîrə̂, köchë âtə wätə̂ djîrə̂ akrə.»

Jâan 1:47

Ndə̂ Jezü wûn Nätänäyêle ndə̂ tche sə̂ lakə̂ pu tchë, kə̈ tô pö ndə̂ yê päkëdə̂: «Lëge akrə gö ndə̂ Isarayële kä âtə. Tche wûn-âbo sə̂kə̂ mo yepa sə̈ azü-a.»

Jâan 8:46

Tchabâ lə̂ gûtə̂ nyê kä ndə̂ âwâ ndə̂kə̂ nyisə̂ ngâ ngbongbo rə balë ndə̂ më mbô rə̂? Âdə mê âto lëge pö, bëte giamâ nyë gâmbabô pö ndə̂ mê gâmba-ê?

Bïchuû Körɛ̂nte 5:21

Krîsiti ndə̂ tche wûn-âbô sə̂ ngbongbo rə wûn-î, Ndjapä mbô rə̂ pä ngbongbo rə ndə̂ azə̂ te pâ yê. Käko lə̂ köbosə̂ Krîsiti, azə̈ wätə̂ adjîrə̂ azü lə̂ la Ndjapä.

Aheborö 4:15

Azə̈ kä la gbölö earə̂ kə̂ wa ngela ndə̂ tche wâ ndə̂kə̂ wun nyonyo azə̂ sə̂nə̈ ndə̂ angâ arə rôpâ azə̂. Arə ndə̂ âvu azü gbɛ̂ gbö ndjë tchë batə̂ rə̂ ndə̂ âvu azü, praâbalë tche mbôâbo ngbongbo rə-a.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Dokʉ̈ Jâan 3:5

Nyë wûnsə̂ nə̈ nə̂ pä Jezü Krîsiti nə̈ ndə̂kə̂ ji angbongbo rə, ânyë ngbongbo rə wâbo lə̂ yê-a.

Apökälîbïchi 14:5

A gbôâbo ngâ pö yepa balë lə̂ ma andjê-a, ngbongbo rə balë wâbo lə̂ andjê-a.