Dokʉ̈ Pîêre 2:12 - Mbëtï Ndjapä: TÄFO MADƗ̈

¹² Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.

Dokʉ̈ Pîêre 2:12 Iomraidhean Croise

Matiyə̈ 10:25

Äwäpä djisîpili wa batə̂ earə̂ kə̂ nyisə̂ rə sə̈ tchë, ânyë earə̂ kua wa ndjë batə̂ gbölö akrə ndə̂ yê. Batə̂ rə̂ ndə̂ andjë e earə̂ nda pä Bëlëzëbûlu, andjê âto angbongbo pö tə̂ gbölösə̂nə̈ tə̂ azü tchâalê ndə̂ yê nə̈ atöko!»

Matiyə̈ 5:11

Nyë wä la mômô, nyënyê ndə̂ azü dro nyê, kə̂ mbo ngbongbo rə tə̂ nyê, kə̂ to angbongbo pö lakə̂ mo yepa la rə̈ nyê bëte mê.

Matiyə̈ 5:16

Äwäpä ngbänga nyê tcho käko-ë tchâtchu azü gbɛ̂, ânyë andjë wun tchôtchô kə̂ mbo rə ndə̂ nyê, käko ânyë andjë voga Bha nyê ndə̂ tche sə̂ bhâ lafô.»

Matiyə̈ 9:8

Ndə̂ kpûlû azü nə̈ wûn rə̂ käko, wawa mbô andjê. Andjë vôga Ndjapä bëte rə̂ ndə̂ tche zâ gbôgbô käko sə̈ azü ndə̂kə̂ mbo arə.

Lûke 1:68

«Äwäpä azə̈ voga Gbölö Gbïɛ̈, Ndjapä ndə̂ azü ndə̂ Isarayële. Bëte tche nə̈ kə̈ zâ könô sə̈ azü gö ndə̂ yê kə̈ jî andjê tchânə̂ a-earə̂ kə̂ kosə̂ andjê.

Lûke 19:44

Andjê nunuadje mö tratralë la azü gö ndə̂ zə̈ gbɛ̂. Ngâ täme ndə̂ zə̈ balë kä wa bata pâ ngâ yê tee-a. Bëte lo nə̈ ndə̂ Ndjapä nə ndə̂kə̂ ji mö, mo wûn-âbo sə̂nə̈-a!»

Lûke 6:22

Nyë kä la mômô, âdə azü âkosə̂ nyê, kə̂ gro nyê, kə̂ dro nyê, kə̂ to ngbongbo pö la rə̈ nyê bëte Modô ndə̂ Akrə!

Jâan 13:31

Ndə̂ Jüdâse rô etə̂, Jezü tô rə̂ päkëdə̂: «Angaâtə a lûsə̂ Modô ndə̂ Akrə nə̂, ânyë a lûsə̂ Ndjapä lə̂ köbosə̂ yê nə̂.

Abadjângele 15:14

Chemön nyïsə̂ nə̈ sə̈ azə̂ angangaâtə köbosə̂ nə̈ ndə̂ Ndjapä mbô dâkâ tə̂ azü ndə̂ andjë wâbô wâtə̂ ajuîfu ânyë kə̈ nyîkrə rə̂ dokʉ̈tchê ndə̂kə̂ e angânə̈ pä andjë wätə̂ azü ndə̂ yê.

Abadjângele 24:13

Pö gbɛ̂ ndə̂ andjë yî rə̂ lə̂ küma mê lâme, andjë nyîâbo sə̂ rə ndə̂ ânyîsə̂ nə̈ pä pö ndə̂ andjê nə̈ wätə̂ lëge nə̈-a.

Abadjângele 25:7

Ndə̂ Pôlo wûtu, ajuîfu ndə̂ andjë tô bhâ Jerûzalêmo ânyë kə̈ nə̂, andjë tâkpa ndə̂ yê gbɛ̂ ânyë kə̈ sə̂ lakə̂ yi agbölö pö lə̂ küma yê tə̂ gbölösə̂nə̈. Praâbalë ngâ rə ndə̂ ânyîsə̂ nə̈ pä apö ndə̂ andjë yî rə̂ lə̂ küma yê lâme wätə̂ lëge pö wâbo-a.

Abadjângele 28:22

Praâbalë ârâ nyïndə̂ nə̈ pä momö la tə̂ zə̈, mo to rə̂ sə̈ ârâ rə ndə̂ âwâ bhâlə̂ su zə̈. Bëte ârâ wûnsə̂ nə̈ nə̂ pä kusə̂ tchô gbɛ̂ azü kösə̂ ngbongbo kpûlû ndə̂ zə̈ lâme.»

Rômo 12:17

Nyë mböäbô ngbongbo rə mbô tə̂ ngâ akrə bëte rə̂ ndə̂ tche mbô ngbongbo rə tə̂ nyê-ê. Nyë zä su nyê ndə̂kə̂ mbo tchôtchô rə tchâtchu azü gbɛ̂.

