Dokʉ̈ Pîêre 1:5 - Mbëtï Ndjapä: TÄFO MADƗ̈

⁵ Ndjapä âbatadje nyê la gbôgbô ndə̂ yê, lə̂ köbosə̂ kə̂ za su nyê sə̈ tchë, zoo ndə̂kə̂ pa nyë tcha lə̂ kuzü ndə̂ âwâ tchêtchêtchê ndə̂kə̂ mâtə̂ yê lə̂ adɨ̂ alö ndə̂kə̂ krʉ ndə̂ tchêbêche.

Dokʉ̈ Pîêre 1:5 Iomraidhean Croise

Jâan 12:48

Akrə ndə̂ tche kôsə̂ mê ânyë kə̈ mbôâbô rə mbô gundə̂sə̂ apö ndə̂ mê, tche kä la earə̂ kə̂ wa ngbanga ndə̂ yê tâ. Pö ndə̂ më tô rə̂ alême kä, pö nə̈ lâme kä ndə̂ âwadje ngbanga lə̂ küma yê tə̂ lö nə̈ ndə̂ tchêbêche krʉ.

Jâan 17:15

Më yûâbo kû nə̈ sə̈ mö ndə̂kə̂ pa mo ji andjê pâ cho âtə-a, praâbalë ndə̂kə̂ pa mo bata andjê tə̂ Ngbongbo akrə.

Jâan 4:14

Praâbalë akrə ndə̂ tche ndjô ngû ndə̂ mê zadje rə̂ sə̈ tchë, gʉ ngû âkä nyu bata tchë tee-a. Ngû ndə̂ mê zadje rə̂ sə̈ tchë wadje lə̂ yê batə̂ küma ngû, ndə̂ tchîsûwu ndə̂ logbɛ̂ logbɛ̂ wutu lə̂nə̈.»

Jâan 5:24

«Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche djê pö ndə̂ mê, ânyë kə̈ zâ su yê sə̈ akrə ndə̂ tche wân mê, tche kä la tchîsûwu ndə̂ logbɛ̂ logbɛ̂, ngbanga wâbo lə̂ küma yê-a, praâbalë tche rô lə̂ kuzü nə̂, ânyë kə̈ wâ la tchîsûwu.

Rômo 11:20

Äwätə̂ lëge nə̈. A wä amatö yö nə̈ bëte rə̂ ndə̂ andjë zâbô su andjê zâ sə̈ Ndjapä-ê. Andə̂ zə nə̈, gbô mö kä po tə̂ yö nə̈ bëte mo zâ su zə̈ sə̈ Ndjapä nə̂. Käko âwâbo pä mo bhi gogo zə̈-a, praâbalë äwäpä la zə̈ gbo-ê.

Rômo 8:18

Më wünsə̂ nə̈ pä yûkü ndə̂ azə̈ wun rə̂ angêta âtə, äwä batə̂ ngâ kpîɛ̂kpîɛ̂ rə. Âwâbo ndjë batə̂ kə̂ wa gbölö ndə̂ Ndjapä ndə̂ tchê nyiadje sə̂nə̈ sə̈ azə̂ tə̂ngâlo lâme-a.

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Bïchuû Körɛ̂nte 1:24

Ârâ wâbo ndə̂kə̂ za nyê la gbôgbô pâ su nyê ndə̂ nyë zâ rə̂ sə̈ Ndjapä lâme-a, bëte nyë kpôkpo tə̂ nyê lə̂kə̂ za su nyê sə̈ Ndjapä nə̂, praâbalë ârâ nyïndə̂ kə̂ mbo kua balë la nyê ndə̂kə̂ pa nyë wa la mômô.

Gälâte 2:20

Praâbalë âdə̂âbo mëmê kä ndə̂ âwâ la tchîsûwu-a, Krîsiti kä ndə̂ âwâ la tchîsûwu lə̂ mê. Bëte kə̂ sə ndə̂ mê ndə̂ akrə, më wä la tchîsûwu angaâtə kütû lə̂ köbosə̂ kə̂ za su mê sə̈ Modô ndə̂ Ndjapä ndə̂ tche nyîndə̂ mê ânyë kə̈ yôsə̂ tə̂ yê la kuzü bëte mê.

Ëfêze 2:8

Bëte a tchä nyê lə̂ köbosə̂ tchôtchô su, lə̂ köbosə̂ kə̂ za su nyê sə̈ Ndjapä. Kə̂ tcha lə̂ kuzü lâme tôâbo bhândə̂ nyê-a, Ndjapä kä âkə̈ zâ rə̂.

