Dokʉ̈ Pîêre 1:22 - Mbëtï Ndjapä: TÄFO MADƗ̈

²² A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Pîêre 1:22 Iomraidhean Croise

Jâan 15:17

Käko rə ndə̂ më zâma sə̈ nyê tâ wä ndə̂kə̂ nyində̂ angâ nyê lə̂ gbâtə̂ nyê.»

Jâan 15:3

Pö ndə̂ më tô rə̂ sə̈ nyê, âmbô nyê, nyë grô nə̂ gbɛ̂.

Jâan 17:17

Amö bata andjê ngbî bëte mö lə̂ köbosə̂ lëge pö. Pö ndə̂ zə̈ wätə̂ lëge pö.

Jâan 17:19

Më zätə̂ mê la tə̂ mê ngbî sə̈ mö bëte andjê, ndə̂kə̂ pa andjë za ndjë tə̂ andjê ngbî sə̈ mö lə̂ köbosə̂ lëge pö.

Abadjângele 15:9

Lə̂ la yê, azə̈ la andjê wä balë. Ndjapä djütu su andjê bëte rə̂ ndə̂ andjë zâ su andjê sə̈ Jezü.

Abadjângele 6:7

Pö Ndjapä nə̈ sə̂ lakə̂ za tchô gbɛ̂ ânyë kə̂ ngba ndə̂ adjisîpili bhâ Jerûzalêmo wâtə̂ gbölösə̂nə̈. Angbängbä a-earə̂ kə̂ wa ngela sə̈ Ndjapä gâmba rə̂ ndə̂kə̂ za su andjê sə̈ Jezü.

Rômo 1:5

Lə̂ köbosə̂ yê, Ndjapä mbö tchôtchô su tə̂ mê ndə̂kə̂ watə̂ badjângele ndə̂kə̂ mbo rə̂ ânyë azü gbɛ̂ ndə̂ andjë wâbô wâtə̂ ajuîfu za su andjê sə̈ Jezü Krîsiti ndə̂kə̂ mbo rə gundə̂sə̂ pö ndə̂ yê. Më mbö rə̂ bëte rə̈ Krîsiti.

Rômo 2:8

Praâbalë angâ azü kösə̂ kə̂ dje ma Ndjapä, kə̈ kôsə̂ lëge pö, kə̂ mbo kütû mbə̈lï. Andə̂ andjë nə̈, su Ndjapä âkʉadje tchë tə̂ andjê ânyë tchê wadje ngbanga lə̂ küma andjê.

Rômo 8:13

Âdə nyê âmbo rə gundə̂sə̂ angbongbo gʉ su nyê, nyê tchuadje. Praâbalë lə̂ köbosə̂ Yingö, âdə nyê âji angbongbo kə̂ mbotə̂ nyê, nyê wadje la tchîsûwu.

Bïchuû Körɛ̂nte 6:6

Ârâ nyï ndjë sə̂nə̈ pä ârâ də̈ alëge a-earə̂ kua ndə̂ Ndjapä lakə̂ sə ndə̂ ârâ la grôgrô su, lə̂kə̂ wunsə̂ rə, lakə̂ rʉatə̂ su ârâ, lə̂ dâkâ ndə̂ ârâ, lə̂ köbosə̂ Kpɨ̂ki Yingö, lə̂ köbosə̂ lëge kə̂ nyində̂ angâ ârâ lə̂ gbâtə̂ ârâ,

Gälâte 3:1

Nyënyê azü gö ndə̂ Gälâte, küma nyê wâbo lanə̈-a! Giamâ kä âmbô nyê ânyë köbo nyê yû kâkë? Bëte kpôlə̂ la nyê kä ndə̂ a nyîsə̂ pö kraâ pâ Jezü Krîsiti ndə̂ a wôn tchë pâ yö ndə̂ gba!

