Dokʉ̈ Pîêre 1:21 - Mbëtï Ndjapä: TÄFO MADƗ̈

²¹ Lə̂ köbosə̂ Krîsiti kä ndə̂ nyë zâ su nyê sə̈ Ndjapä, ndə̂ tche jô Krîsiti lə̂ kuzü ânyë kə̈ lûsə̂ yê. Käko ânyë su nyê ndə̂ nyë zâ rə̂ sə̈ Ndjapä la rə ndə̂ su nyê krʉ̂ bëte rə̂ lâme âwa pâ Ndjapä.

Dokʉ̈ Pîêre 1:21 Iomraidhean Croise

Matiyə̈ 28:18

Jezü gîtə̂ yê ndola andjê kə̈ tô rə̂ sə̈ andjê päkëdə̂: «Ndjapä zä gbôgbô sə̈ mê pâ tchêlafô la tchêbêche.

Jâan 12:44

Jezü tô rə̂ ngbôô päkëdə̂: «Âdə ngâ akrə âza su yê sə̈ mê, âdə̂âbo mëmê la kütû mê kä ndə̂ tche zâ su yê sə̈ mê-a. Praâbalë tche zä ndjë rə̂ sə̈ tchanə̈ ndə̂ tche wân mê.

Jâan 14:1

Jezü tö rə̂ päkëdə̂: «Su nyê djïngɨliabô djîngɨli-î! Nyë zä su nyê sə̈ Ndjapä, kə̂ za ndjë su nyê sə̈ mê.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 17:1

Pânə̈ ndə̂ tche tô pö lâme, Jezü kênga la yê atə̂ lafô kə̈ tô rə̂ päkëdə̂: «Bha mê, dalo nə̈ wûtu nə̂. Amö lusə̂ Modô ndə̂ zə̈, ânyë Modô ndə̂ zə̈ lusə̂ zə̈.

Jâan 17:24

Bha mê, më nyïndə̂ nə̈ pä tchô ndə̂ më sə̂ tâ, andjanə̈ ndə̂ mo kʉ̂ andjê sə̈ mê, andjë sə ndjë tâ, ndə̂kə̂ pa andjë cheko golowäre ndə̂ mê ndə̂ mo zâ rə̂ sə̈ mê, bëte mo nyïndə̂ mê dokʉ̈tchê ndə̂kə̂ pa a mbo tchîsûwu.

Jâan 17:5

Angaâtə, Bha mê, amö lusə̂ mê bhâ ndrotə̂ zə̈, batə̂ golowäre ndə̂ më wâ la rə̂ alême bhâ ndrotə̂ zə̈, dokʉ̈tchê ndə̂kə̂ pa a mbo tchîsûwu.

Jâan 3:34

Akrə ndə̂ Ndjapä wân tchë, tche tö kütû apö ndə̂ Ndjapä, bëte Ndjapä zä Yingö ndə̂ yê gbɛ̂ sə̈ tchë.

Abadjângele 2:24

Praâbalë Ndjapä jô tchë lə̂ kuzü lakə̂ ji tchë lə̂ nyonyo ndə̂ kuzü, bëte kuzü wâbo la gbôgbô ndə̂kə̂ kitə̂ yê-a.

Abadjângele 3:13

Ndjapä ndə̂ Abrahâmo, Ndjapä ndə̂ Izâke, Ndjapä ndə̂ Jakôbo, Ndjapä ndə̂ araâta azə̂, tche lüsə̂ Jezü earə̂ kua ndə̂ yê. Praâbalë nyë zâ tchë tchânə̂ agbölö azü gö ndə̂ nyê, andjë kôsə̂ yê tchâtchu Pïlâte. Dëkë, Pïlâte nə̈ nyïndə̂ kə̂ ji tchë.

Abadjângele 3:15

Nyë wön makündji ndə̂ tche za tchîsûwu sə̈ akrə, praâbalë Ndjapä jô tchë lə̂ kuzü, azə̈ wûn rə̂ la la azə̂ nə̂ gbɛ̂.

Abadjângele 4:10

Nyënyê ndə̂ azü ndə̂ Isarayële gbɛ̂, äwäpä nyë wunsə̂ ngâ rə balë: La rə̈ Jezü Krîsiti akrə gö ndə̂ Näzärête kä ndə̂ köchë âtə krʉ̂ lə̂ gûtə̂ nyê la tchôtchô tə̂ yê. Jezü Krîsiti ndə̂ nyë bhî tchë alême tə̂ yö ndə̂ gba, praâbalë Ndjapä jô tchë lə̂ kuzü.

Rômo 10:9

Âdə mo âto rə̂ la ma zə̈ päkëdə̂: «Jezü wätə̂ Gbölö Gbïɛ̈», ânyë kə̂ gâmba rə̂ la su zə̈ ndə̂ Ndjapä jô tchë lə̂ kuzü, mô tchadje lə̂ kuzü.

