Dokʉ̈ Pîêre 1:4 - Mbëtï Ndjapä: TÄFO MADƗ̈

⁴ Azə̈ krʉ̈ bëte atchôtchô arə ndə̂ Ndjapä kʉ̂ rə̂ pra azə̂ bhâ lafô. Arə nə̈ lâme wâbo ndə̂kə̂ ndɨ̂ndɨ̈-a, ngâ ngbongbo rə grʉ̂âbo rə̂-a, kə̂ fu ndə̂nə̈ wâbo ndjë ndə̂kə̂ ro-a.

Dokʉ̈ Pîêre 1:4 Iomraidhean Croise

Matiyə̈ 25:34

Käko gbïɛ̈ âtoadje rə̂ sə̈ andjanə̈ ndə̂ andjë sə̂ də ndôkö päkëdə̂: ‹Nyë nə̈ atâ, nyënyê ndə̂ tchôtchô pö ndə̂ Bha mê wâ pâ nyê, nyë də̈ azü gö ndə̂ Gbölö gö-gbïɛ̈ ndə̂ tchêlafô, ndə̂ tche nyîkrə rə̂ alême bëte nyê dokʉ̈tchê ndə̂kə̂ pa a nyikrə tchîsûwu.

Mâreke 10:17

Ndə̂ Jezü zâ köbo ndə̂kə̂ ro etə̂, ngâ köchë kpê kə̈ gʉ̂te tchâtchâ yê ânyë kə̈ yû tchë päkëdə̂: «Tchôtchô earə̂ kə̂ nyisə̂ rə, më âmbo atöko ânyë kə̈ gbo tchîsûwu ndə̂ logbɛ̂ logbɛ̂?»

Abadjângele 20:32

«Angaâtə, më gbötə̂ nyê ëtchânə̂ Ndjapä. Më gbö ndjë tə̂ nyê ndə̂kə̂ pa pö ndə̂ tchôtchô su ndə̂ Ndjapä bata nyê. Ndjapä kä la gbôgbô ndə̂kə̂ kpokpo nyê, ndə̂kə̂ kʉ atchôtchô arə gbɛ̂ ndə̂ tche bâta rə̂ pra azü ndə̂ tche kʉ̂ andjê ngbî bëte tchë.

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Rômo 8:17

Ndə̂ azə̈ wâtə̂ abechë ndə̂ Ndjapä, azə̂ gboadje ndjë atchôtchô rə ndə̂ yê ndə̂ tche nyîkrə rə̂ bëte azü ndə̂ yê. Azə̂ la Krîsiti kä ndə̂ âgbo atchôtchô rə nə̈. Ndə̂ azə̈ la Krîsiti wûn yûkü balë âtə, azə̈ la tchë âgboadje ndjë kə̂ lusə̂tə̂ ndə̂ yê.

Dokʉ̈ Körɛ̂nte 9:25

Azü gbɛ̂ ndə̂ andjë pa adɨngâalî, andjë kösə̂ angâ arə ânyë kə̂ nyikrətə̂ andjê bëte adɨngâalî nə̈. Andjë mbö tâ käko ndə̂kə̂ gbo rə ngbânə̈, praâbalë rə nə̈ wä ndə̂kə̂ ndɨ̂ndɨ̈. Âdə andə̂ azə̈ nə̈, azə̈ mbö rə̂ ndə̂kə̂ gbo tchôtchô rə ngbânə̈ ndə̂ âwâbô wâ ndə̂kə̂ ndɨ-î.

Gälâte 3:18

Bëte âdə lə̂ köbosə̂ ndïɛ̈ kä ndə̂ Ndjapä za rə sə̈ akrə, käko âwâbo lə̂ köbosə̂ bâlâ ndə̂ Ndjapä zâ rə̂-a. Dëkë lə̂ köbosə̂ bâlâ kä ndə̂ Ndjapä nyîsə̂ tchôtchô su yê sə̈ Abrahâmo.

Ëfêze 1:11

Ndə̂ azə̈ wâ ndjë balë la Krîsiti, azə̈ gbö andə̂ azə̂ nə̈ arə ndə̂ tche nyîkrə rə̂ dokʉ̈tchê lə̂ köbosə̂ nə̈ ndə̂ tche dɨ̂ azə̂ ndə̂kə̂ gbo rə̂. Tche mbö arə nə̈ gbɛ̂ batə̂ rə̂ ndə̂ su yê nyîndə̂ nə̈.

Ëfêze 1:14

Kpɨ̂ki Yingö nə̈ də̈ dokʉ̈ tchâkalâ tchôtchô rə ndə̂ azə̈ gboadje rə̂ tchânə̂ Ndjapä. Azə̂ gboadje rə̂ gbɛ̂ tə̂ lo nə̈ ndə̂ a ji azə̂ lə̂ ngbongbo rə tratralë. Azə̈ vöga Ndjapä ndə̂ tche wâ gbölö.

Ëfêze 1:18

Äwäpä tche ji tchə̂lə̂ su nyê ndə̂kə̂ pa nyë wunsə̂ rə ndə̂ tche ê nyê ndə̂nə̈, ndə̂ nyë krʉ̂ bëte rə̂, kə̂ wunsə̂ tchôtchô rə ndə̂ ârô masə̂nə̈, ndə̂ tche nyîkrə rə̂ bëte azü ndə̂ yê.

