Dokʉ̈ Pîêre 2:10 - Mbëtï Ndjapä: TÄFO MADƗ̈

¹⁰ Dokʉ̈tchê alême nyë wâbo tə̂ azü gö ndə̂ Ndjapä-a, praâbalë angaâtə, nyë wâ nə̂ tə̂ azü gö ndə̂ yê. Dokʉ̈tchê alême Ndjapä wûn-âbo nyonyo nyê-a, praâbalë angaâtə, tche wûn nyonyo nyê nə̂.

Dokʉ̈ Pîêre 2:10 Iomraidhean Croise

Rômo 10:19

Më kä yû tchô päkëdə̂: Azü ndə̂ Isarayële djêâbo tchə̂lə̂ pö âtə dämba nə̂? Ndjapä tô rə̂ alême nə̂ lə̂ ma Möyîze päkëdə̂: «Mê mboadje rə̂ ânyë nyê wa la gbölö su tə̂ azü ndə̂ andjë wâbô wâtə̂ alëge azü pâ mawo ndə̂ andjê. Mê mboadje rə̂ pä su nyê kʉ nyê tə̂ azü pâ mawo ndə̂ andjë wûn-âbô sə̂ rə wûn-î.»

Rômo 11:30

Dokʉ̈tchê alême, azü ndə̂ andjë wâbô wâtə̂ ajuîfu djêâbo pö ma Ndjapä-a. Angaâtə, Ndjapä wün nyonyo nyê bëte ajuîfu djêâbo pö ma yê-a.

Dokʉ̈ Körɛ̂nte 7:25

Âdə andə̂ andjanə̈ ndə̂ andjë tôâbô aɛ̈chë âdəndjë aköchë tô-ê, Gbölö Gbïɛ̈ zâbo ma sə̈ mê pâ andjê-a. Praâbalë më ânyisə̂ kə̂ wun tchô ndə̂ mê batə̂ akrə, ndə̂ nyë wâ ndə̂kə̂ za su nyê pâ pö ndə̂ yê, bëte Gbölö Gbïɛ̈ wün nyonyo mê.

Dokʉ̈ Timotë 1:13

Mëmê ndə̂ më wâ dokʉ̈tchê alême tə̂ earə̂ kə̂ to angbongbo apö, la earə̂ kə̂ mbo azü la yûkü, la earə̂ kə̂ dro tchô. Praâbalë tche wûn nyonyo mê, bëte më wûn-âbo sə̂ arə ndə̂ më mbô rə̂ lâme-a, ndjë bëte më zâbo su mê sə̈ tchë-a.

Aheborö 4:16

Azə̈ gïtə̂ azə̂ la su azə̂ gbɛ̂ pu ngendë-gbïɛ̈ ndə̂ Ndjapä ndə̂ tche wâ la tchôtchô su. Käko ânyë tche wun nyonyo azə̂, ânyë azə̈ gbo tchôtchô su ndə̂ yê, ndə̂kə̂ pa tche za könô sə̈ azə̂ tə̂ lö nə̈ ndə̂ tche nyîndə̂ nə̈.