Rômo 4:24

äwä ndjë bëte azə̂ ndə̂ Ndjapä wûn azə̂ batə̂ adjîrə̂ azü lə̂ köbosə̂ kə̂ za su azə̂ sə̈ tchë. Tə̂ lëge nə̈, azə̈ zä su azə̂ sə̈ tchetchë ndə̂ tche jô Jezü, Gbölö Gbïɛ̈ ndə̂ azə̂ lə̂ kuzü.

Bïchuû Körɛ̂nte 6:15

Krîsiti djeadje tə̂ yê la Jâbolo? Giamâ kä ndə̂ akrə ndə̂ tche zâ su yê sə̈ Ndjapä la akrə ndə̂ tche zâbô su yê zâ sə̈ Ndjapä ngbotâ balë?

Ëfêze 1:15

Bëte rə̂ kä, ndə̂ më djê pö ndə̂ su nyê ndə̂ nyë zâ rə̂ sə̈ Gbölö Gbïɛ̈ Jezü, la rə̂ ndə̂ nyë nyîndə̂ azü ndə̂ Ndjapä gbɛ̂,

Kölôse 1:27

Ndjapä nyïndə̂ nə̈ pä andjë wunsə̂ atchôtchô arə ndə̂ ârô masə̂nə̈ ndə̂ tche nyîkrə rə̂ lə̂ küwû nə̈ bëte azü ndə̂ andjë wâbô wâtə̂ ajuîfu. Rə nə̈ ndə̂ tche nyïkrə rə̂ wä kâkë: Krîsiti kä lə̂ nyê ndə̂kə̂ pa nyë za su nyê ndə̂kə̂ krʉ bëte tchë ânyë kə̂ sə la tchë lə̂kə̂ wa gbölö ndə̂ yê.

Dokʉ̈ Timotë 1:1

Mëmê Pôlo, më wâtə̂ badjângele ndə̂ Jezü Krîsiti, lə̂ köbosə̂ kə̂ zama ndə̂ Ndjapä, Earə̂ kə̂ tcha azə̂, la Jezü Krîsiti ndə̂ azə̈ zâ su azə̂ pâ yê.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Aheborö 2:9

Praâbalë rə ndə̂ azə̈ wûn rə̂ wä kâkë: Ndjapä mbö rə̂ pä Jezü wa kpîɛ̂kpîɛ̂ rə̂ tə̂ aânje ndə̂ ngâ kpîɛ̂kpîɛ̂ lö, ndə̂kə̂ pa lə̂ köbosə̂ tchôtchô su ndə̂ Ndjapä, Jezü tchu bëte azü gbɛ̂, praâbalë angaâtə tche kä lə̂ golowäre ânyë azü lûsə̂ yê bëte kuzü ndə̂ tche tchû rə̂.

Aheborö 6:1

Käko äwäpä azə̈ dje tchêngbâ azə̂ tə̂ adokʉ̈ apö ndə̂ azə̈ mânda rə̂ alême pâ Krîsiti, kə̂ manda pö ndə̂ âwâ bëte anênegbe azü. Azə̈ kä kâbô kâ pâ dokʉ̈ kə̂ nyisə̂ rə ndə̂ âtô pö ndə̂kə̂ gbotə̂ bəndɨ kə̂ mbo rə ndə̂ âe la azə̂ pu kuzü, la pö ndə̂kə̂ za su sə̈ Ndjapä,

Aheborö 7:25

Bëte rə̂ kä, azü ndə̂ andjë gitə̂ andjê pu Ndjapä lə̂ köbosə̂ yê, tche kä la gbôgbô ndə̂kə̂ tcha andjê tə̂ lëge nə̈ tratralë, bëte tche wä la tchîsûwu ndə̂ logbɛ̂ logbɛ̂ ndə̂kə̂ to pö sə̈ Ndjapä bëte andjê.

Dokʉ̈ Pîêre 1:11

Yingö ndə̂ Krîsiti kä lə̂ a-earə̂ ndə̂ma Ndjapä ânyë andjë nyïsə̂ nə̈ dokʉ̈tchê, pö ndə̂ yûkü ndə̂ Krîsiti wun-adje rə̂, ndjë lakə̂ lusə̂tə̂ ndə̂ tchê gboadje rə̂ ngbâ yûkü nə̈. Ädə̈ käko ânyë andjë sə̂ lakə̂ pu köbo gbɛ̂ ndə̂kə̂ wunsə̂ lö ndə̂kə̂ wutu ndə̂ arə nə̈ ndə̂ Yingö tô pö ndə̂nə̈ lâme, kə̈ pû ndjë köbo ndə̂kə̂ wunsə̂ nə̈ pä atöko kä ndə̂ arə nə̈ wûtu la rə̂?

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Dokʉ̈ Pîêre 3:22

Tche gû atə̂ lafô nə̂, ânyë kə̈ sə̂ də ndôkö könô Ndjapä. Angaâtə aânje, atchozö ndə̂ andjë wâ la kümändëmä la andjanə̈ ndə̂ andjë wâ la gbôgbô, andjë kä tchâtchâ yê.