Dokʉ̈ Pîêre 1:6 - Mbëtï Ndjapä: TÄFO MADƗ̈

⁶ Bëte rə̂ kä ndə̂ su nyê sɨ̂sɨ̈ la mômô, âdəndjë rə̂ ndə̂ nyë sə̂ la nyonyo angaâtə lə̂ arə gbôgbô ngbî ngbî ndə̂ âgbo nyê lə̂ kpîɛ̂kpîɛ̂ lö.

Dokʉ̈ Pîêre 1:6 Iomraidhean Croise

Matiyə̈ 11:28

«Nyë nə̈ pu mê, nyënyê gbɛ̂ ndə̂ nyë mô lakə̂ kʉ arə ndə̂ âlû, mê zadje kə̂ yatə̂ sə̈ nyê.

Matiyə̈ 26:37

Tche zâ Pîêre potə̂ yê la amodô bïchuû ndə̂ Zebede. Nyonyo la wawa jêtə̂ kə̂ mbo tchë tə̂ gbölösə̂nə̈.

Matiyə̈ 5:12

Äwäpä tə̂ nyê kra-ê, nyê wa la mômô, bëte ngâ gbölö tchôtchô rə kä lakə̂ krʉ bëte nyê bhâ lafô! Ädə̈ käko ânyë azü mbô ngbongbo rə alême tə̂ a-earə̂ ndə̂ma Ndjapä ndə̂ andjë sə̂ dokʉ̈tchê tə̂ nyê.»

Lûke 1:47

su mê sɨ̂sɨ̈ la mômô, bëte Ndjapä, Earə̂ kə̂ tcha mê.

Lûke 10:20

Nyë wäbô wâ la mômô bëte rə̂ ndə̂ angbongbo atchozö djê nyê lâme-ê, praâbalë nyë wä la mômô bëte rə̂ ndə̂ a mbô rə̈ nyê bhâ lafô nə̂!»

Lûke 2:10

Praâbalë ânje nə̈ tô rə̂ sə̈ andjê päkëdə̂: «Wa mböäbô nyê mbô-ê, bëte më nə̈ la tchôtchô pö, ndə̂ âzadje mômô tə̂ su azü gbɛ̂.

Jâan 16:22

Angaâtə, nyënyê ndjë gbɛ̂, nyë kä lə̂ nyonyo, praâbalë mê kä wun-adje nyê, ânyë su nyê wadje la mômô. Mômô nə̈ lâme, ngâ akrə balë ndə̂kə̂ krʉa rə̂ tə̂ su nyê wâbo-a.

Jâan 16:33

Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»

Abadjângele 14:22

Andjë zä wängö sə̈ adjisîpili ndə̂kə̂ za gbôgbô tə̂ su andjê, kə̈ yûkû nə̈ sə̈ andjê ndə̂kə̂ pa andjë ndəpo kpôpâ su andjê ndə̂ andjë zâ rə̂ sə̈ Jezü. Andjë tö rə̂ sə̈ azü nə̈ päkëdə̂: «Äwäpä azə̈ wun yûkü tə̂ gbölösə̂nə̈ ânyë kə̂ li bhâlə̂ Gbölö gö-gbïɛ̈ ndə̂ Ndjapä.»

Rômo 12:12

Nyë wä la mômô bëte rə ndə̂ nyë zâ su nyê ndə̂kə̂ krʉ bëte rə̂. Nyë rʉ̈ätə̂ su nyê lə̂ arə nyonyo. Nyë gböäbô gbôtə̂ kə̂ to pö sə̈ Ndjapä logbɛ̂.

Rômo 5:11

Âdə̂âbo kütû bëte rə lâme-a, su azə̂ wä la mômô bëte Ndjapä lə̂ köbosə̂ Gbölö Gbïɛ̈ ndə̂ azə̂ Jezü Krîsiti, ndə̂ tche mbô rə̂ pä angaâtə kə̂ sə azə̂ la Ndjapä wâ lə̂ köbo nə̈.

Rômo 5:2

Lə̂ köbosə̂ Jezü lâme kä ndə̂ azə̈ zâ su azə̂ sə̈ Ndjapä ânyë Ndjapä mbô tchôtchô su tə̂ azə̂. Gbô azə̂ kä lə̂ köbosə̂ tchôtchô su ndə̂ yê angêta. Bëte rə̂ kä ndə̂ su azə̂ wâ la mômô bëte kə̂ wa gbölö ndə̂ Ndjapä ndə̂ azə̈ zâ su azə̂ ndə̂kə̂ krʉ bëte rə̂.