Gälâte 5:5

Âdə andə̂ azə̈ nə̈, azə̈ zä su azə̂ pâ Ndjapä ndə̂kə̂ pa tche mbo rə̂ ânyë azə̈ wa djîrə̂ lə̂ la yê. Kpɨ̂ki Yingö kä ndə̂ âmbo rə̂ pä azə̈ krʉ bëte rə̂, lə̂ köbosə̂ kə̂ za su azə̂ sə̈ Krîsiti.

Gälâte 5:7

Nyë mbö rə alême la köbo nə̈! Tchabâ kä ndə̂ âkîtə̂ köbo tə̂ nyê ânyë nyë kâ mbôâbô rə mbô gundə̂sə̂ lëge pö-ê?

Ëfêze 4:3

Nyë pü köbo gbɛ̂ ndə̂kə̂ bata kə̂ sə ndə̂ nyê balë lə̂ Kpɨ̂ki Yingö lə̂ köbosə̂ kə̂ sə la zɨtɨ su lə̂ gbâtə̂ nyê.

Fïlîpe 1:9

Më tö pö sə̈ Ndjapä bëte nyê kâkë: Äwäpä kə̂ nyində̂ angâ nyê lə̂ gbâtə̂ nyê e kütû ë atə̂ tchâtchu nə̈, käko tchə̂lə̂ la nyê kra ndə̂kə̂ wunsə̂ rə djîrə̂,

Dokʉ̈ Tësälönîke 3:12

Äwäpä Gbölö Gbïɛ̈ mbo rə̂ pä köbo ndə̂ nyê nyində̂ angâ nyê lə̂ gbâtə̂ nyê, la köbo ndə̂ nyê nyində̂ azü gbɛ̂ ârô masə̂nə̈ lâme sə lakə̂ êë atə̂ tchâtchu nə̈, batə̂ rə̂ ndə̂ ârâ nyîndə̂ nyê! Amin!

Bïchuû Tësälönîke 1:3

Arə̂mä, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Äwä lə̂ köbo nə̈ ndə̂kə̂ mbo rə̂ käko, bëte su nyê ndə̂ nyë zâ rə̂ sə̈ Krîsiti sə̈ lakə̂ êë atə̂ lafô tə̂ gbölösə̂nə̈, ânyë kə̂ nyində̂ tə̂ nyê la angâ nyê sə̂ lakə̂ gêgë.

Bïchuû Tësälönîke 2:13

Âdə andə̂ ârâ, arə̂mä ndə̂ Gbölö Gbïɛ̈ nyîndə̂ nyê, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Bëte Ndjapä dɨ̈ nyê dokʉ̈tchê ânyë kə̈ mbô arə gbɛ̂, ndə̂kə̂ pa nyë tcha lə̂ kuzü lə̂ köbosə̂ Yingö ndə̂ yê ndə̂ âmbo rə̂ pä tchîsûwu ndə̂ nyê daka gbɛ̂ lə̂ la yê. Bëte nyë gämba lëge pö.

Dokʉ̈ Timotë 1:3

Batə̂ rə̂ ndə̂ më yûkû nə̈ alême sə̈ mö ndə̂ mê âsə̈ ro atə̂ Mäsëdöâne lâme, amö sə po bhâ Ëfêze. Angâ azü bhâye ndə̂ andjë nyisə̂ rə ndə̂ âwâ ngbî tə̂ pö Ndjapä lâme, amö dacho la andjê.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Dokʉ̈ Timotë 4:12

Âwâbo pä ngâ akrə talusə̂ zə̈ tə̂ pö ndə̂nə̈ ndə̂ mo wâtə̂ bechë-ɛ̈köchɛ̈-a, praâbalë amö nyisə̂ köbo sə̈ andjê lə̂ köbosə̂ pö ndə̂ zə̈, kə̂ mbo rə ndə̂ zə̈, kə̂ nyində̂ ngâ ndə̂ zə̈, kə̂ za su zə̈ sə̈ Krîsiti lakə̂ wa la grôgrô su.

Dokʉ̈ Timotë 5:2

kə̂ za rə̂ sə̈ akpôkpô aɛ̈chë batə̂ araanyï zə̈, kə̂ za rə̂ sə̈ abechë-ɛ̈chë batə̂ araanyînə̂ zə̈ la grôgrô su.

