Dokʉ̈ Pîêre 2:17 - Mbëtï Ndjapä: TÄFO MADƗ̈

¹⁷ Nyë lüsə̂ azü gbɛ̂, kə̂ nyində̂ arə̂mâ ndə̂ nyê lə̂ Krîsiti. Nyë kpë wa Ndjapä, kə̂ lusə̂ gbölö gbïɛ̈ ndə̂ tchêbêche.

Dokʉ̈ Pîêre 2:17 Iomraidhean Croise

Matiyə̈ 22:21

Andjë tô rə̂ päkëdə̂: «Andə̂ Sezäre kä.» Jezü tô rə̂ sə̈ andjê päkëdə̂: «Käko-ë, rə ndə̂ âwâtə̂ andə̂ Sezäre, nyë kʉ̈ rə̂ sə̈ Sezäre, rə ndə̂ âwâtə̂ andə̂ Ndjapä, nyë kʉ̈ rə̂ sə̈ Ndjapä.»

Jâan 13:35

Âdə nyê ânyində̂ angâ nyê lə̂ gbâtə̂ nyê, käko azü gbɛ̂ wun-adje sə̂nə̈ pä nyë wätə̂ adjisîpili ndə̂ mê.»

Rômo 12:10

Nyë nyïndə̂ angâ nyê lə̂ gbâtə̂ nyê la su nyê gbɛ̂. Äwäpä akrə balë balë pu köbo ndə̂kə̂ lusə̂ ngâ yê.

Rômo 13:7

Äwäpä rə ndə̂ akrə balë balë wâ ndə̂kə̂ gbo rə̂, nyë zä rə̂ sə̈ tchë. Nyë yö lapöo tchânə̂ a-earə̂ kə̂ pala makətche-lapöo. Nyë yö ndjë lapöo ndə̂ arə ndə̂ nyê tchânə̂ azü ndə̂ âwâ ndə̂kə̂ pa nyë yo rə̂ tchânə̂ andjê. Nyë lüsə̂ azü ndə̂ âwâ ndə̂kə̂ pa nyë lusə̂ andjê.

Bïchuû Körɛ̂nte 7:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, atchôtchô arə ndə̂ Ndjapä zâ bâlâ nə̈ lâme wä bëte azə̂. Käko, äwäpä azə̈ djutu angbongbo rə gbɛ̂ ndə̂ tə̂ azə̂ la andə̂ vrö azə̂ ndə̂kə̂ pa azə̈ daka gbɛ̂ lə̂ köbosə̂ kə̂ zatə̂ azə̂ gbɛ̂ lakə̂ kpe wa Ndjapä.

Ëfêze 5:21

Nyënyê ndə̂ nyê kpe wa Krîsiti, äwäpä nyë dje ma angâ nyê lə̂ gbâtə̂ nyê.

Fïlîpe 2:3

Âwâbo pä nyë gbogbro tə̂ nyê ndə̂kə̂ pu gbölö tchô âdəndjë ndə̂kə̂ wa la ngbongbo su ndə̂kə̂ pa azü wun nyê-a, praâbalë äwäpä nyë mbotə̂ nyê kpîɛ̂kpîɛ̂ rə̂, kə̂ wun angâ nyê gbölö âro nyê.

Dokʉ̈ Timotë 6:1

Azü gbɛ̂ ndə̂ andjë wâtə̂ angbâa, äwäpä andjë lusə̂ a-earə̂ andjê, gundə̂sə̂ nə̈ ndə̂ andjë kʉ̂sə̂ nə̈ ndə̂kə̂ pa a kpe wa andjê. Käko ânyë a droabô rə̈ Ndjapä drô-ê, kə̂ droabô ndjë kə̂ nyisə̂ rə ndə̂ ârâ drô-ê.

Aheborö 13:1

Nyë ndə̈po logbɛ̂ lakə̂ nyində̂ angâ nyê lə̂ gbâtə̂ nyê la angâ nyê batə̂ arə̂mâ ndə̂ Krîsiti.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Pîêre 2:13

Äwäpä nyë dje ma azü gbɛ̂ ndə̂ andjë wâ la kümändëmä pâ azü pâ cho âtə, bëte nyë də̈ azü ndə̂ Gbölö Gbïɛ̈ Jezü: Nyë djë ma gbölö gbïɛ̈ ndə̂ tchêbêche, ndə̂ tche wâ la gbölö kümändëmä pâ adɨ̂ agbïɛ̈ gbɛ̂.

Dokʉ̈ Pîêre 5:5

Nyënyê ndjë gbɛ̂, abechë-ɛ̈köchë la abechë-ɛ̈chë, nyë djë ndjë ma akpôkpô azü ndə̂ Egilîze. Nyënyê gbɛ̂, äwäpä nyë mbotə̂ nyê kpîɛ̂kpîɛ̂ rə̂ lə̂kə̂ sə ndə̂ nyê lə̂ gbâtə̂ nyê, bëte Mbëtï Ndjapä tö rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»