Dokʉ̈ Pîêre 1:25 - Mbëtï Ndjapä: TÄFO MADƗ̈

²⁵ praâbalë pö ndə̂ Gbölö Gbïɛ̈ wä pïï etə̂.» Pö nə̈ lâme wätə̂ Tchôtchô Pö ndə̂ a mû rə̂ sə̈ nyê.

Dokʉ̈ Pîêre 1:25 Iomraidhean Croise

Matiyə̈ 5:18

Ɛn-ɛn, tə̂ lëge nə̈ më tö rə̂ sə̈ nyê: Dokʉ̈tchê ndə̂kə̂ pa tchêlafô la tchêbêche âtə ro, ngâ kpîɛ̂kpîɛ̂ mbëtï âdəndjë ngâ kpîɛ̂kpîɛ̂ rə kʉ̂tê Mbëtï-ndïɛ̈ nə̈ balë roabô tee-a, zoo arə gbɛ̂ mbo gundə̂sə̂ nə̈.

Lûke 16:17

Sə̂nə̈ kâbo tə̂ tchêlafô la tchêbêche ndə̂kə̂ ro-a, praâbalë sə̂nə̈ kä tə̂ gbölösə̂nə̈ ndə̂kə̂ pa ngâ kpîɛ̂kpîɛ̂ rə kʉ̂tê Mbëtï-ndïɛ̈ balë yu.

Jâan 1:1

Dokʉ̈tchê ndə̂kə̂ pa Ndjapä mbo tchîsûwu, Pö alême kä tâ, Pö nə̈ wä alême bhâ ndrotə̂ Ndjapä, Pö nə̈ wä alême tə̂ Ndjapä.

Jâan 1:14

Tchanə̈ ndə̂ tche wâtə̂ Pö nə̈ lâme mbötə̂ yê tə̂ akrə, kə̈ sə̂ lə̂ gbâtə̂ azə̂; tchôtchô su la lëge pö sɨ̂sɨ̈ lə̂ yê. Ârâ wün golowäre ndə̂ yê, golowäre ndə̂ gbokôngô Modô gbô rə̂ tchânə̂ Bha.

Dokʉ̈ Körɛ̂nte 2:2

Bëte, ndə̂ më sə̂ lə̂ gbâtə̂ nyê, më nyîâbo ndə̂kə̂ wunsə̂ ngâ rə ngbî-a, kütû Jezü Krîsiti, Jezü Krîsiti ndə̂ a wôn tchë pâ yö ndə̂ gba.

Ëfêze 2:17

Tche nə̈ ndə̂kə̂ mu Tchôtchô Pö ndə̂ zɨtɨ su sə̈ nyê ndə̂ nyë sə̂ ngrɨ̈ alême, la andjanə̈ ndə̂ andjë sə̂ ndjë ndö alême.

Ëfêze 3:8

Mëmê ndə̂ më wâtə̂ kpîɛ̂kpîɛ̂ akrə lə̂ gbâtə̂ akpîɛ̂kpîɛ̂ azü ndə̂ Ndjapä gbɛ̂, tche mbô tchôtchô su tə̂ mê ndə̂kə̂ mu pö batə̂ ngâ tchôtchô pö ndə̂ atchôtchô arə ndə̂ ârô masə̂nə̈ lə̂ Krîsiti sə̈ azü ndə̂ andjë wâbô wâtə̂ ajuîfu.

Tîte 1:3

Ndə̂ lo nə̈ tâ tâ, Ndjapä ndə̂ tche wâtə̂ Earə̂ kə̂ tcha azə̂, tche nyîsə̂ pö ndə̂ yê nə̈. Tche nyïsə̂ nə̈ lə̂ köbosə̂ pö ndə̂ yê, ndə̂ tche zâ rə̂ sə̈ mê, gundə̂sə̂ kə̂ zama ndə̂ tche zâ rə̂ sə̈ mê.

Aheborö 6:5

andjë wûnsə̂ nə̈ nə̂ pä pö Ndjapä wätə̂ tchôtchô rə, kə̂ wûnsə̂ agbôgbô ndə̂ tchîsûwu ndə̂ ânə.

Dokʉ̈ Pîêre 1:12

Ndjapä nyïsə̂ nə̈ sə̈ andjê pä, pö nə̈ wâbo bëte andjê la tə̂ andjê-a, praâbalë äwä bëte nyê. Pö nə̈ kä ndə̂ a-earə̂ kə̂ mu Tchôtchô Pö sə lakə̂ to rə̂ sə̈ nyê angaâtə, lə̂ köbosə̂ Kpɨ̂ki Yingö bhâ lafô ndə̂ a wân tchë. Pö nə̈ lâme, aânje wä la gʉ ndə̂kə̂ wunsə̂ nə̈.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Pîêre 2:2

Batə̂ rə̂ ndə̂ angbelɛ̂-bechë mbo gʉ ngo anyï andjê, äwäpä nyë mbö ndjë gʉ pö Ndjapä ndə̂ ngâ ngbongbo rə balë wâbo wâ lə̂nə̈-ê. Käko lə̂ köbosə̂ kə̂ ndjo rə̂, nyê geadje ânyë kə̂ tchadje lə̂ kuzü.

Bïchuû Pîêre 1:19

Käko gbô azə̂ kä lakə̂ za su azə̂ pâ apö ndə̂ a-earə̂ ndə̂ma Ndjapä tô rə̂ alême, ädäka ndə̂kə̂ pa la nyê gbo pânə̈-ê: Äwä batə̂ lâmba ndə̂ âtcho lə̂ bübü tchô, ndjoa ndə̂kə̂ pa tchô kra tâ, ânyë ndjamunu tcho bhâlə̂ su nyê.

Dokʉ̈ Jâan 1:1

Rə ndə̂ âwâ tâ alême lə̂ kêsâ nə̈, ârâ djë rə̂, kə̈ wûn rə̂ la lala ârâ, kə̈ chêko rə̂, kə̈ grʉ̂ rə̂ la könô ârâ: Rə nə̈ də̈ Pö ndə̂ âza tchîsûwu sə̈ azü.

Dokʉ̈ Jâan 1:3

Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.

Apökälîbïchi 14:6

Pânə̈ më wûn ngâ ânje ndə̂ tche sə̂ lakə̂ wrʉ ngrɨ̈ lə̂ gûgû tchə̂lə̂ɛtchô, tche wä la Tchôtchô Pö ndə̂ logbɛ̂ logbɛ̂ ndə̂ tche wâ ndə̂kə̂ mu rə̂ sə̈ azü gbɛ̂ ndə̂ andjë mbô gö pâ cho, pâ amawo gbɛ̂, lə̂ ama gö gbɛ̂ la azü gö gbɛ̂.