Dokʉ̈ Pîêre 2:16 - Mbëtï Ndjapä: TÄFO MADƗ̈

¹⁶ Nyë mbötə̂ nyê batə̂ azü ndə̂ andjë wûtu tchâtchâ ngbâa, âwâbo pä kə̂ wutu ndə̂ nyê tchâtchâ ngbâa nə̈ wa batə̂ ngâ kʉ̈kʉ̂-lə̂ba ndə̂ âvusə̂ angbongbo rə ndə̂ nyê-a, praâbalë nyë mbö rə batə̂ a-earə̂ kua ndə̂ Ndjapä.

Dokʉ̈ Pîêre 2:16 Iomraidhean Croise

Matiyə̈ 23:13

«Nyonyo kä tə̂ nyê, a-earə̂ kə̂ nyisə̂ ndïɛ̈ la afarizïɛ̈n. Pö ma nyê wä ngbî tə̂kə̂ mbo rə ndə̂ nyê, nyë tchü manda Gbölö gö-gbïɛ̈ ndə̂ tchêlafô tə̂ azü. Nyënyê la tə̂ nyê, nyë nyîâbo ndə̂kə̂ li bhâye-a, praâbalë nyë kïtə̂ köbo tə̂ azü ndə̂ andjë nyîndə̂ kə̂ li bhâye. [

Jâan 15:22

Âdə mê ânəabô alême nə̂-ê, ânyë kə̈ tôâbô pö alême tô sə̈ andjê-ê, ngbongbo rə wabô lə̂ küma andjê tee-a. Praâbalë angaâtə, andjë kâ wâbo la ngâ pö ndə̂kə̂ to rə̂ bëte ngbongbo rə ndə̂ andjê-a.

Rômo 6:18

Ndjapä jî nyê tchâtchâ ngbongbo rə nə̂ ânyë nyë wätə̂ angbâa ndə̂ yê ndə̂kə̂ mbo djîrə̂ rə.

Rômo 6:22

Praâbalë angaâtə, Ndjapä jî nyê tchâtchâ ngbâa ndə̂ ngbongbo rə nə̂ ânyë nyë wätə̂ a-earə̂ kua ndə̂ yê. Käko ndə̂ nyê mbo rə ndə̂ âdâka lə̂ la Ndjapä lâme, rə ndə̂ nyê gbo rə̂ ngbânə̈ wätə̂ tchîsûwu ndə̂ logbɛ̂ logbɛ̂.

Dokʉ̈ Körɛ̂nte 7:22

Bëte ngâ ngbâa ndə̂ Gbölö Gbïɛ̈ ê tchë, tche wûtu tchâtchâ ngbâa nə̈ nə̂, kə̈ wâ nə̂ tə̂ akrə ndə̂ Gbölö Gbïɛ̈. Akrə ndə̂ tche wâbô wâtə̂ ngbâa ânyë Gbölö Gbïɛ̈ ê tchë, dëkë tche wâ nə̂ tə̂ ngbâa ndə̂ Krîsiti.

Gälâte 5:1

Krîsiti jï azə̂ tchâtchâ ngbâa ndə̂kə̂ pa azə̈ sə ämbänə̈. Käko nyë kpökpo tə̂ nyê! Nyë kä nyî bata nyîndə̂ nə̈ pä a ka la nyê tchâtchâ ngbâa-ê.

Gälâte 5:13

Arə̂mâ ndə̂ mê, Ndjapä ë nyê ndə̂kə̂ pa nyë wutu tchâtchâ ngbâa. Âwâbo pä kə̂ wutu ndə̂ nyê tchâtchâ ngbâa nə̈ lâme watə̂ ngâ köbo ndə̂kə̂ mbo angbongbo arə ndə̂ gʉ su nyê-a. Praâbalë lə̂ köbosə̂ kə̂ nyïndə̂ ngâ, nyë mbö kua sə̈ angâ nyê lə̂ gbâtə̂ nyê.

Ëfêze 6:6

Nyë mböäbô kua nə̈ mbô kütû ndə̂ la andjê-ê, ndə̂kə̂ pa a wun rə̂ pä nyë pü köbo ndə̂kə̂ daka lə̂ la azü-î. Praâbalë nyë mbö rə batə̂ angbâa ndə̂ Krîsiti ndə̂ andjë zâ su andjê gbɛ̂ ndə̂kə̂ mbo rə ndə̂ su Ndjapä nyîndə̂ nə̈.

Kölôse 3:24

Äwäpä nyë wunsə̂ nə̈ pä, Gbölö Gbïɛ̈ âkʉadje atchôtchô arə sə̈ nyê ngbâ rə ndə̂ nyë mbô rə̂, ndə̂ tche bâta rə̂ pra azü ndə̂ yê. Lëge Gbïɛ̈ ndə̂ nyê mbo kua sə̈ tchë də̈ Krîsiti.

Dokʉ̈ Tësälönîke 2:5

Nyë wûnsə̂ nə̈ nə̂ gbɛ̂ pä ârâ tôâbo ngâ pö balë ndə̂kə̂ bolo azü-a; ârâ zâbo ndjë gʉ kə̂ gbo rə ndə̂ ârâ wü dəkêlê kə̂ mu pö nə̈-a, Ndjapä wûnsə̂ nə̈ nə̂.

Jâke 1:25

Praâbalë akrə ndə̂ tche chî pâ ndïɛ̈ ndə̂ âdâka gbɛ̂, ndə̂ âji azə̂ tchâtchâ ngbâa, ânyë kə̈ zâtə̂ yê gbɛ̂ tâ, tchê dêkabô tü yê kütû ndə̂kə̂ dje pö ânyë âropâ tü yê tee-a, praâbalë tche âmbo rə ndə̂ ndïɛ̈ nə̈ tô pö ndə̂nə̈, akrə nə̈ lâme wadje la mômô lə̂ arə gbɛ̂ ndə̂ tchê mboadje rə̂.

Jâke 2:12

Lə̂ pö gbɛ̂ ndə̂ nyê to rə̂, la rə gbɛ̂ ndə̂ nyê mbo rə̂, äwäpä nyë wunsə̂ nə̈ pä Ndjapä kä ndə̂ âwa ngbanga pâ nyê, lə̂ köbosə̂ ndïɛ̈ ndə̂ âji azü.

Bïchuû Pîêre 2:19

Andjë zä bâlâ ndə̂kə̂ ji andjê lə̂ ngbâa, dëkë andjë la tə̂ andjê, andjë wätə̂ ngbâa ndə̂ rə ndə̂ âe la andjê ndə̂kə̂ ndɨ andjê, bëte akrə balë balë wätə̂ ngbâa ndə̂ rə ndə̂ ârôpâ yê.

Jûde 1:4

Bëte angâ angbongbo azü lï lə̂ küwû nə̈ lə̂ gbâtə̂ nyê. Andjë sə̈ lakə̂ ndɨ tchə̂lə̂ pö ndə̂ tchôtchô su ndə̂ Ndjapä ndə̂ azə̂, ânyë kə̂ gbo köbo ndə̂kə̂ mbo arə ndə̂ su andjê nyîndə̂ nə̈. Andjë kösə̂ Jezü Krîsiti ndə̂ tche də̂ kêlä Earə̂ kə̂ nyisə̂ rə la Gbölö Gbïɛ̈ ndə̂ azə̂. Mbëtï Ndjapä tô pö ndə̂ ngbanga ndə̂ a wâ rə̂ lə̂ küma andjê gasa alême nə̂.