Dokʉ̈ Pîêre 2:2 - Mbëtï Ndjapä: TÄFO MADƗ̈

² Batə̂ rə̂ ndə̂ angbelɛ̂-bechë mbo gʉ ngo anyï andjê, äwäpä nyë mbö ndjë gʉ pö Ndjapä ndə̂ ngâ ngbongbo rə balë wâbo wâ lə̂nə̈-ê. Käko lə̂ köbosə̂ kə̂ ndjo rə̂, nyê geadje ânyë kə̂ tchadje lə̂ kuzü.

Dokʉ̈ Pîêre 2:2 Iomraidhean Croise

Matiyə̈ 18:3

kə̈ tô rə̂ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Âdə su nyê âdoabô tə̂ yê dô, kə̂ wa batə̂ su yɛ̈yɛ̈ bechë âtə, nyê liabô lə̂ Gbölö gö-gbïɛ̈ ndə̂ tchêlafô tee-a.

Matiyə̈ 19:14

Jezü tô rə̂ sə̈ andjê päkëdə̂: «Nyë gbötə̂ abechë andjë nə̂ pu mê, nyë kïäbô kîtə̂ köbo tə̂ andjê, bëte Gbölö gö-gbïɛ̈ ndə̂ tchêlafô wätə̂ andə̂ andjanə̈ ndə̂ andjë wâ batə̂ abechë lâme.»

Mâreke 10:15

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche mbôâbô mbô la sə̂ Gbölö gö-gbïɛ̈ ndə̂ Ndjapä batə̂ abechë âtə-ê, tchê liabô balë atə̂lə̂ nə̈ tee-a.»

Lûke 18:17

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche mbôâbô mbô la sə̂ Gbölö gö-gbïɛ̈ ndə̂ Ndjapä batə̂ abechë âtə, tchê liabô balë atə̂lə̂ nə̈ tee-a.»

Rômo 6:4

Käko, lə̂ köbosə̂ batɛ̂me, a chï azə̂ balë la Krîsiti, ânyë azə̈ wâ balë la tchë lə̂ köbosə̂ kuzü ndə̂ tche tchû rə̂. Praâbalë Krîsiti jö lə̂ kuzü lə̂ köbosə̂ gbôgbô ndə̂ Bha ndə̂kə̂ pa azəzə̂ ndjë gbɛ̂, azə̈ sə la täfo tchîsûwu.

Dokʉ̈ Körɛ̂nte 14:20

Arə̂mä, äwäpä kə̂ za küma nyê wabô wâ batə̂ andə̂ abechë-ê, âdə andə̂ kə̂ mbo ngbongbo rə âdə rə̂, ɛn-ɛn! Äwäpä nyë wa batə̂ ayɛ̈yɛ̈ abechë. Praâbalë âdə ârə̂ âwa ndə̂kə̂ za küma, äwäpä nyë za küma nyê batə̂ adjêdjena azü.

Ëfêze 2:21

Lə̂ köbosə̂ kə̂ wa balë la tchë kä ndə̂ anda gbɛ̂ kpokpo tə̂ andjê, kə̂ ge, ânyë kə̂ mbotə̂ yê tə̂ gbölö nda Ndjapä ndə̂ âwâ ngbî ânyë kə̈ dâka gbɛ̂ bëte Gbölö Gbïɛ̈.

Ëfêze 4:15

Praâbalë âdə azə̂ âto lëge pö lakə̂ nyində̂ ngâ, azə̂ geadje lə̂ rə gbɛ̂ ndə̂kə̂ wa batə̂ Krîsiti ndə̂ tche wâtə̂ küma nə̈.

Bïchuû Tësälönîke 1:3

Arə̂mä, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Äwä lə̂ köbo nə̈ ndə̂kə̂ mbo rə̂ käko, bëte su nyê ndə̂ nyë zâ rə̂ sə̈ Krîsiti sə̈ lakə̂ êë atə̂ lafô tə̂ gbölösə̂nə̈, ânyë kə̂ nyində̂ tə̂ nyê la angâ nyê sə̂ lakə̂ gêgë.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Bïchuû Pîêre 3:18

Praâbalë äwäpä nyë ge lə̂ tchôtchô su lakə̂ wunsə̂ Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂. Voga wätə̂ andə̂ ye nə̈, angêta ndjë tə̂ logbɛ̂ logbɛ̂! Amin.