Dokʉ̈ Pîêre 1:7 - Mbëtï Ndjapä: TÄFO MADƗ̈

⁷ Lôlo la tə̂ yê ndə̂ âwâ ndə̂kə̂ ndɨ̂ndɨ̈, a zä rə̂ lə̂ wo ndə̂kə̂ wun köbosə̂ nə̈ ndə̂ âwâtə̂ tchôtchô nə̈. Käko ndjë, su nyê ndə̂ nyë zâ rə̂ sə̈ Ndjapä däka kə̈ rô lôlo lâme, praâbalë su nyê nə̈ ndə̂ nyë zâ rə̂ sə̈ Ndjapä nə̈ lâme rö lə̂ agbôgbô arə ndə̂kə̂ pa a wun köbosə̂ nə̈ ndə̂ âwâtə̂ tchôtchô nə̈. Käko kä ndə̂ nyê gboadje voga tchânə̂ Ndjapä, kə̂ gbo golowäre ndjë lakə̂ lusə̂tə̂, tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 1:7 Iomraidhean Croise

Matiyə̈ 19:28

Jezü tô rə̂ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Lo nə̈ ndə̂ Modô ndə̂ Akrə ka ndə̂kə̂ sə pâ mbätä-gbïɛ̈ ndə̂ yê, nyënyê lə̂ könô gbɛ̂ tchêpâ nə̈ bïchuû ndə̂ nyë zâ tchêngbâ mê lâme, nyê səadje pâ ambätä-gbïɛ̈ lə̂ könô gbɛ̂ tchêpâ nə̈ bïchuû ndə̂kə̂ wa ngbanga pâ azü pâ mawo lə̂ könô gbɛ̂ tchêpâ nə̈ bïchuû ndə̂ Isarayële.

Matiyə̈ 25:21

Gbölö akrə ndə̂ yê nə̈ tô rə̂ sə̈ tchë päkëdə̂: ‹Sə̂nə̈ kä, âdâka nə̂, mo wätə̂ djîrə̂ earə̂ kua. Âbatə̂ mo mbô tchôtchô kua la kpîɛ̂kpîɛ̂ rə ndə̂ më kʉ̂ rə̂ sə̈ mö, më âza mö ndə̂kə̂ wun tchô pâ angbängbä arə ndə̂ mê. Amö nə kə̂ sə la mômô la mê.›

Matiyə̈ 25:23

Gbölö akrə ndə̂ yê nə̈ tô rə̂ sə̈ tchë päkëdə̂: ‹Sə̂nə̈ kä, âdâka nə̂, mo wätə̂ djîrə̂ earə̂ kua. Âbatə̂ mo mbô tchôtchô kua la kpîɛ̂kpîɛ̂ rə ndə̂ më kʉ̂ rə̂ sə̈ mö, më âza mö ndə̂kə̂ wun tchô pâ angbängbä arə ndə̂ mê. Amö nə kə̂ sə la mômô la mê.›

Lûke 12:33

Äwäpä nyë ka arə ndə̂ nyê kə̂ kʉ makətche nə̈ sə̈ a-earə̂ yûkü. Äwäpä nyë pu köbo ndə̂kə̂ gbo kədjâ-makətche ndə̂ âwâbô wâ ndə̂kə̂ ndɨ-î. Nyë päla arə ndə̂ nyê bhâ lafô, ânyë âyuabô yû balë-ê. Bhâye, ngâ earə̂ ngbä ndoabô la rə̂ tee-a, ako zɨabô ndjë rə̂ tee-a.

Lûke 17:30

Rə nə̈ âmbo ndjë me käko lo nə̈ ndə̂ Modô ndə̂ Akrə madje tə̂ yê lə̂ la azü.

Jâan 12:26

Âdə ngâ akrə ânyində̂ kə̂ mbo kua ndə̂ mê, äwäpä tche za tchêngbâ mê, ndə̂kə̂ pa sə̂ tchô ndə̂ më sə̂ tâ, tche sə ndjë tâ. Âdə ngâ akrə âmbo kua ndə̂ mê, Bha mê luadje sə̂ yê.»

Jâan 5:44

Nyë nyïndə̂ nə̈ pä angâ nyê gamba nyê, nyê gamba ndjë andjê, ânyë kə̈ nyîâbô nyîndə̂ kə̂ pu köbo ndə̂kə̂ pa Ndjapä gamba nyê lâme, nyë âza su nyê sə̈ mê tchïtchïnə̈ atöko?

