Dokʉ̈ Pîêre 2:21 - Mbëtï Ndjapä: TÄFO MADƗ̈

²¹ Dëkë rə ndə̂ Ndjapä ê nyê bëte rə̂ kä lâme, bëte Krîsiti la tə̂ yê wün ndjë yûkü tə̂ pö ndə̂ nyê, ânyë kə̈ nyîsə̂ köbo nə̈ sə̈ nyê ndə̂kə̂ pa nyë nə lə̂ manə̈ ngbâ yê.

Dokʉ̈ Pîêre 2:21 Iomraidhean Croise

Matiyə̈ 10:38

Akrə balë balë gbɛ̂ ndə̂ tche zâbô yö ndə̂ gba ndə̂ yê zâ, ânyë kə̈ nə̂âbô nə̂ ngbâ mê-ê, tchê wabô tə̂ djisîpili ndə̂ mê tee-a.

Matiyə̈ 11:29

Nyë zä kʉ̂ngbô ndə̂ mê ndə̂ âlûâbô lû-î, kə̂ gbotə̂ köbo sə̈ mê ndə̂kə̂ pa më nyisə̂ rə sə̈ nyê! Bëte më wâbo tə̂ akrə ndə̂ mê mbo gbôgbô tə̂ azü-a, kə̈ pûâbo ndjë gbölö tchô-a. Nyê gboadje tchô ndə̂kə̂ yatə̂ nyê tâ.

Matiyə̈ 16:24

Käko Jezü tô rə̂ sə̈ adjisîpili ndə̂ yê päkëdə̂: «Âdə ngâ akrə ânyində̂ kə̂ nə ngbâ mê, äwäpä tche kosə̂ tə̂ yê la tə̂ yê, kə̂ za yö ndə̂ gba ndə̂ yê, ânyë kə̂ nə ngbâ mê.

Lûke 24:26

Âwâbo la köbo nə̈ pä Krîsiti wun yûkü dokʉ̈tchê ânyë kə̂ gbo voga ndə̂ yê?»

Jâan 13:15

Më nyïsə̂ nə̈ sə̈ nyê käko, ndə̂kə̂ pa nyë mbo ndjë rə̂ käko, batə̂ rə̂ ndə̂ më mbô rə̂ tə̂ nyê.

Jâan 16:33

Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»

Abadjângele 14:22

Andjë zä wängö sə̈ adjisîpili ndə̂kə̂ za gbôgbô tə̂ su andjê, kə̈ yûkû nə̈ sə̈ andjê ndə̂kə̂ pa andjë ndəpo kpôpâ su andjê ndə̂ andjë zâ rə̂ sə̈ Jezü. Andjë tö rə̂ sə̈ azü nə̈ päkëdə̂: «Äwäpä azə̈ wun yûkü tə̂ gbölösə̂nə̈ ânyë kə̂ li bhâlə̂ Gbölö gö-gbïɛ̈ ndə̂ Ndjapä.»

Abadjângele 17:3

Tche söä tchêla pö nə̈ sə̈ andjê, kə̈ nyîsə̂ nə̈ sə̈ andjê päkëdə̂: «Äwäpä Mesï wun yûkü, kə̂ jo lə̂ kuzü. Jezü ndə̂ më sə̂ lakə̂ to pö ndə̂ yê lâme, tchetchë kä ndə̂ âdə̂ Krîsiti nə̈.»

Abadjângele 9:16

Mê nyiadje sə̂nə̈ sə̈ tchë la tə̂ mê, yûkü ndə̂ tche wun-adje rə̂ bëte rə̈ mê.»

Rômo 8:29

Bëte azü ndə̂ Ndjapä ê andjê dokʉ̈tchê ndə̂kə̂ watə̂ azü ndə̂ yê, tche nyïkrə rə̂ tə̂ su yê dokʉ̈tchê ndə̂kə̂ mbo rə̂ ânyë andjë wa batə̂ nyîsɨ̂ Modô ndə̂ yê. Ndjapä mbö rə̂ käko ndə̂kə̂ pa Modô ndə̂ yê watə̂ âyä angbängbä azü.

Dokʉ̈ Körɛ̂nte 11:1

Nyë mbö rə batə̂ mê, batə̂ rə̂ ndə̂ mëmê ndjë gbɛ̂ më mbô rə batə̂ Krîsiti.

Ëfêze 5:2

Nyë sə̈ lakə̂ nyində̂ angâ nyê, batə̂ rə̂ ndə̂ Krîsiti nyîndə̂ azə̂ ânyë kə̈ zâtə̂ yê la tə̂ yê la ngela sə̈ Ndjapä bëte azə̂, batə̂ ngâ gia ndə̂ a zô tchë pâ gbalâka sə̈ Ndjapä ndə̂ tchâfo yê fô djîrə̂ ânyë kə̈ fû tə̂ su yê.

