Dokʉ̈ Pîêre 2:1 - Mbëtï Ndjapä: TÄFO MADƗ̈

¹ Nyë gbötə̂ köbo ndə̂kə̂ mbo ngbongbo su gbɛ̂, kə̂ gbotə̂ köbo ndə̂kə̂ bolo azü-î. Pö ma nyê wäbô wâ ngbî tə̂kə̂ mbo rə ndə̂ nyê-ê. Nyë gbötə̂ gbölö su, kə̂ gbotə̂ kə̂ jende azü-î.

Dokʉ̈ Pîêre 2:1 Iomraidhean Croise

Matiyə̈ 15:7

Nyënyê ndə̂ pö ma nyê wâ ngbî tə̂kə̂ mbo rə ndə̂ nyê âtə, Ezayï tö lëge ndə̂ma Ndjapä pâ nyê alême päkëdə̂:

Matiyə̈ 23:28

Nyënyê ndjë, lə̂ la azü nyë kʉ̈tə̂ nyê la adjîrə̂ azü, praâbalë su nyê sɨ̂sɨ̈ la apö ma nyê ndə̂ âwâ ngbî tə̂kə̂ mbo rə ndə̂ nyê la ngbongbo rə.

Matiyə̈ 24:51

Gbölö akrə nə̈ âgroadje earə̂ kua nə̈, kə̂ mbo rə̂ tə̂ yê batə̂ rə̂ ndə̂ a mbo rə̂ tə̂ azü ndə̂ kə̂ mbo rə ndə̂ andjê wâ ngbî tə̂ pö ma andjê; bhâye, kütû kɨ̈ lakə̂ zɨ tchə̂lə̂ da jï.»

Matiyə̈ 7:5

Momö ndə̂ pö ma zə̈ wâ ngbî tə̂kə̂ mbo rə ndə̂ zə̈ âtə, äwäpä mo tchoakra gbölö yö lə̂ la zə̈ dokʉ̈tchê, kə̂ wun tchô la köbo nə̈ ânyë kə̂ tchoakra bë lə̂ la ngâ zə̈!

Mâreke 12:15

Praâbalë Jezü wûnsə̂ pö ma andjê ndə̂ âwâ ngbî tə̂kə̂ mbo rə ndə̂ andjê, kə̈ tô rə̂ sə̈ andjê päkëdə̂: «Bëte giamâ kä ndə̂ nyë nyîndə̂ kə̂ vu mê? Nyë nə̈ la ngâ makətche sə̈ mê më wûn rə̂.»

Lûke 11:44

Nyonyo kä tə̂ nyê! Nyë wä batə̂ acho akuzü ndə̂ a wûn-âbô rə̂ wûn-î, ânyë âdə akrə ânə pânə̈ kə̈ wûn-âbo sə̂nə̈ pä acho akuzü kä me-a.»

Lûke 12:1

Lo nə̈ lâme, angbängbä azü pâlatə̂ andjê sâke sâke, ânyë âmbô rə̂ pä andjë sə̂ lakə̂ dɨkpu tə̂ andjê lə̂ gbâtə̂ andjê. Jezü tô rə̂ sə̈ adjisîpili ndə̂ yê dokʉ̈tchê päkëdə̂: «Äwäpä la nyê gbo tə̂ djëvö ndə̂ afarizïɛ̈n, ndə̂ ânyîndə̂ kə̈ to rə̂ pä azü ndə̂ pö ma andjê wâ ngbî tə̂kə̂ mbo rə̂ ndə̂ andjê.

Lûke 6:42

Atöko kä ndə̂ mo tô rə̂ sə̈ ngâ zə̈ päkëdə̂: ‹Ngâ mê, sə gii më tchôâkra bë ndə̂ âwâ lə̂ la zə̈ âtə›, ânyë momö ndə̂ zə nə̈, mo wûn-âbô gbölö yö ndə̂ âwâ lə̂ andə̂ zə nə̈ wûn-î? Momö ndə̂ pö ma zə̈ wâ ngbî tə̂kə̂ mbo rə ndə̂ zə̈ âtə, äwäpä mo tchoakra gbölö yö lə̂ la zə̈ dokʉ̈tchê, kə̂ wun tchô ngrôô, ânyë kə̂ tchoakra bë lə̂ la ngâ zə̈.»

Jâan 1:47

Ndə̂ Jezü wûn Nätänäyêle ndə̂ tche sə̂ lakə̂ pu tchë, kə̈ tô pö ndə̂ yê päkëdə̂: «Lëge akrə gö ndə̂ Isarayële kä âtə. Tche wûn-âbo sə̂kə̂ mo yepa sə̈ azü-a.»

