Dokʉ̈ Pîêre 1:3 - Mbëtï Ndjapä: TÄFO MADƗ̈

³ Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Dokʉ̈ Pîêre 1:3 Iomraidhean Croise

Jâan 1:13

Andjë wâbo tə̂ abechë ndə̂ Ndjapä lə̂ köbosə̂ nə̈ ndə̂ anyï zɨ bechë-a, âdə̂âbo ndjë lə̂ köbosə̂ nə̈ ndə̂ su akrə nyîndə̂ nə̈-a, praâbalë Ndjapä kä ndə̂ âzɨ̂ andjê.

Rômo 12:12

Nyë wä la mômô bëte rə ndə̂ nyë zâ su nyê ndə̂kə̂ krʉ bëte rə̂. Nyë rʉ̈ätə̂ su nyê lə̂ arə nyonyo. Nyë gböäbô gbôtə̂ kə̂ to pö sə̈ Ndjapä logbɛ̂.

Rômo 15:13

Ndjapä mbö rə̂ tə̂ su andjê ndə̂kə̂ krʉ bëte rə ndə̂ tche tô pö ndə̂nə̈; äwäpä tche mbo rə̂ ânyë su nyê sɨ̂sɨ̈ la mômô ndjë la zɨtɨ su lə̂ köbosə̂ su nyê ndə̂ nyë zâ rə̂ sə̈ Jezü. Käko lə̂ köbosə̂ gbôgbô ndə̂ Kpɨ̂ki Yingö, nyê ndəpo lakə̂ za su nyê pâ yê logbɛ̂.

Rômo 4:25

Bëte ngbongbo rə ndə̂ azə̂ kä ndə̂ Ndjapä gbôtə̂ yê tchânə̂ azü ânyë andjë wôn tchë. Tche jö lə̂ kuzü ndə̂kə̂ mbo rə̂ ânyë azə̈ watə̂ adjîrə̂ azü lə̂ la Ndjapä.

Rômo 5:10

Ndə̂ azə̈ kôsə̂ Ndjapä alême, tche mbö rə̂ pä tchôtchô kə̂ sə kângbâ yê lə̂ gbâtə̂ azə̂ la Ndjapä lə̂ köbosə̂ kuzü Modô ndə̂ yê. Ndə̂ tchôtchô kə̂ sə kângbâ yê lə̂ gbâtə̂ azə̂ la tchë lâme, lə̂ köbosə̂ Modô ndə̂ yê ndə̂ tche wâ la tchîsûwu, ngâ rə balë wâbo ndə̂kə̂ kitə̂ köbo tə̂ yê ndə̂kə̂ tcha azə̂ lə̂ kuzü-a.

Rômo 8:11

Âdə Kpɨ̂ki Yingö ndə̂ tche jô Jezü lə̂ kuzü âsə lə̂ su nyê, käko Ndjapä ndə̂ tche jô Krîsiti lə̂ kuzü lâme, tchê zadje ndjë tchîsûwu sə̈ tə̂ nyê ndə̂ âwâ ndə̂kə̂ tchûtchü lâme, lə̂ köbosə̂ Yingö ndə̂ yê ndə̂ âsə̂ lə̂ su nyê.

Rômo 8:24

Ndjapä tchâ azə̂ lə̂ kuzü nə̂. Praâbalë tche tchä azə̂ kütû lə̂ köbosə̂ nə̈ ndə̂ azə̈ zâ su azə̂ ndə̂kə̂ krʉ bëte rə ndə̂ tche wâ ndə̂kə̂ kʉ rə̂ sə̈ azə̂. Rə ndə̂ akrə wun rə̂, tche zâbo su yê ndə̂kə̂ krʉ bëte rə̂-a. Âdə akrə âwun rə nə̈, tchê kä zadje su yê ndə̂kə̂ krʉ bëte rə̂?