Rômo 9:2

Su mê wä la nyonyo tə̂ gbölösə̂nə̈, ânyë su mê kä mê logbɛ̂.

Bïchuû Körɛ̂nte 4:17

Nyonyo ndə̂ azə̈ wun rə̂ angêta wä ndə̂ angâ alö ndə̂kə̂ pa änyikrə azə̂ bëte golowäre ndə̂ âwâ logbɛ̂ logbɛ̂, ndə̂ ârô masə̂nə̈.

Bïchuû Körɛ̂nte 6:10

Azü zä nyonyo tə̂ su ârâ, praâbalë ârâ wä la mômô logbɛ̂, azü wün ârâ batə̂ a-earə̂ yûkü dëkë ârâ mbö rə̂ pä angâ azü watə̂ a-earə̂ rə, azü wün ârâ batə̂ ambämbä azü, dëkë ârâ kä la rə gbɛ̂.

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Fïlîpe 2:26

Tche wä la gʉ tə̂ gbölösə̂nə̈ ndə̂kə̂ ka wun nyê gbɛ̂, kə̈ wâ la nyonyo bëte rə̂ ndə̂ nyë djê pö ndə̂ tə̂kömbô ndə̂ yê.

Fïlîpe 3:3

Azə̂ ndə̂ azə̂ voga Ndjapä lə̂ köbosə̂ Yingö ndə̂ yê, azə̈ kä ndə̂ âwâtə̂ alëge a-earə̂ gasa nə̈, azə̈ wä la mômô ndə̂ azə̈ wâ balë la Jezü Krîsiti, azə̈ zâbo su azə̂ pâ azə̂ la tə̂ azə̂-a.

Fïlîpe 4:4

Nyë wä la mômô logbɛ̂ lə̂ köbosə̂ nə̈ ndə̂ nyë wâ balë la Gbölö Gbïɛ̈. Më kä tô rə̂ sə̂ nyê: Nyë wä la mômô logbɛ̂!

Dokʉ̈ Tësälönîke 1:6

Âdə andə̂ nye nə̈, nyë wûnsə̂ kə̂ mbo rə batə̂ ârâ nə̂ ndjë batə̂ andə̂ Gbölö Gbïɛ̈: Ndə̂ nyë gbô pö Ndjapä lə̂ gbölö yûkü, praâbalë Kpɨ̂ki Yingö zä mômô tə̂ su nyê.

Jâke 1:2

Arə̂mâ ndə̂ mê, äwäpä su nyê wa la mômô lə̂ arə gbôgbô gbɛ̂ ndə̂ âgbo nyê.

Jâke 1:9

Äwäpä ngâ azə̂ ndə̂ tche wâtə̂ earə̂ yûkü wa la mômô bëte Ndjapä kênga tchë nə̂.

Jâke 4:9

Äwäpä nyë wunsə̂ nyonyo ndə̂ nyê, kə̂ dɨ tchə̂lə̂ ma nyê lakə̂ kɨ. Äwäpä mômô ndə̂ nyê mo rə̂ lâme, dotə̂ yê tə̂ kɨ̈, ânyë mômô ndə̂ nyê, dotə̂ yê tə̂ nyonyo.

Dokʉ̈ Pîêre 3:17

Bëte âdə Ndjapä ânyində̂ nə̈ pä nyë wun yûkü tə̂ pö ndə̂ dâkâ ndə̂ nyê mbo rə̂, anə̈ lâme kä âkə̈ dâka kə̈ rô ndə̂kə̂ pa nyë wun yûkü tə̂ pö ndə̂ ngbongbo rə ndə̂ nyê.

Dokʉ̈ Pîêre 4:7

Ma arə gbɛ̂ ndô tə̂kə̂ krʉ nə̂. Käko äwäpä nyë mbo rə batə̂ azü ndə̂ küma andjê wâ lanə̈, nyë zɨ̈äbô rə zɨ̂ lakə̂ ndjo rə âro masə̂nə̈-ê, ânyë kə̂ gbo köbo ndə̂kə̂ to pö sə̈ Ndjapä.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.