Ëfêze 3:17

Kə̂ mbo rə̂ ndə̂kə̂ pa Krîsiti sə lə̂ su nyê lə̂ köbosə̂ kə̂ za su nyê sə̈ Ndjapä. Äwäpä nyë chichi tə̂ nyê, kə̂ kpokpo tə̂ nyê lə̂kə̂ nyində̂ ngâ nə̈ lâme.

Fïlîpe 1:6

Më wünsə̂ nə̈ tə̂ lëge nə̈ pä Ndjapä ndə̂ tche jêtə̂ tchôtchô kua lə̂ köbosə̂ nyê, tchê mboadje rə̂ ndjoa ëtə̂ lo kə̂ ka ndə̂ Jezü Krîsiti.

Fïlîpe 4:7

Käko ânyë, zɨtɨ su ndə̂ Ndjapä ndə̂ ârôpâ kə̂ wunsə̂ rə ndə̂ azü gbɛ̂, batadje su nyê lakə̂ rɨ tchə̂lə̂ nyê balë la Jezü Krîsiti.

Bïchuû Timotë 3:15

Mo wünsə̂ Mbëtï Ndjapä ndə̂ gbô mö ndə̂po tə̂ bechë. Mbëtï nə̈ lâme wä la gbôgbô ndə̂kə̂ za küma zə̈ lanə̈. Küma ndə̂ âwa lanə̈ lâme kä ndə̂ âza köbo sə̈ mö ndə̂kə̂ tcha lə̂ kuzü lə̂ köbosə̂ kə̂ za su zə̈ ndə̂ âwâ lə̂ Jezü Krîsiti.

Tîte 2:13

Azə̈ mbö tâ käko ndə̂kə̂ krʉ bëte tchôtchô lö ndə̂ su azə̂ wâ pânə̈ lâme. Sə̂nə̈ lâme kä ndə̂ azə̂ wun-adje golowäre ndə̂ Gbölö Ndjapä ndə̂ azə̂, la Jezü Krîsiti Earə̂ kə̂ tcha azə̂.

Aheborö 6:12

Âwâbo pä nyë watə̂ a-earə̂ dö-a, praâbalë nyë mbö rə batə̂ azü ndə̂ andjë zâ su andjê sə̈ Ndjapä lakə̂ rʉatə̂ su andjê, ânyë kə̈ gbô rə ndə̂ Ndjapä zâ bâlâ nə̈ lâme.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Dokʉ̈ Pîêre 1:13

Bëte rə̂ kä, äwäpä nyë nyikrə su nyê ndə̂kə̂ mbo kua, nyë wünsə̂ kə̂ kitə̂ gʉ su nyê, kə̂ zä su nyê gbɛ̂ ndə̂kə̂ krʉ bëte tchôtchô rə ndə̂ nyê gboadje rə̂ tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 4:13

Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Bïchuû Pîêre 1:3

Lə̂ köbosə̂ gbôgbô ndə̂ yê, Gbölö Gbïɛ̈ Jezü kʉ̈ arə gbɛ̂ ndə̂kə̂ pa azə̈ sə la sə̂nə̈ lakə̂ zatə̂ azə̂ gbɛ̂ sə̈ Ndjapä. Käko Gbölö Gbïɛ̈ nə̈ nyïsə̂ Ndjapä ndə̂ tche ê azə̂ lə̂ köbosə̂ kə̂ wa gbölö ndə̂ yê la tə̂ yê la tchôtchô kua ndə̂ tche mbô rə̂.

Dokʉ̈ Jâan 3:2

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, azə̈ wâ angaâtə nə̂ tə̂ abechë ndə̂ Ndjapä. Köbo ndə̂ azə̈ sə la rə̂ ndə̂ tchêlâmbo, gbô rə̂ kä lə̂ küwû nə̈. Praâbalë azə̈ wûnsə̂ nə̈ nə̂ pä âdə Krîsiti âkangbâ yê, azə̂ wadje batə̂ tchë, bëte azə̂ wun-adje tchë batə̂ rə̂ ndə̂ tche wâ tâ.

Jûde 1:1

Mëmê Jûde, earə̂ kua ndə̂ Jezü Krîsiti, ndə̂ më də̂ ndjë yîngâ Jâke. Më mbö mbëtï âtə sə̈ azü ndə̂ Bha mê Ndjapä ê andjê, tche nyïndə̂ andjê ânyë kə̈ bâta andjê bëte Jezü Krîsiti.

Jûde 1:24

Ndjapä ndə̂ tche wâ ndə̂kə̂ bata nyê ânyë nyê teabô tê-ê, tchetchë kä ndə̂ âmbo rə̂ pä nyë daka gbɛ̂ ânyë kə̂ wutu tchâtchâ golowäre ndə̂ yê la gbölö mômô.