Bïchuû Timotë 1:14

Tchôtchô rə nə̈ lâme, amö bata rə̂ lə̂ köbosə̂ Kpɨ̂ki Yingö ndə̂ âwâ lə̂ azə̂.

Aheborö 11:8

Lə̂ köbosə̂ kə̂ za su sə̈ Ndjapä, Abrahâmo nyîndə̂ nə̈ lakə̂ e tchô ndə̂ Ndjapä, tche djê ma Ndjapä ânyë kə̈ gbô lə̂ gö ndə̂ yê ndə̂kə̂ e atə̂lə̂ ngâ gö ngbî, ndə̂ Ndjapä nyîndə̂ kə̂ za rə̂ sə̈ tchë ndə̂kə̂ watə̂ andə̂ ye nə̈. Abrahâmo ê kə̈ wûn-âbo sə̂ tchô ndə̂ tche e tâ-a.

Aheborö 13:1

Nyë ndə̈po logbɛ̂ lakə̂ nyində̂ angâ nyê lə̂ gbâtə̂ nyê la angâ nyê batə̂ arə̂mâ ndə̂ Krîsiti.

Aheborö 5:9

Ndə̂ Jezü kâ akua ndə̂ yê gbɛ̂, tche mbôtə̂ yê tə̂ akrə ndə̂ tche za kə̂ tcha lə̂ kuzü ndə̂ logbɛ̂ sə̈ azü gbɛ̂ ndə̂ andjë djê ma yê.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Aheborö 9:14

Âdə rə nə̈ âwa käko, jï Krîsiti âwa la gbôgbô tə̂ gbölösə̂nə̈ ndə̂kə̂ mbo kua kə̂ ro adɨ̂ arə lâme gbɛ̂! Lə̂ köbosə̂ Kpɨ̂ki Yingö ndə̂ âwâ logbɛ̂ logbɛ̂, Krîsiti zâtə̂ yê batə̂ ngela ndə̂ âdâka gbɛ̂. Jï yê djutuadje kə̂ rɨ tchə̂lə̂ su azə̂ ndə̂ âwâ la kâkpö ânyë kə̂ ka la azə̂ pu kuzü lâme. Käko azə̂ mboadje rə̂ la Ndjapä ndə̂ tche wâ la tʉ̈rʉ̂ la yê.

Jâke 1:21

Ndjë, äwäpä nyë gbotə̂ arə kâkpö gbɛ̂, la angbongbo su gbɛ̂ ndə̂ ârô masə̂nə̈-ê. Nyë gämba pö ndə̂ a chî rə̂ lə̂ su nyê lâme, la su ndə̂ âwâ nyima-ë. Bëte pö nə̈ lâme kä la gbôgbô ndə̂kə̂ tcha nyê lə̂ kuzü.

Jâke 4:8

Nyë gïtə̂ nyê ndola Ndjapä, ânyë tche giadje ndjë tə̂ yê ndola nyê. Nyënyê ndə̂ a-earə̂ ngbongbo rə, nyë grʉ̈ bata ngbongbo rə grʉ̂-ê, nyënyê ndə̂ su nyê wâ bïbïchuû âtə! Nyë djütu tchə̂lə̂ su nyê.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Dokʉ̈ Pîêre 2:17

Nyë lüsə̂ azü gbɛ̂, kə̂ nyində̂ arə̂mâ ndə̂ nyê lə̂ Krîsiti. Nyë kpë wa Ndjapä, kə̂ lusə̂ gbölö gbïɛ̈ ndə̂ tchêbêche.

Dokʉ̈ Pîêre 3:1

Nyënyê ndjë, aɛ̈chë, nyë djë ma aköchë ndə̂ nyê, käko ânyë angânə̈ lə̂ gbâtə̂ aköchë nə̈ ndə̂ andjê kôsə̂ pö Ndjapä, andjê ka pu tchë lə̂ köbosə̂ kə̂ mbo rə ndə̂ aɛ̈chë ndə̂ andjê, âdə̂âbo tə̂ pö ndə̂ pö ndə̂ nyê to rə̂ sə̈ andjê-a.