Abadjângele 8:20

Praâbalë Pîêre tô rə̂ ndə̂nə̈ sə̈ tchë päkëdə̂: «Äwäpä makətche ndə̂ zə̈ nə̈ ndɨ-î, la momö ndjë gbɛ̂, bëte tchôtchô rə ndə̂ Ndjapä kʉ̂ rə̂ sə̈ akrə ämbämbänə̈, mo wûntî pä, mo âyo rə̂ yö la makətche.

Rômo 2:10

Andə̂ azü gbɛ̂ ndə̂ andjë mbo tchôtchô rə, Ndjapä âvogadje andjê, kə̂ luadje sə̂ andjê ânyë kə̂ za zɨtɨ su sə̈ andjê. Ajuîfu dokʉ̈tchê, la tchêngbâ nə̈, azü ndə̂ andjë wâbô wâtə̂ ajuîfu.

Rômo 2:29

Praâbalë rə ndə̂ azü wûn-âbô rə̂ wûn-î, mbö rə̂ pä akrə watə̂ lëge juîfu. Lëge kə̂ wa gasa wätə̂ kua ndə̂ Ndjapä mbo rə̂ lə̂ köbosə̂ Yingö ndə̂ yê lə̂ su akrə, âdə̂âbo lə̂ köbosə̂ ndïɛ̈-a. Âdə̂âbo azü kä ndə̂ âvoga lëge juîfu-a, Ndjapä kä ndə̂ a voga tchë.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Rômo 8:19

Arə pâ cho âtə gbɛ̂ ndə̂ Ndjapä mbô rə̂ wä la gbölö gʉ ndə̂kə̂ sə bëte lo nə̈ ndə̂ Ndjapä nyiadje sə̂ abechë ndə̂ yê kraâ ësûwu.

Dokʉ̈ Körɛ̂nte 3:13

Kua ndə̂ akrə balë balë wutuadje kraâ lə̂ la azü gbɛ̂ tə̂ lo kə̂ wa ngbanga. Bëte kua ndə̂ akrə balë balë roadje lə̂ wo, ânyë wo ânyiadje sə̂ tchôtchô kua âdəndjë ngbongbo kua ndə̂ akrə balë balë gbɛ̂ ësûwu.

Dokʉ̈ Körɛ̂nte 4:5

Käko âwâbo pä nyë wa ngbanga lə̂ küma akrə dokʉ̈tchê ndə̂kə̂ pa lo nə̈ wutu-a. Nyë krʉ̈ bëte Gbölö Gbïɛ̈, tche ka ânyë. Tchetchë kä ndə̂ âwutuadje la rə ndə̂ âwâ lə̂ küwû nə̈, lə̂ bübü tchô kə̂ za rə̂ ësûwu. Tchê nyiadje sə̂ rə ndə̂ âwâ bhâlə̂ su azü kraâ lə̂ la azü gbɛ̂. Käko Ndjapä gambadje akrə balë balë gundə̂sə̂ kua ndə̂ tche mbô rə̂.

Jâke 1:12

Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Dokʉ̈ Pîêre 1:13

Bëte rə̂ kä, äwäpä nyë nyikrə su nyê ndə̂kə̂ mbo kua, nyë wünsə̂ kə̂ kitə̂ gʉ su nyê, kə̂ zä su nyê gbɛ̂ ndə̂kə̂ krʉ bëte tchôtchô rə ndə̂ nyê gboadje rə̂ tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 1:5

Ndjapä âbatadje nyê la gbôgbô ndə̂ yê, lə̂ köbosə̂ kə̂ za su nyê sə̈ tchë, zoo ndə̂kə̂ pa nyë tcha lə̂ kuzü ndə̂ âwâ tchêtchêtchê ndə̂kə̂ mâtə̂ yê lə̂ adɨ̂ alö ndə̂kə̂ krʉ ndə̂ tchêbêche.

Dokʉ̈ Pîêre 2:4

Nyë gïtə̂ nyê pu Gbölö Gbïɛ̈, tchetchë ndə̂ tche wâtə̂ täme ndə̂ âwâ la tchîsûwu; ndə̂ azü kôsə̂ nə̈, praâbalë Ndjapä zâ rə̂ lə̂ adɨ̂ nə̈ kə̈ wûn rə̂ pä ädäka gbɛ̂ lə̂ la yê.