Rômo 1:29

Arə mbə̈lï sɨ̂sɨ̈ lə̂ su andjê: Andjë mbö ngbongbo rə, andjë wä la gʉ kə̂ gbo rə tə̂ gbölösə̂nə̈, andjë wätə̂ azü ndə̂ ngbongbo su. Gbölö su rôpâ andjê, andjë wätə̂ a-earə̂ kə̂ won azü, a-earə̂ kə̂ po la angâ andjê, a-earə̂ kə̂ bolo azü, andjë tö angbongbo apö tə̂ angâ andjê lə̂ gbâtə̂ andjê, a-earə̂ kə̂ mo yepa lə̂ küma angâ andjê,

Dokʉ̈ Körɛ̂nte 14:20

Arə̂mä, äwäpä kə̂ za küma nyê wabô wâ batə̂ andə̂ abechë-ê, âdə andə̂ kə̂ mbo ngbongbo rə âdə rə̂, ɛn-ɛn! Äwäpä nyë wa batə̂ ayɛ̈yɛ̈ abechë. Praâbalë âdə ârə̂ âwa ndə̂kə̂ za küma, äwäpä nyë za küma nyê batə̂ adjêdjena azü.

Dokʉ̈ Körɛ̂nte 5:8

Käko âwâbo pä azə̈ mbo kpülü ndə̂ Pâke nə̈ la bəndɨ djëvö-a, ndə̂ âwâtə̂ djëvö ndə̂ ngbongbo rə, la andə̂ ngbongbo su lâme-a, praâbalë azə̈ mbö kpülü ndə̂ Pâke nə̈ la mâpa ndə̂ djëvö wâbô wâ lə̂nə̈-ê, ndə̂ ânyîndə̂ kə̂ to pö ndə̂kə̂ daka gbɛ̂ lakə̂ to lëge pö.

Bïchuû Körɛ̂nte 12:20

Wawa mbö mê ndə̂kə̂ pa âdə mê âsə̈ wutu bhândə̂ nyê, kə̂ wun kə̂ sə ndə̂ nyê âwa ngbî tə̂ anə̈ ndə̂ su mê nyîndə̂ nə̈, ânyë nyënyê ndjë gbɛ̂, nyê wun kə̂ sə ndə̂ mê âwa ngbî tə̂ anə̈ ndə̂ su nyê nyîndə̂ nə̈. Wawa mbö mê ndə̂kə̂ pa angbongbo arə kâkë wabô wâ lə̂ gbâtə̂ nyê: Kə̂ gama, gbölö su, mêrâ, kə̂ pu köbo ndə̂kə̂ wa batə̂ ngâ yê, kə̂ dro akrə la angbongbo apö, kə̂ to alû, kə̂ bhi gogo, kə̂ mbo angbongbo rə katchôgbɛ̂.

Ëfêze 4:31

Nyë zäbô akrə zâ tə̂ su nyê-ê, su nyê hröäbô hrô-ê, nyë mböäbô mêrâ mbô-ê, nyë täbô wârə̂ tâ lə̂ küma akrə-ê, kə̂ droabô akrə drô-ê, angbongbo rə lâme gbɛ̂, nyë kä mbô bata rə̂ mbô-ê la adɨ̂ angbongbo rə balë balë gbɛ̂.

Dokʉ̈ Tësälönîke 2:3

Kə̂ mu pö ndə̂ ârâ nə̈ krʉ̂âbo pâ yepa-a, âwâbo lə̂ köbosə̂ ngbongbo pö tə̂ su akrə-a, kə̈ wâbo ndjë ndə̂kə̂ bolo azü-a.

Dokʉ̈ Timotë 3:11

Aɛ̈chë ndjë gbɛ̂, äwäpä andjë lusə̂tə̂ andjê, kə̂ toabô alû tô-ê, kə̂ zɨabô rə zɨ̂ âro masə̂nə̈-ê, kə̂ mbo rə gbɛ̂ gundə̂sə̂ pö ma andjê.

Tîte 2:3

Äwä ndjë pä akpôkpô aɛ̈chë mbotə̂ andjê batə̂ azü ndə̂ andjë wâ ngbî bëte Ndjapä. Âwâbo pä andjë dɨ angbongbo apö-a, kə̂ zabô tə̂ andjê zâ gbɛ̂ ndə̂kə̂ ndjo pî âro masə̂nə̈-ê. Äwäpä andjë nyisə̂ rə ndə̂ âdâka sə̈ azü.

Aheborö 12:1

Âdə andə̂ azə̈ nə̈, azə̈ wûnsə̂ nə̈ nə̂ pä pö ndə̂ angbängbä azü ndə̂ andjë mbô rə alême gundə̂sə̂ kə̂ za su andjê sə̈ Ndjapä lâme, andjë täkpa ndrotə̂ azə̂. Käko äwäpä azə̈ gbotə̂ akʉ̂ngbô ndə̂ azə̂ gbɛ̂ ndə̂ âlû, kə̂ gbotə̂ köbo ngbongbo rə ndə̂ azə̈ te lə̂nə̈ gasa lâme-ê, kə̂ kpe la rö lakə̂ rʉatə̂ su azə̂ ndə̂kə̂ pa adɨngâalî ndə̂ a nyîsə̂ nə̈ sə̈ azə̂.