Rômo 13:13

Äwäpä kə̂ mbo rə ndə̂ azə̂ wa lə̂ köbo nə̈ djîrə̂ batə̂ andə̂ azü ndə̂ andjë mbo rə la tchêdalo. Azə̈ zɨ̈äbô rə zɨ̂ kə̂ ndjoabô rə ndjô âro masə̂nə̈-ê. Azə̈ mböäbô ngbongbo rə mbô-ê, kə̂ puabô ɛ̈chë âdəndjë köchë ndə̂ akrə pû-î. Azə̈ pöäbô pô-ê, kə̂ wabô wâ la gbölö su-ê.

Rômo 14:18

Akrə ndə̂ tche mbô kua la Krîsiti käko, tche däka tchâtchu Ndjapä ânyë azü nyïndə̂ pö ndə̂ yê.

Rômo 15:9

Krîsiti mbö ndjë tâ käko ndə̂kə̂ za köbo sə̂ angâ azü ndə̂ andjë wâbô wâtə̂ ajuîfu, ndə̂kə̂ pa andjë voga Ndjapä bëte dâkâ ndə̂ tche mbô rə̂ tə̂ andjê, batə̂ rə̂ ndə̂ Mbëtï Ndjapä tô rə̂ päkëdə̂: «Bëte rə̂ kä ndə̂ mê vogadje mö lə̂ gbâtə̂ azü ndə̂ andjë wâbô wâtə̂ ajuîfu. Mê vogadje rə̈ zə̈ lə̂ düwü ndə̂ mê.»

Dokʉ̈ Körɛ̂nte 14:25

Apö ndə̂ âwâ wü bhâlə̂ su yê âwutuadje kraâ ësûwu, käko tchê gʉteadje, kə̂ chiadje küma yê, kə̂ vogadje Ndjapä lakə̂ to rə̂ päkëdə̂: «Ndjapä kä tə̂ lëge nə̈ lə̂ gbâtə̂ nyê.»

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Bïchuû Körɛ̂nte 13:7

Ârâ tö pö sə̈ Ndjapä ndə̂kə̂ pa nyë mboabô ngâ ngbongbo rə mbô balë-ê. Ârâ nyîâbo ndə̂kə̂ nyisə̂ nə̈ sə̈ nyê pä ârâ tchâbo köbo nə̂-a, praâbalë ârâ nyïndə̂ kə̂ wun nyê lakə̂ mbo dâkâ, âdəndjë rə̂ ndə̂ azü tô rə̂ pä ârâ tchâ köbo nə̂.

Bïchuû Körɛ̂nte 8:21

Rə ndə̂ âzâ su ârâ wâbo ndə̂kə̂ mbo kütû rə ndə̂ âwâ djîrə̂ lə̂ la Ndjapä-a, praâbalë äwä ndjë ndə̂kə̂ mbo rə ndə̂ âwâ djîrə̂ lə̂ la azü.

Ëfêze 2:3

Azə̈ gbɛ̂, azə̈ mbö ndjë rə alême batə̂ andjê: Azə̈ mbö rə alême gundə̂sə̂ gʉ su azə̂, azə̈ mbö rə ndə̂ tə̂ azə̂ yûkû nə̈, la rə ndə̂ su azə̂ nyîndə̂ nə̈. Tə̂ pö ndə̂nə̈ ndə̂ azə̈ wâ alême käko lâme, azə̈ wä ndjë alême ndə̂kə̂ gbo mêrâ ndə̂ Ndjapä batə̂ azü gbɛ̂.

Ëfêze 4:22

Äwäpä nyë gbotə̂ bəndɨ kə̂ sə ndə̂ nyê, kə̂ jitə̂ nyê tə̂ bəndɨ kə̂ mbo rə ndə̂ nyê, ndə̂ âmbo rə̂ pä gʉ su nyê bolo nyê ndə̂kə̂ pa nyë ndɨ-î.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Fïlîpe 4:8

Ndə̂kə̂ ka pö nə̈, arə̂mä, äwäpä nyë za su nyê pâ rə ndə̂ âdâka, rə ndə̂ a voga rə̂, rə ndə̂ âwâtə̂ lëge nə̈, rə ndə̂ a lusə̂ nə̈, rə ndə̂ âwâ djîrə̂, rə ndə̂ âdâka gbɛ̂, rə ndə̂ âfû lə̂ la azü, rə ndə̂ a to tchôtchô pö ndə̂nə̈ sə̈ azü.

Dokʉ̈ Tësälönîke 4:12

Käko ânyë kə̂ sə ndə̂ nyê lu lə̂ la azü ndə̂ andjë wûn-âbô sə̂ Ndjapä wûn, ânyë nyê wabô wâtə̂ kʉ̂ngbô pâ ngâ akrə balë-ê.