Dokʉ̈ Pîêre 2:7

Âdə andə̂ nye nə̈ azü ndə̂ Ndjapä, täme nə̈ lü lə̂ la nyê, praâbalë andə̂ andjanə̈ ndə̂ andjë kôsə̂ Ndjapä, «täme ndə̂ a-earə̂ kə̂ mbo nda gbôtâ, ârə̂ kä âkə̈ mbôtə̂ yê tə̂ gbôgbô täme da nda nə̈.»

Dokʉ̈ Pîêre 4:12

Ârə̂mâ ndə̂ mê ndə̂ më nyîndə̂ nyê tə̂ gbölösə̂nə̈, tchə̂lə̂ küma nyê djïngɨliabô djîngɨli tə̂ pö ndə̂ agbôgbô arə nyonyo ndə̂ âwûtu lə̂ gbâtə̂ nyê lâme, âwûntî pä ngâ täfo rə kä âkə̂ gbo nyê.

Dokʉ̈ Pîêre 4:13

Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.

Bïchuû Pîêre 1:4

Lə̂ köbosə̂ arə nə̈ lâme kä ndə̂ Ndjapä kʉ̂ atchôtchô arə ndə̂ gbölö ngîrî sə̈ azə̂ ndə̂ tche zâ bâlâ tə̂ pö ndə̂nə̈ alême. Käko ndə̂ nyê âsə̈ gbo rə̂, âmbo rə̂ pä nyë kpe tə̂ köbo agʉ arə tchêbêche âtə ndə̂ ândɨ azü. Käko kä ndə̂, kə̂ sə ndə̂ nyê kʉtə̂ yê la andə̂ Ndjapä.

Bïchuû Pîêre 3:14

Bëte rə̂ kä, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ nyê âsə̈ krʉ bëte lö nə̈ lâme, äwäpä nyë mbo rə̂ gbɛ̂ ndə̂kə̂ pa nyë daka gbɛ̂ ânyë ngâ pö balë wabô wâ lə̂ küma nyê-ê, ndjë äwäpä nyë sə la zɨtɨ su la Ndjapä.

Jûde 1:24

Ndjapä ndə̂ tche wâ ndə̂kə̂ bata nyê ânyë nyê teabô tê-ê, tchetchë kä ndə̂ âmbo rə̂ pä nyë daka gbɛ̂ ânyë kə̂ wutu tchâtchâ golowäre ndə̂ yê la gbölö mômô.

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.

Apökälîbïchi 2:10

Âwâbo pä mo wa la wawa yûkü ndə̂ mô wun-adje rə̂ lâme-a. Amö djë pö âtə: Jâbolo vuadje nyê, kə̂ yiadje angâ azü lə̂ gbâtə̂ nyê lə̂ nda kânga. Nyê wun-adje yûkü lə̂ lö lə̂ könô gbɛ̂. Äwäpä mo mbo rə gundə̂sə̂ pö ma mê ndjoa ëtə̂ kuzü, ânyë mê zadje kurône ndə̂ tchîsûwu ndə̂ logbɛ̂ logbɛ̂ sə̈ mö.

Apökälîbïchi 3:10

Batə̂ rə̂ ndə̂ mo bâta pö ndə̂ mê lakə̂ rʉatə̂ su zə̈, mëmê ndjë gbɛ̂ më âbata mö lə̂ alö arə nyonyo ndə̂ ânə pâ cho gbɛ̂ ndə̂kə̂ nyoanyoa azü tchêbêche gbɛ̂.

Apökälîbïchi 3:18

Më zä wängö sə̈ mö ndə̂kə̂ pa mo yo lôlo tchânə̂ mê ânyë kə̂ wa la rə, lôlo ndə̂ a za rə̂ lə̂ wo ânyë kâkpö kʉ̂tê nə̈ gbɛ̂ ju, ânyë âgro kpɨ̂ki lâme. Amö yo ndjë agrôgrô lə̂ba tchânə̂ mê, kə̂ yu rə̂ ëtə̂ zə̈ ânyë ganô mboabô mö mbô la tə̂ zə̈ ndə̂ âwâ kpändëwä lâme-ê. Amö yo ndjë yö ndə̂ la tchânə̂ mê, kə̂ mbo rə̂ lə̂ la zə̈ ânyë kə̂ kä wun tchô djîrə̂.