Dokʉ̈ Pîêre 1:8 - Mbëtï Ndjapä: TÄFO MADƗ̈

⁸ Tchetchë ndə̂ nyë wûn-âbô tchë wûn, praâbalë nyë nyîndə̂ yê, tchetchë ndə̂ nyë wûn-âbô tchë wûn, praâbalë nyë zâ su nyê sə̈ tchë, bëte rə̂ kä ndə̂ su nyê sɨ̂sɨ̈ la gbölö mômô, ndə̂ a wûn-âbo sə̂ pö ndə̂ a to rə̂ pânə̈-a.

Dokʉ̈ Pîêre 1:8 Iomraidhean Croise

Matiyə̈ 10:37

Akrə ndə̂ tche nyîndə̂ bha nə̈ âdəndjë anyï nə̈ ârô mê, tche wâbo ndə̂kə̂ watə̂ djisîpili ndə̂ mê-a. Akrə ndə̂ tche nyîndə̂ modô ndə̂ yê âdəndjë ɛ̈wünrə ndə̂ yê ârô mê, tche wâbo ndə̂kə̂ watə̂ djisîpili ndə̂ mê-a.

Jâan 14:15

«Âdə nyê ânyində̂ mê, kə̂ batadje andïɛ̈ ndə̂ mê.

Jâan 14:21

Akrə ndə̂ tche nyîndə̂ mê, tche də̈ akrə ndə̂ tchê bata andïɛ̈ ndə̂ mê, ânyë kə̂ mbo rə gundə̂sə̂ nə̈. Bha mê nyiadje ndə̂ akrə ndə̂ tche nyîndə̂ mê. Mëmê ndjë gbɛ̂ mê nyiadje ndə̂ yê, kə̂ madje tə̂ mê sə̈ tchë.»

Jâan 14:24

Akrə ndə̂ tche nyîâbô nyîndə̂ mê, tchê mboabô rə gundə̂sə̂ pö ndə̂ mê tee-a. Pö ndə̂ nyë djê rə̂ âtə, âtôâbo bhândə̂ mê-a, ätö bhândə̂ Bha mê ndə̂ tche wân mê.

Jâan 16:22

Angaâtə, nyënyê ndjë gbɛ̂, nyë kä lə̂ nyonyo, praâbalë mê kä wun-adje nyê, ânyë su nyê wadje la mômô. Mômô nə̈ lâme, ngâ akrə balë ndə̂kə̂ krʉa rə̂ tə̂ su nyê wâbo-a.

Jâan 20:29

Jezü tô rə̂ sə̈ tchë päkëdə̂: «Bëte rə̂ ndə̂ mo wûn mê kä ndə̂ mo gâmba rə̂? Mômô kä tə̂ andjanə̈ ndə̂ andjë wûn-âbô mê wûn, ânyë kə̈ gâmba rə̂.»

Jâan 8:42

Jezü tô rə̂ sə̈ andjê päkëdə̂: «Âdə Ndjapä âwa alême tə̂ Bha nyê, nyê nyiadje ndə̂ mê, bëte më tö lə̂ Ndjapä ânyë kə̈ nə̂. Mëmê, më nə̂âbo la tə̂ mê-a, praâbalë tchetchë kä ndə̂ âwân mê.

Abadjângele 16:34

Tche zâ Pôlo la Sïlâse kə̈ kênga la andjê bhândə̂ yê, kə̈ zâ kɨ̈zɨ̂ sə̈ andjê. Su yê la azü tchâalê ndə̂ yê gbɛ̂ wâ la mômô bëte rə̂ ndə̂ andjë zâ su andjê sə̈ Ndjapä.

Rômo 14:17

Gbölö gö-gbïɛ̈ ndə̂ Ndjapä wâbo ndə̂kə̂ zɨ kɨ̈zɨ̂ âdəndjë ndə̂kə̂ ndjo rə-a, praâbalë äwä ndə̂kə̂ mbo rə djîrə̂, ndə̂kə̂ sə la zɨtɨ su la mômô ndə̂ Kpɨ̂ki Yingö za rə̂ sə̈ akrə.

Rômo 15:13

Ndjapä mbö rə̂ tə̂ su andjê ndə̂kə̂ krʉ bëte rə ndə̂ tche tô pö ndə̂nə̈; äwäpä tche mbo rə̂ ânyë su nyê sɨ̂sɨ̈ la mômô ndjë la zɨtɨ su lə̂ köbosə̂ su nyê ndə̂ nyë zâ rə̂ sə̈ Jezü. Käko lə̂ köbosə̂ gbôgbô ndə̂ Kpɨ̂ki Yingö, nyê ndəpo lakə̂ za su nyê pâ yê logbɛ̂.

Dokʉ̈ Körɛ̂nte 16:22

Âdə ngâ akrə ânyiabô nyîndə̂ Gbölö Gbïɛ̈, äwäpä ngbongbo pö wa pâ yê. Maranatä! Gbölö Gbïɛ̈ amö nə!

Bïchuû Körɛ̂nte 1:22

Ndjapä mbö ngâ sɨ̂nyî tə̂ azə̂, kə̈ zâ Yingö ndə̂ yê bhâlə̂ su azə̂ ndə̂kə̂ nyisə̂ nə̈ pä atchôtchô arə ndə̂ tche bâta rə̂ pra azə̂, tchê kʉadje rə̂ sə̈ azə̂.

