Dokʉ̈ Pîêre 1:9 - Mbëtï Ndjapä: TÄFO MADƗ̈

⁹ Bëte djusə̂nə̈ ndə̂ Ndjapä tchâ nyê lə̂ kuzü lâme də̈ rə̂ ndə̂ nyë zâ su nyê sə̈ tchë.

Dokʉ̈ Pîêre 1:9 Iomraidhean Croise

Rômo 6:22

Praâbalë angaâtə, Ndjapä jî nyê tchâtchâ ngbâa ndə̂ ngbongbo rə nə̂ ânyë nyë wätə̂ a-earə̂ kua ndə̂ yê. Käko ndə̂ nyê mbo rə ndə̂ âdâka lə̂ la Ndjapä lâme, rə ndə̂ nyê gbo rə̂ ngbânə̈ wätə̂ tchîsûwu ndə̂ logbɛ̂ logbɛ̂.

Aheborö 11:13

Lə̂ köbosə̂ kə̂ za su sə̈ Ndjapä, azü lâme gbɛ̂ ndə̂ gbô andjê ndə̂po pâ su andjê ndə̂ andjë zâ rə̂ sə̈ Ndjapä, andjë tchû-î, kə̈ gbôâbo rə ndə̂ Ndjapä zâ bâlâ nə̈ lâme-a. Praâbalë andjë wûn rə̂ ndə̂ gbô rə̂ wâ ngrɨ̈, kə̈ wâ la mômô tə̂ pö ndə̂nə̈. Tchâme kä ndə̂ andjë wûnsə̂ nə̈ tə̂ lëge nə̈ pä anyë də̈ azü ndə̂ ngâ gö ngbî la a-earə̂ wrʉ̂ kupâ cho âtə.

Jâke 1:21

Ndjë, äwäpä nyë gbotə̂ arə kâkpö gbɛ̂, la angbongbo su gbɛ̂ ndə̂ ârô masə̂nə̈-ê. Nyë gämba pö ndə̂ a chî rə̂ lə̂ su nyê lâme, la su ndə̂ âwâ nyima-ë. Bëte pö nə̈ lâme kä la gbôgbô ndə̂kə̂ tcha nyê lə̂ kuzü.

Dokʉ̈ Pîêre 3:20

Andjanə̈ ndə̂ andjë kôsə̂ pö ma Ndjapä alême, sə̂nə̈ ndə̂ tche rʉ̂âtə̂ su yê ndə̂kə̂ krʉ bëte andjê pä andjë ka pu tchë tə̂ lo nə̈ ndə̂ Nowë mbô âreche. Kütû kpîɛ̂kpîɛ̂ kə̂ ngba ndə̂ azü mïndûu manə̈ vötaâ kä ndə̂ âlî lə̂nə̈, ânyë Ndjapä tchâ andjê lə̂ köbosə̂ ngû.