Dokʉ̈ Pîêre 1:23 - Mbëtï Ndjapä: TÄFO MADƗ̈

²³ Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Pîêre 1:23 Iomraidhean Croise

Matiyə̈ 24:35

Tchêlafô la tchêbêche âroadje, praâbalë apö ndə̂ mê roabô tee-a.»

Lûke 8:11

«Dju ndoka lâme wä kâkë: Ndjî rəgʉ nə̈ də̈ pö Ndjapä.

Jâan 1:13

Andjë wâbo tə̂ abechë ndə̂ Ndjapä lə̂ köbosə̂ nə̈ ndə̂ anyï zɨ bechë-a, âdə̂âbo ndjë lə̂ köbosə̂ nə̈ ndə̂ su akrə nyîndə̂ nə̈-a, praâbalë Ndjapä kä ndə̂ âzɨ̂ andjê.

Jâan 1:3

Lə̂ köbosə̂ Pö nə̈ lâme kä ndə̂ rə gbɛ̂ wûn tchîsûwu; ngâ rə ndə̂ a mbô rə̂ ngbî tə̂ yê wâbo-a.

Jâan 3:3

Jezü tô rə̂ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö, âdə a âkä zɨabô ngâ akrə zɨ̂ tə̂ täfo nə̈, tchê liabô lə̂ Gbölö gö-gbïɛ̈ ndə̂ Ndjapä tee-a.»

Jâan 3:5

Jezü tô rə̂ ndə̂nə̈ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö: Âdə a âzɨabô ngâ akrə zɨ̂ lə̂ köbosə̂ ngû, la Yingö-ê, tchê liabô lə̂ Gbölö gö-gbïɛ̈ ndə̂ Ndjapä tee-a.

Jâan 6:63

Yingö kä ndə̂ âmbo rə̂ pä akrə wa la tchîsûwu. Mbë akrə wâbo ndə̂kə̂ mbo ngâ rə-a. Apö ndə̂ më tô rə̂ sə̈ nyê lâme wätə̂ apö ndə̂ Yingö la apö ndə̂ âza tchîsûwu.

Rômo 1:23

Ndə̂kə̂ pa andjë voga gbölö ndə̂ Ndjapä ndə̂ tche wâ la tchîsûwu ndə̂ logbɛ̂ logbɛ̂, andjë gbôtâ kə̂ voga kütû anyîsɨ̂ arə ndə̂ âkʉ̂ akrə ndə̂ tche wâ ndə̂kə̂ tchu, rə ndə̂ âkʉ̂ nyïɛ̈nə̈ la agia ndə̂ da andjê gû voanə̈ la agia ndə̂ andjë hro bêche.

Aheborö 4:12

Bëte Pö Ndjapä wä la tchîsûwu, kə̈ wâ la gbôgbô. Pö Ndjapä wä batə̂ besala ndə̂ manə̈ kî dəkalâ dəkalâ. Pö Ndjapä nə̈ lï zoo kə̈ krʉ̂ tchə̂lə̂ vrö la yingö, kə̈ krʉ̂ ndjë tchə̂lə̂ abülüngbɨ̈ la awole. Pö Ndjapä wä ngbanga pâ agʉ arə ndjë lakə̂ rɨ tchə̂lə̂ su akrə.

Jâke 1:18

Tchetchë la tə̂ yê, tche zä tchîsûwu sə̈ azə̂ lə̂ köbosə̂ pö ndə̂ yê ndə̂ âwâtə̂ lëge pö, ndə̂kə̂ pa azə̈ watə̂ adokʉ̈ arə gbɛ̂ ndə̂ tche mbô rə̂.

Dokʉ̈ Pîêre 1:25

praâbalë pö ndə̂ Gbölö Gbïɛ̈ wä pïï etə̂.» Pö nə̈ lâme wätə̂ Tchôtchô Pö ndə̂ a mû rə̂ sə̈ nyê.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Dokʉ̈ Jâan 3:9

Akrə ndə̂ tche wâtə̂ bechë ndə̂ Ndjapä, tchê kä mboabô ngbongbo rə tee-a, bëte gbôgbô ndə̂ Ndjapä kä lə̂ yê. Tchê kä mbo bata ngbongbo rə tee-a, bëte tche də̈ bechë ndə̂ Ndjapä.

Dokʉ̈ Jâan 5:18

Azə̈ wûnsə̂ nə̈ nə̂ pä ngâ bechë ndə̂ Ndjapä balë sə̂âbo kpô tə̂kə̂ mbo ngbongbo rə-a, bëte Modô ndə̂ Ndjapä kä lakə̂ bata tchë, ânyë Ngbongbo akrə wâbo ndə̂kə̂ mbo ngâ rə tə̂ yê-a.