Dokʉ̈ Timotë 2:2

Nyë tö pö sə̈ tchë bëte agbïɛ̈ la azü gbɛ̂ ndə̂ andjë wâ gbölö tə̂ küma ngâ kua, ndə̂kə̂ pa azə̈ sə la zɨtɨ su, kə̂ sə gii-ï, kə̂ zatə̂ azə̂ gbɛ̂ sə̈ Ndjapä, lakə̂ lusə̂tə̂ azə̂.

Dokʉ̈ Timotë 4:12

Âwâbo pä ngâ akrə talusə̂ zə̈ tə̂ pö ndə̂nə̈ ndə̂ mo wâtə̂ bechë-ɛ̈köchɛ̈-a, praâbalë amö nyisə̂ köbo sə̈ andjê lə̂ köbosə̂ pö ndə̂ zə̈, kə̂ mbo rə ndə̂ zə̈, kə̂ nyində̂ ngâ ndə̂ zə̈, kə̂ za su zə̈ sə̈ Krîsiti lakə̂ wa la grôgrô su.

Dokʉ̈ Timotë 5:10

Äwäpä azü wunsə̂ yê la atchôtchô kua ndə̂ tche mbô rə̂: Tche də̈ akrə ndə̂ tchê bata abechë, kə̂ wunsə̂ kə̂ kʉ ayirə bhândə̂ yê, kə̂ djutu da azü ndə̂ Ndjapä, kə̂ za könô sə̈ azü ndə̂ andjë sə̂ lə̂ nyonyo. Tche də̈ akrə ndə̂ tche mbo tchôtchô rə balë balë gbɛ̂.

Aheborö 13:18

Nyê to pö sə̈ Ndjapä tə̂ pö ndə̂ ârâ, bëte ârâ wünsə̂ nə̈ bhâlə̂ kə̂ rɨ tchə̂lə̂ su ârâ pä ngâ ngbongbo rə wâbo tə̂ su ârâ-a, ârâ nyïndə̂ nə̈ pä kə̂ mbo rə ndə̂ ârâ daka lə̂ arə gbɛ̂.

Aheborö 13:5

Âwâbo pä lə̂ köbosə̂ kə̂ mbo rə ndə̂ nyê, nyê wa la gʉ makətche tə̂ gbölösə̂nə̈-a. Nyë zä su nyê pâ rə ndə̂ nyë wâ la rə̂, bëte Ndjapä la tə̂ yê tö rə̂ päkëdə̂: «Mê gboabô tə̂ zə̈ tee-a, mê djeabô tchêngbâ mê tə̂ zə̈ balë tee-a.»

Jâke 3:13

Ngâ akrə ndə̂ küma yê wâ lanə̈ ânyë kə̈ wûnsə̂ rə kädje lə̂ gbâtə̂ nyê? Äwäpä tche nyisə̂ nə̈ lə̂ köbosə̂ tchôtchô kə̂ mbo rə ndə̂ yê, lə̂ köbosə̂ akua ndə̂ yê ndə̂ tche mbo rə̂ nyima-ë, ndjë lə̂ köbosə̂ küma yê ndə̂ âwâ lanə̈.

Dokʉ̈ Pîêre 2:15

Bëte rə ndə̂ Ndjapä nyîndə̂ nə̈ wä ndə̂kə̂ pa nyë mbo dâkâ ânyë âmbo rə̂ pä nyë ngbo ma angbɨ̈lə̈ azü la azü ndə̂ andjë wûn-âbô sə̂ rə wûn lâme.

Dokʉ̈ Pîêre 3:16

Praâbalë nyë tö pö nə̈ sə̈ andjê nyima-ë lakə̂ lusə̂ andjê, äwäpä kə̂ rɨ tchə̂lə̂ su nyê wabô wâ la ngâ ngbongbo rə-ê, käko ânyë ganô mbo azü ndə̂ andjë to angbongbo apö tə̂ nyê tə̂ pö ndə̂ tchôtchô kə̂ sə ndə̂ nyê balë la Krîsiti.

Dokʉ̈ Pîêre 4:11

Âdə ngâ akrə âsə lakə̂ to pö, äwäpä tche to apö ndə̂ Ndjapä. Âdə ngâ akrə âsə lakə̂ mbo kua sə̈ angâ yê, äwäpä tche mbo rə̂ la gbôgbô ndə̂ Ndjapä zâ rə̂ sə̈ tchë, käko ânyë lə̂ köbosə̂ Jezü Krîsiti, azü voga Ndjapä lə̂ arə gbɛ̂. Gbölö la gbôgbô wätə̂ andə̂ Ndjapä tə̂ logbɛ̂ logbɛ̂! Amin.

Bïchuû Pîêre 3:11

Ndə̂ arə lâme gbɛ̂ wâ ndə̂kə̂ rôrö lâme, käko äwäpä nyë wunsə̂ rə ndə̂ nyë wâ ndə̂kə̂ mbo rə̂! Äwäpä nyë watə̂ azü ndə̂ andjë dâka gbɛ̂, kə̂ zatə̂ nyê gbɛ̂ sə̈ Ndjapä.