Dokʉ̈ Körɛ̂nte 13:13

Ndə̂ tchô angaâtə, arə vötaâ lâme kä tâ: Kə̂ za su sə̈ Krîsiti, kə̂ za su pâ rə ndə̂ akrə krʉ bëte rə̂, la kə̂ nyində̂ ngâ, praâbalë kə̂ nyində̂ ngâ wä gbölö kə̈ rô adɨ̂ nə̈ gbɛ̂.

Dokʉ̈ Körɛ̂nte 15:20

Praâbalë tə̂ lëge nə̈, Krîsiti də̈ dokʉ̈ akrə ndə̂ tche jô lə̂ kuzü, ndə̂kə̂ nyisə̂ nə̈ pä azü ndə̂ andjë tchû, andjê joadje ndjë lə̂ kuzü.

Bïchuû Körɛ̂nte 1:3

Azə̈ vöga Ndjapä ndə̂ tche wâtə̂ Bha Gbölö Gbïɛ̈ ndə̂ azə̂ Jezü Krîsiti, Bha ndə̂ tche wun nyonyo azü, ânyë kə̂ za gbôgbô tə̂ su akrə lə̂ arə gbɛ̂.

Gälâte 6:16

Azü gbɛ̂ ndə̂ andjë mbo rə gundə̂sə̂ apö lâme, më tö rə̂ päkëdə̂: Äfü pä Ndjapä za zɨtɨ su sə̈ andjê, kə̂ wun nyonyo andjê gbɛ̂, ndjë la azü gbɛ̂ ndə̂ andjë wâtə̂ alëge azü ndə̂ Ndjapä.

Ëfêze 1:17

Më yükû nə̈ sə̈ Ndjapä ndə̂ Gbölö Gbïɛ̈ ndə̂ azə̂ Jezü Krîsiti, Bha ndə̂ tche wâ gbölö, ndə̂kə̂ pa tche za Yingö ndə̂ küma ndə̂ âwa lanə̈ sə̈ nyê. Yingö nə̈ nyiadje sə̂ apö pâ Ndjapä sə̈ nyê, kə̂ mbo rə̂ pä nyë wunsə̂ yê tə̂ lëge nə̈.

Ëfêze 1:3

Azə̈ voga Ndjapä Bha Gbölö Gbïɛ̈ ndə̂ azə̂ Jezü Krîsiti! Tche kʉ̈ arə ndə̂ Yingö gbɛ̂ ndə̂ âwâ bhâ lafô sə̈ azə̂, lə̂ köbosə̂ nə̈ ndə̂ azə̈ wâ balë la Krîsiti.

Ëfêze 1:7

Lə̂ köbosə̂ nə̈ ndə̂ azə̈ wâ balë la Krîsiti, a jï azə̂ lə̂ ngbongbo rə lə̂ köbosə̂ jï yê, kə̈ kô pö lə̂ küma azə̂, lə̂ köbosə̂ tchôtchô rə ndə̂ tchôtchô su yê.

Ëfêze 2:4

Praâbalë Ndjapä wün nyonyo azə̂ tə̂ gbölösə̂nə̈, bëte tche nyïndə̂ azə̂ tə̂ gbölösə̂nə̈.

Ëfêze 3:20

Ndjapä kä la gbôgbô ndə̂kə̂ mbo rə âropâ rə ndə̂ azə̈ yûkû nə̈ tchânə̂ yê âdəndjë rə ndə̂ azə̈ rɨ tchə̂lə̂ azə̂ tâ. Tche mbö rə lâme lə̂ köbosə̂ gbôgbô ndə̂ yê ndə̂ âsə̂ lakə̂ mbo kua lə̂ azə̂.

