Dokʉ̈ Pîêre 2:19 - Mbëtï Ndjapä: TÄFO MADƗ̈

¹⁹ Bëte äwätə̂ tchôtchô rə ndə̂kə̂ pa nyë rʉatə̂ su nyê la yûkü ndə̂ azü mbo nyê la rə̂ ämbämbänə̈ lâme, tə̂ pö ndə̂nə̈ ndə̂ nyë kpê wa Ndjapä.

Dokʉ̈ Pîêre 2:19 Iomraidhean Croise

Lûke 6:32

«Âdə nyë ânyi kütû ndə̂ azü ndə̂ andjë nyîndə̂ nyê, tchôtchô rə giamâ kä ndə̂ nyê gbo rə̂ ngbânə̈? A-earə̂ ngbongbo rə ndjë gbɛ̂ nyïndə̂ azü ndə̂ andjë nyində̂ andjê.

Jâan 15:21

Praâbalë andjê mboadje arə lâme gbɛ̂ tə̂ nyê tə̂ pö ndə̂ rə̈ mê, bëte andjë wûn-âbo sə̂ tchanə̈ ndə̂ tche wân mê-a.

Abadjângele 11:23

Ndə̂ tche wûtu bhâye, tche wûn rə̂ ndə̂ Ndjapä mbô tchôtchô su tə̂ azü nə̈. Tche wâ la mômô, ânyë kə̈ zâ wängö sə̈ andjê ndə̂kə̂ pa andjë za su andjê gbɛ̂ lakə̂ sə kpô ngbâ Gbölö Gbïɛ̈ logbɛ̂.

Rômo 13:5

Bëte rə̂ kä, äwäpä nyë dje ma agbölö azü gö. Nyë mböäbô rə̂ mbô kütû ndə̂kə̂ kpe tə̂ mêrâ ndə̂ Ndjapä lâme-ê, praâbalë nyë mbö ndjë rə̂ bëte rə̂ ndə̂ nyë wûnsə̂ nə̈ bhâlə̂ kə̂ rɨ tchə̂lə̂ su nyê pä rə nə̈ wä lə̂ köbo nə̈.

Dokʉ̈ Körɛ̂nte 15:10

Praâbalë lə̂ köbosə̂ tchôtchô su ndə̂ Ndjapä, më də̈ akrə ndə̂ nyê wun mê angêta âtə. Tchôtchô su ndə̂ Ndjapä mbô rə̂ tə̂ mê, tchêngbâ nə̈ wâbo ämbänə̈-a, praâbalë më mbö kua ârô adɨ̂ abadjângele gbɛ̂. Âdə̂âbo mëmê kä ndə̂ âmbô kua nə̈-a, praâbalë tchôtchô su ndə̂ Ndjapä ndə̂ âwâ la mê kä ndə̂ âmbô rə̂.

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Bïchuû Körɛ̂nte 8:1

Arə̂mä, ârâ nyïndə̂ kə̂ to pö ndə̂ tchôtchô su ndə̂ Ndjapä mbô rə̂ tə̂ a-Egilîze ndə̂ âwâ pâ cho ndə̂ Mäsëdöâne.

Bïchuû Timotë 1:12

Bëte rə̂ kä ndə̂ mê rʉ̂âtə̂ su mê lə̂ arə yûkü. Praâbalë ganô mbôâbo mê-a, bëte më wünsə̂ akrə ndə̂ më zâ su mê sə̈ tchë. Më wünsə̂ nə̈ tə̂ lëge nə̈ pä tche kä la kümändëmä ndə̂kə̂ bata rə ndə̂ tche gbôtâ ëtchânə̂ mê zoo ëtə̂ lo nə̈ lâme.

Aheborö 10:2

Âdə azü ndə̂ andjë sə̂ lakə̂ voga Ndjapä, ânyë lə̂ köbosə̂ ngela kä ndə̂ a djûtu angbongbo rə ndə̂ andjê sûsunə̈ balë tratralë, tchâme, andjê kä rɨ bata tchə̂lə̂ su andjê pä ngâ ngbongbo rə balë kä lə̂ küma anyê-a, käko a âgboadje tə̂ köbo ndə̂kə̂ wa ngela gbɛ̂.

Dokʉ̈ Pîêre 2:20

Âdə a âbhi nyê tə̂ pö ndə̂ ngbongbo rə ndə̂ nyë mbô rə̂, ânyë nyë rʉ̂âtə̂ su nyê, tchabâ kä ndə̂ âlusə̂ nyê? Praâbalë âdə nyë âmbo dâkâ ânyë a mbô nyê la yûkü, ânyë nyë rʉ̂âtə̂ su nyê la rə̂, ädə̈ ngâ tchôtchô rə lə̂ la Ndjapä.

Dokʉ̈ Pîêre 4:15

Âwâbo pä akrə balë lə̂ gbâtə̂ nyê wun yûku tə̂ pö ndə̂kə̂ won azü-a, âdəndjë kə̂ zɨ ngbä-a, âdəndjë kə̂ mbo ngbongbo rə tə̂ azü-a, âdəndjë ndə̂kə̂ yitə̂ yê lə̂ arə ndə̂ angâ yê-a.