Fïlîpe 2:5

Äwäpä kə̂ mbotə̂ nyê lə̂ gbâtə̂ nyê la angâ nyê wa batə̂ andə̂ azü ndə̂ andjë wâ balë la Jezü Krîsiti.

Dokʉ̈ Tësälönîke 3:3

ânyë ngâ akrə balë teabô tê lə̂ köbosə̂ yûkü ndə̂ azə̈ wun rə̂ angêta lâme-ê. Bëte nyënyê la tə̂ nyê, nyë wûnsə̂ nə̈ nə̂ pä yûkü ndə̂ ârâ sə̂ lakə̂ wun rə̂ âtə, Ndjapä nyïkrə rə̂ dokʉ̈tchê bëte ârâ.

Dokʉ̈ Tësälönîke 4:2

Bëte kə̂ zama ndə̂ Gbölö Gbïɛ̈ Jezü zâ rə̂ sə̈ ârâ ânyë ârâ zâ rə̂ sə̈ nyê lâme, nyë wûnsə̂ nə̈ nə̂.

Bïchuû Timotë 3:12

Tə̂ lëge nə̈, azü gbɛ̂ ndə̂ andjë nyîndə̂ kə̂ zâtə̂ andjê gbɛ̂ sə̈ Ndjapä ânyë kə̈ nyîndə̂ kə̂ wa balë la Jezü Krîsiti, a âmboadje andjê la yûkü.

Aheborö 2:10

Bëte Ndjapä ndə̂ tche mbô arə gbɛ̂, ânyë arə nə̈ gbɛ̂ wâ bëte tchë, tche nyïndə̂ kə̂ kʉ azü tə̂ gbölösə̂nə̈ ndə̂kə̂ sə la andjê lə̂ gbölö ndə̂ yê. Tche mbö rə̂ pä Jezü daka gbɛ̂ lə̂ köbosə̂ yûkü ndə̂ tche wûn rə̂, bëte Jezü nə̈ kä ndə̂ âza köbo sə̈ azü ndə̂kə̂ tcha lə̂ kuzü.

Dokʉ̈ Pîêre 1:20

Ndjapä dɨ̈ Krîsiti dokʉ̈tchê ndə̂kə̂ pa a mbo arə gbɛ̂. Tche mä Krîsiti ësûwu bëte nyê lə̂ adɨ̂ alö.

Dokʉ̈ Pîêre 2:24

Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Dokʉ̈ Pîêre 3:9

Ngbongbo rə ndə̂ azü mbo rə̂ tə̂ nyê, nyë mböäbô ndjë ngbongbo rə lâme mbô tə̂ andjê-ê, kə̂ dro tchô ndə̂ azü dro nyê la rə̂, nyë dröäbô ndjë andjê drô ndə̂ sə̂nə̈-ê. Praâbalë nyë ë tchôtchô pö pâ azü, bëte Ndjapä ë nyê tə̂ pö ndə̂nə̈, käko ânyë tche e tchôtchô pö pâ nyê.

Dokʉ̈ Pîêre 4:1

Batə̂ rə̂ ndə̂ Krîsiti wûn yûkü lə̂ tə̂ yê ndə̂ akrə, käko nyënyê ndjë, äwäpä nyë za rə̂ lə̂ küma nyê pä nyê wun-adje ndjë yûkü, bëte tchanə̈ ndə̂ tche wûn yûkü lə̂ tə̂ yê ndə̂ akrə lâme, tche gbôtə̂ ngbongbo rə nə̂.

Dokʉ̈ Pîêre 4:13

Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.

Dokʉ̈ Jâan 2:6

Akrə ndə̂ tche tô rə̂ pä anyë kä balë la Ndjapä, äwäpä kə̂ sə ndə̂ yê wa batə̂ andə̂ Jezü Krîsiti.

Dokʉ̈ Jâan 3:16

Rə ndə̂ azə̈ wunsə̂ kə̂ nyində̂ ngâ la rə̂ wä kâkë: Jezü zä tchîsûwu ndə̂ yê bëte azə̂. Azəzə̂ ndjë gbɛ̂, äwäpä azə̈ za tchîsûwu ndə̂ azə̂ bëte angâ azə̂.

Apökälîbïchi 12:11

Praâbalë arə̂mâ ndə̂ azə̂ röpâ yê lə̂ köbosə̂ jï Ngbavö Ɛ̈bro-ngbaga, ndjë lə̂ köbosə̂ pö ndə̂ andjë wûnsə̂ nə̈ ânyë kə̈ mû rə̂, andjë wûn tchîsûwu ndə̂ andjê tə̂ mbämbä rə, kə̈ wâ tchêtchêtchê ndə̂kə̂ tchu.