Dokʉ̈ Pîêre 3:20

Andjanə̈ ndə̂ andjë kôsə̂ pö ma Ndjapä alême, sə̂nə̈ ndə̂ tche rʉ̂âtə̂ su yê ndə̂kə̂ krʉ bëte andjê pä andjë ka pu tchë tə̂ lo nə̈ ndə̂ Nowë mbô âreche. Kütû kpîɛ̂kpîɛ̂ kə̂ ngba ndə̂ azü mïndûu manə̈ vötaâ kä ndə̂ âlî lə̂nə̈, ânyë Ndjapä tchâ andjê lə̂ köbosə̂ ngû.

Dokʉ̈ Pîêre 3:8

Ndə̂kə̂ ka ndə̂ pö nə̈, äwäpä pö tə̂ su nyê gbɛ̂ wa balë, nyë wün nyonyo angâ nyê. Nyë nyïndə̂ angâ nyê lə̂ gbâtə̂ nyê batə̂ arə̂mâ ndə̂ nyê lə̂ Krîsiti, nyë mbö dâkâ, kə̂ mbotə̂ nyê kpîɛ̂kpîɛ̂ rə̂.

Dokʉ̈ Pîêre 4:17

Bëte lo ndə̂kə̂ pa Ndjapä jetə̂ kə̂ wa ngbanga ndə̂ azü nda ndə̂ yê wûtu nə̂. Âdə tche âdokʉtchê tə̂ azə̂, andə̂ andjanə̈ ndə̂ andjë kôsə̂ kə̂ gamba Tchôtchô Pö ndə̂ Ndjapä lâme, tchîsûwu ndə̂ andjê âka atöko?

Dokʉ̈ Pîêre 4:8

Dokʉ̈ nə̈ wä ndə̂kə̂ pa nyë nyində̂ angâ nyê lə̂ gbâtə̂ nyê la su nyê gbɛ̂, bëte kə̂ nyində̂ ngâ vüsə̂ angbängbä angbongbo rə.

Bïchuû Pîêre 1:7

Nyë zä kə̂ mbo la sə̂ angâ nyê ëpâ kə̂ zatə̂ nyê gbɛ̂ sə̈ Ndjapä, nyë zä kə̂ nyïndə̂ ngâ ëpâ kə̂ mbo la sə̂ angâ nyê.

Dokʉ̈ Jâan 3:11

Pö ndə̂ nyë djê rə̂ alême lə̂ kêsâ nə̈ kä âtə: Äwäpä azə̈ nyində̂ angâ azə̂ lə̂ gbâtə̂ azə̂.

Dokʉ̈ Jâan 3:23

Ndïɛ̈ ndə̂ yê wä kâkë: Äwä ndə̂kə̂ pa azə̈ gamba rə̈ Modô ndə̂ yê Jezü Krîsiti, kə̂ nyində̂ angâ azə̂ lə̂ gbâtə̂ azə̂, gundə̂sə̂ ndïɛ̈ ndə̂ tche zâ rə̂ sə̈ azə̂.

Dokʉ̈ Jâan 4:12

Ngâ akrə balë wûn-âbo Ndjapä-a. Käko âdə azə̂ ânyində̂ angâ azə̂ lə̂ gbâtə̂ azə̂, Ndjapä kä lə̂ azə̂, ânyë kə̂ nyində̂ ngâ ndə̂ yê nə̈ lə̂ azə̂ daka gbɛ̂.

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.

Apökälîbïchi 2:4

Praâbalë rə ndə̂ më nyîndə̂ kə̂ gbɨtɨ tü zə̈ pânə̈ də̈ rə̂ ndə̂, kə̂ nyində̂ mê ndə̂ mo nyîndə̂ mê dokʉ̈tchê lâme, mo gbôtə̂ köbo nə̈ nə̂.