Kölôse 1:23

Praâbalë äwäpä su nyë ndə̂ nyë zâ rə̂ sə̈ Ndjapä ndəpo la gbôgbô ânyë kə̂ kpokpo tə̂ yê. Nyë ëäbô ê ngrɨ̈ tə̂ rə ndə̂ su nyê wâ pânə̈ ndə̂ nyë krʉ̂ bëte rə̂ lâme sə̂nə̈ ndə̂ nyë djê Tchôtchô Pö lâme, ndə̂ a mû rə̂ sə̈ azü pâ cho gbɛ̂, ndə̂ mëmê Pôlo, më mbôtə̂ mê tə̂ earə̂ kua ndə̂kə̂ mu Tchôtchô Pö nə̈.

Kölôse 1:27

Ndjapä nyïndə̂ nə̈ pä andjë wunsə̂ atchôtchô arə ndə̂ ârô masə̂nə̈ ndə̂ tche nyîkrə rə̂ lə̂ küwû nə̈ bëte azü ndə̂ andjë wâbô wâtə̂ ajuîfu. Rə nə̈ ndə̂ tche nyïkrə rə̂ wä kâkë: Krîsiti kä lə̂ nyê ndə̂kə̂ pa nyë za su nyê ndə̂kə̂ krʉ bëte tchë ânyë kə̂ sə la tchë lə̂kə̂ wa gbölö ndə̂ yê.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Dokʉ̈ Tësälönîke 4:13

Arə̂mä, ârâ nyïndə̂ nə̈ pä nyë wunsə̂ lëge pö pâ azü ndə̂ andjë tchû, ânyë kə̂ səabô sə̂ la nyonyo batə̂ andə̂ azü ndə̂ andjë zâbô su andjê zâ pâ ngâ rə balë lâme-ê.

Bïchuû Tësälönîke 2:16

Gbölö Gbïɛ̈ ndə̂ azə̂ Jezü Krîsiti la tə̂ yê, la Ndjapä Bha azə̂ nyïndə̂ azə̂, ânyë lə̂ köbosə̂ tchôtchô su yê, tche zâ gbôgbô tə̂ su azə̂ pïï etə̂, kə̈ zâ tchôtchô rə sə̈ azə̂ ndə̂ su azə̂ wâ pânə̈. Äfü pä Ndjapä Bha la Gbölö Gbïɛ̈ Jezü Krîsiti,

Dokʉ̈ Timotë 1:14

Tə̂ lëge nə̈, tchôtchô su ndə̂ Gbölö Gbïɛ̈ ndə̂ azə̂ röpâ nə̈ bëte mê, ndjë lakə̂ nyində̂ ngâ, lakə̂ za su sə̈ Ndjapä ndə̂ tche kʉ̂ rə̂ sə̈ mê lə̂ köbosə̂ nə̈ ndə̂ më wâ balë la Jezü Krîsiti.

Tîte 2:13

Azə̈ mbö tâ käko ndə̂kə̂ krʉ bëte tchôtchô lö ndə̂ su azə̂ wâ pânə̈ lâme. Sə̂nə̈ lâme kä ndə̂ azə̂ wun-adje golowäre ndə̂ Gbölö Ndjapä ndə̂ azə̂, la Jezü Krîsiti Earə̂ kə̂ tcha azə̂.

Aheborö 3:6

Praâbalë Krîsiti mbö kua nə̈ lə̂ köbo nə̈ batə̂ Modô ndə̂ a zâ tchë tə̂ küma nda Ndjapä nə̈. Azə̈ kä ndə̂ âwâtə̂ nda nə̈, âdə azə̂ âbata su azə̂ gbɛ̂ pâ rə ndə̂ su azə̈ krʉ̂ bëte rə̂ la mômô.

Jâke 1:18

Tchetchë la tə̂ yê, tche zä tchîsûwu sə̈ azə̂ lə̂ köbosə̂ pö ndə̂ yê ndə̂ âwâtə̂ lëge pö, ndə̂kə̂ pa azə̈ watə̂ adokʉ̈ arə gbɛ̂ ndə̂ tche mbô rə̂.