Jâke 1:21

Ndjë, äwäpä nyë gbotə̂ arə kâkpö gbɛ̂, la angbongbo su gbɛ̂ ndə̂ ârô masə̂nə̈-ê. Nyë gämba pö ndə̂ a chî rə̂ lə̂ su nyê lâme, la su ndə̂ âwâ nyima-ë. Bëte pö nə̈ lâme kä la gbôgbô ndə̂kə̂ tcha nyê lə̂ kuzü.

Jâke 3:14

Praâbalë âdə nyê âwa la kïkï gbölö su, ndjë la gʉ ndə̂kə̂ wa gbölö tə̂ angâ nyê, nyë bhïäbô gogo nyê bhî ämbänə̈-ê, lakə̂ mo yepa ndə̂kə̂ ndɨ köbo lëge pö-ê.

Jâke 4:11

Arə̂mä, nyë jëndeabô angâ nyê jênde lə̂ gbâtə̂ nyê-ê. Akrə ndə̂ tche jênde ngâ yê, âdəndjë rə̂ ndə̂ tche wâ ngbanga lə̂ küma ngâ yê, dëkë tche jênde ndïɛ̈ nə̂, kə̈ wâ ndjë ngbanga lə̂ küma ndïɛ̈ nə̂. Âdə mo âwa ngbanga lə̂ küma ndïɛ̈, dëkë mo wâbo tə̂ akrə ndə̂ tche mbô rə gundə̂sə̂ ndïɛ̈-a, mo wätə̂ earə̂ kə̂ wa ngbanga lə̂ küma ndïɛ̈.

Jâke 4:5

Âdəndjë rə̂, nyë wûntî pä pö ndə̂ Mbëtï Ndjapä tô rə̂ lâme wätə̂ mbämbä pö? Ndə̂ âtô rə̂ päkëdə̂: «Yingö ndə̂ Ndjapä zâ rə̂ lə̂ azə̂ lâme, tche kï pânə̈ tə̂ gbölösə̂nə̈.»

Jâke 5:9

Arə̂mä, nyë dɨ̈äbô tchə̂lə̂ ma nyê dɨ̂ tə̂ angâ nyê lə̂ gbâtə̂ nyê, ânyë Ndjapä wabô ngbanga wâ lə̂ küma nyê-ê. Nyë wünsaâ! Earə̂ kə̂ wa ngbanga krʉ̂ nə̂ pâ adälä manda.

Dokʉ̈ Pîêre 2:16

Nyë mbötə̂ nyê batə̂ azü ndə̂ andjë wûtu tchâtchâ ngbâa, âwâbo pä kə̂ wutu ndə̂ nyê tchâtchâ ngbâa nə̈ wa batə̂ ngâ kʉ̈kʉ̂-lə̂ba ndə̂ âvusə̂ angbongbo rə ndə̂ nyê-a, praâbalë nyë mbö rə batə̂ a-earə̂ kua ndə̂ Ndjapä.

Dokʉ̈ Pîêre 2:22

Tchetchë ndə̂ tche mbôâbô ngâ ngbongbo rə mbô-ê, tchetchë ndə̂ ngâ pö ndə̂kə̂ bolo tchô wûtuabô wûtu balë lə̂ ma yê-ê.

Dokʉ̈ Pîêre 3:10

Bëte Mbëtï Ndjapä tö rə̂ päkëdə̂: «Akrə ndə̂ tche nyîndə̂ tchîsûwu ndə̂ yê, ânyë kə̈ nyîndə̂ kə̂ sə la sə̂nə̈, äwäpä tche bata ma yê tə̂ ngbongbo pö, kə̂ bata ma yê tə̂ apö kə̂ bolo tchô,

Dokʉ̈ Pîêre 4:2

Käko lə̂ adɨ̂ alö ndə̂ âwâ ngbânə̈ tchâtchu nyê ndə̂kə̂ sə pâ cho âtə, nyë mböämbô rə mbô gundə̂sə̂ ngbongbo gʉ su nyê-ê, praâbalë nyë mbö rə lə̂ köbosə̂ nə̈ ndə̂ Ndjapä nyîndə̂ nə̈.

Dokʉ̈ Pîêre 4:4

Angaâtə, âdə andjê âwun nyê ndə̂ nyë kä ngbôâbo tə̂ nyê ngbô la andjê ndə̂kə̂ pu aɛ̈chë âdəndjë aköchë katchôgbɛ̂, tchə̂lə̂ küma andjê âdjingɨli, ânyë andjë sə lakə̂ dro nyê.

Apökälîbïchi 14:5

A gbôâbo ngâ pö yepa balë lə̂ ma andjê-a, ngbongbo rə balë wâbo lə̂ andjê-a.