Kölôse 1:12

Nyë zä ayîabâ la mômô sə̈ Ndjapä Bha azə̂ ndə̂ tche mbô rə̂ ânyë nyë kʉ̂sə̂ kə̂ gbo atchôtchô arə bëte azü ndə̂ yê lə̂ ngbänga.

Kölôse 1:5

Bëte sə̂nə̈ ndə̂ lëge pö ndə̂ âdə̂ Tchôtchô Pö wûtu tə̂ dokʉ̈ nə̈ lə̂ gbâtə̂ nyê, nyë zä su nyê pâ rə ndə̂ Ndjapä nyîkrə rə̂ bëte nyê bhâ lafô. Rə ndə̂ nyë zâ su nyê pânə̈ lâme mbö rə̂ ânyë nyë zâ su nyê sə̈ Krîsiti ânyë kə̈ nyîndə̂ azü ndə̂ Ndjapä.

Kölôse 3:24

Äwäpä nyë wunsə̂ nə̈ pä, Gbölö Gbïɛ̈ âkʉadje atchôtchô arə sə̈ nyê ngbâ rə ndə̂ nyë mbô rə̂, ndə̂ tche bâta rə̂ pra azü ndə̂ yê. Lëge Gbïɛ̈ ndə̂ nyê mbo kua sə̈ tchë də̈ Krîsiti.

Bïchuû Timotë 4:8

Angaâtə, a bâta kurône sə̈ mê ngbâ djîrə̂ kua ndə̂ mê nə̂, ndə̂ Gbölö Gbïɛ̈ zadje rə̂ sə̈ mê tə̂ lo kə̂ ka ndə̂ yê. Tə̂ lo nə̈ lâme, tchetchë ndə̂ tche wâtə̂ djîrə̂ earə̂ kə̂ wa ngbanga, tchetchë kä ndə̂ âzadje kurône nə̈ sə̈ mê, âdə̂âbô kütû mê balë-a, praâbalë tche âkʉ ndjë rə̂ sə̈ azü gbɛ̂ ndə̂ andjë nyîndə̂ lo kə̂ ka ndə̂ yê.

Aheborö 10:34

Käko nyë krʉ̈ tchə̂lə̂ yûkü la a-earə̂ kânga, ndjë sə̂nə̈ ndə̂ a krʉ̂a arə ndə̂ nyê, nyë nyîndə̂ nə̈ la wawa la mômô, bëte nyë wûnsə̂ nə̈ nə̂ pä nyë kä la atchôtchô arə, ndə̂ âwâ pïï etə̂.

Aheborö 9:15

Bëte rə̂ kä ndə̂, Krîsiti, lə̂ köbosə̂ ngâ Täfo Madɨ̈, tche də̈ earə̂ kə̂ nyikrə tchôtchô kə̂ sə lə̂ gbâtə̂ Ndjapä la azü. Käko azü ndə̂ Ndjapä ê andjê gbö atchôtchô arə ndə̂ âwâ logbɛ̂ logbɛ̂, ndə̂ tche zâ bâlâ nə̈ tə̂ azü ndə̂ yê. Andjë wä ndə̂kə̂ gbo rə̂ bëte kuzü ndə̂ tche tchû rə̂, bëte rə̂ kä ndə̂ a jî azü lə̂ angbongbo arə ndə̂ andjë mbô rə̂ tchâtchâ Dokʉ̈ Madɨ̈.

Jâke 1:11

Lo wütu, tchô wo tə̂ gbölösə̂nə̈, kə̂ hro güsü, ânyë nyînyî nə̈ hro kə̂ tu atə̂ bêche, tchâme, kə̂ fu ndə̂nə̈ yu-î. Ârə̂ âwa ndjë me käko tə̂ earə̂ rə, tchê tchuadje lə̂ akua ndə̂ yê gbɛ̂.

Dokʉ̈ Pîêre 3:9

Ngbongbo rə ndə̂ azü mbo rə̂ tə̂ nyê, nyë mböäbô ndjë ngbongbo rə lâme mbô tə̂ andjê-ê, kə̂ dro tchô ndə̂ azü dro nyê la rə̂, nyë dröäbô ndjë andjê drô ndə̂ sə̂nə̈-ê. Praâbalë nyë ë tchôtchô pö pâ azü, bëte Ndjapä ë nyê tə̂ pö ndə̂nə̈, käko ânyë tche e tchôtchô pö pâ nyê.

Dokʉ̈ Pîêre 5:4

Käko âdə makündji ndə̂ a-earə̂ kə̂ bata aɛ̈bro-ngbaga nə̈ âwutu, nyê gboadje rə ngbânə̈ ndə̂ âdə̂ atchôtchô arə ndə̂ âwâ pïï etə̂.

Apökälîbïchi 21:27

Praâbalë ngâ rə ndə̂ kâkpö kä li bata balë lə̂ gö nə̈ tee-a, âdəndjë a-earə̂ kə̂ mbo agbölö angbongbo rə, âdəndjë apö yepa. Praâbalë azü ndə̂ andjë li bhâye də̈ kütû azü ndə̂ a mbô rə̈ andjê lə̂ mbëtï ndə̂ tchîsûwu ndə̂ Ngbavö Ɛ̈bro-ngbaga.