Dokʉ̈ Pîêre 1:13

Bëte rə̂ kä, äwäpä nyë nyikrə su nyê ndə̂kə̂ mbo kua, nyë wünsə̂ kə̂ kitə̂ gʉ su nyê, kə̂ zä su nyê gbɛ̂ ndə̂kə̂ krʉ bëte tchôtchô rə ndə̂ nyê gboadje rə̂ tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 1:21

Lə̂ köbosə̂ Krîsiti kä ndə̂ nyë zâ su nyê sə̈ Ndjapä, ndə̂ tche jô Krîsiti lə̂ kuzü ânyë kə̈ lûsə̂ yê. Käko ânyë su nyê ndə̂ nyë zâ rə̂ sə̈ Ndjapä la rə ndə̂ su nyê krʉ̂ bëte rə̂ lâme âwa pâ Ndjapä.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Pîêre 2:2

Batə̂ rə̂ ndə̂ angbelɛ̂-bechë mbo gʉ ngo anyï andjê, äwäpä nyë mbö ndjë gʉ pö Ndjapä ndə̂ ngâ ngbongbo rə balë wâbo wâ lə̂nə̈-ê. Käko lə̂ köbosə̂ kə̂ ndjo rə̂, nyê geadje ânyë kə̂ tchadje lə̂ kuzü.

Dokʉ̈ Pîêre 3:15

Praâbalë äwäpä nyë lusə̂ Krîsiti bhâlə̂ su nyê batə̂ Gbölö Gbïɛ̈ ndə̂ nyê. Nyë sə̈ tchêtchêtchê logbɛ̂ ndə̂kə̂ to pö sə̈ azü ndə̂ andjë yu nyê tə̂ rə ndə̂ nyë zâ su nyê ndə̂kə̂ krʉ bëte rə̂.

Dokʉ̈ Pîêre 3:21

Rə lâme wä batə̂ nyîsɨ̂ batɛ̂me ndə̂ âtcha nyê angaâtə. Batɛ̂me nə̈ lâme djûtuabô kâkpö ndə̂ âwatə̂ kpoto nyê-a, praâbalë äwätə̂ kə̂ zatə̂ akrə sə̈ Ndjapä, ndə̂kə̂ pa kə̂ rɨ tchə̂lə̂ su yê wabô wâ la ngâ ngbongbo rə balë-ê. Ârə̂ kä âkə̂ tcha nyê lə̂ köbosə̂ kə̂ jo ndə̂ Jezü Krîsiti lə̂ kuzü.

Dokʉ̈ Pîêre 3:5

Ädə̈ käko ânyë aɛ̈chë ndə̂ andjë wâ alême ngbî ânyë kə̈ dâka gbɛ̂, andjë zä su andjê pâ Ndjapä, kə̈ djê ma aköchë ndə̂ andjê,

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.

Dokʉ̈ Jâan 3:9

Akrə ndə̂ tche wâtə̂ bechë ndə̂ Ndjapä, tchê kä mboabô ngbongbo rə tee-a, bëte gbôgbô ndə̂ Ndjapä kä lə̂ yê. Tchê kä mbo bata ngbongbo rə tee-a, bëte tche də̈ bechë ndə̂ Ndjapä.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Dokʉ̈ Jâan 5:18

Azə̈ wûnsə̂ nə̈ nə̂ pä ngâ bechë ndə̂ Ndjapä balë sə̂âbo kpô tə̂kə̂ mbo ngbongbo rə-a, bëte Modô ndə̂ Ndjapä kä lakə̂ bata tchë, ânyë Ngbongbo akrə wâbo ndə̂kə̂ mbo ngâ rə tə̂ yê-a.

Dokʉ̈ Jâan 5:4

Bëte azü gbɛ̂ ndə̂ andjë wâtə̂ abechë ndə̂ Ndjapä, andjë rö tchêbêche âtə la gbôgbô. Köbo ndə̂kə̂ ropâ tchêbêche âtə la gbôgbô də̈ kə̂ za su sə̈ Ndjapä.