Bïchuû Körɛ̂nte 12:4

Ndjapä zä tchë kə̈ kênga la tchë atə̂ paradï. Bhâye, tche djê angâ apö. Apö nə̈ lâme, kə̂ to rə̂ kâkä tə̂ akrə, ânyë a zâbo köbo sə̈ akrə ndə̂kə̂ kä to tchêndə̂ nə̈-a.

Bïchuû Körɛ̂nte 4:18

Rə ndə̂ azə̈ krʉ̂ bëte rə̂ də̂âbo rə ndə̂ akrə wun rə̂-a, praâbalë rə ndə̂ akrə wun rə̂ rôrö, ânyë rə ndə̂ akrə wûn-âbô rə̂ wûn äwä ndə̂ logbɛ̂ logbɛ̂.

Bïchuû Körɛ̂nte 5:7

Azə̈ sə̈ lakə̂ nə lə̂ tchîsûwu âtə lə̂ köbosə̂ kə̂ za su azə̂ sə̈ Ndjapä, âdə̂âbo bëte rə ndə̂ azə̈ wun rə̂-a.

Bïchuû Körɛ̂nte 9:15

Azə̈ zä ayîabâ sə̈ Ndjapä bëte rə ndə̂ tche zâ rə̂ sə̈ azə̂ ndə̂ ârô adɨ̂ arə gbɛ̂.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Ëfêze 3:19

Nyê wun-adje sə̂nə̈ pä Krîsiti nyində̂ azə̂ ârô kə̂ wunsə̂ rə ndə̂ azü gbɛ̂. Käko ânyë atchôtchô arə ndə̂ Ndjapä sɨ tchə̂lə̂ nyê.

Ëfêze 6:24

Äfü pä tchôtchô su ndə̂ Ndjapä wa pâ azü gbɛ̂ ndə̂ andjë nyîndə̂ Gbölö Gbïɛ̈ ndə̂ azə̂ Jezü Krîsiti lakə̂ nyində̂ yê ndə̂ âwâ pïï etə̂.

Fïlîpe 1:25

Tə̂ lëge nə̈, më wünsə̂ nə̈ bhâtə̂ su mê pä mê wadje la tchîsûwu, mê səadje ndrotə̂ nyê ndə̂kə̂ pa kua ndə̂ nyê e atə̂ tchâtchu nə̈ ânyë nyë wa la mômô lə̂kə̂ za su nyê sə̈ Ndjapä.

Fïlîpe 3:3

Azə̂ ndə̂ azə̂ voga Ndjapä lə̂ köbosə̂ Yingö ndə̂ yê, azə̈ kä ndə̂ âwâtə̂ alëge a-earə̂ gasa nə̈, azə̈ wä la mômô ndə̂ azə̈ wâ balë la Jezü Krîsiti, azə̈ zâbo su azə̂ pâ azə̂ la tə̂ azə̂-a.

Fïlîpe 4:4

Nyë wä la mômô logbɛ̂ lə̂ köbosə̂ nə̈ ndə̂ nyë wâ balë la Gbölö Gbïɛ̈. Më kä tô rə̂ sə̂ nyê: Nyë wä la mômô logbɛ̂!

Aheborö 11:1

Kə̂ za su sə̈ Ndjapä də̈ ngâ rə ndə̂ su akrə krʉ̂ bëte rə̂, ânyë tche wûnsə̂ nə̈ pä anyë gbô rə̂ nə̂. Ädə̈ ndjë ngâ rə ndə̂ akrə wûn-âbô rə̂ wûn dämba-ê, ânyë kə̈ wûnsə̂ nə̈ bhâlə̂ su yê pä rə nə̈ kä tə̂ lëge nə̈.

Aheborö 11:27

Lə̂ köbosə̂ kə̂ za su sə̈ Ndjapä, Möyîze gbô lə̂ gö ndə̂ Ejîpiti. Tche wâbo la wawa mêrâ ndə̂ gbïɛ̈-a, tche rʉ̈ätə̂ su yê, âwûntî pä tche wün Ndjapä ndə̂ akrə wûn-âbô tchë wûn-î.

Dokʉ̈ Pîêre 1:6

Bëte rə̂ kä ndə̂ su nyê sɨ̂sɨ̈ la mômô, âdəndjë rə̂ ndə̂ nyë sə̂ la nyonyo angaâtə lə̂ arə gbôgbô ngbî ngbî ndə̂ âgbo nyê lə̂ kpîɛ̂kpîɛ̂ lö.

Dokʉ̈ Pîêre 2:7

Âdə andə̂ nye nə̈ azü ndə̂ Ndjapä, täme nə̈ lü lə̂ la nyê, praâbalë andə̂ andjanə̈ ndə̂ andjë kôsə̂ Ndjapä, «täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈.»

Dokʉ̈ Pîêre 5:4

Käko âdə makündji ndə̂ a-earə̂ kə̂ bata aɛ̈bro-ngbaga nə̈ âwutu, nyê gboadje rə ngbânə̈ ndə̂ âdə̂ atchôtchô arə ndə̂ âwâ pïï etə̂.