Dokʉ̈ Pîêre 1:20 - Mbëtï Ndjapä: TÄFO MADƗ̈

²⁰ Ndjapä dɨ̈ Krîsiti dokʉ̈tchê ndə̂kə̂ pa a mbo arə gbɛ̂. Tche mä Krîsiti ësûwu bëte nyê lə̂ adɨ̂ alö.

Dokʉ̈ Pîêre 1:20 Iomraidhean Croise

Matiyə̈ 25:34

Käko gbïɛ̈ âtoadje rə̂ sə̈ andjanə̈ ndə̂ andjë sə̂ də ndôkö päkëdə̂: ‹Nyë nə̈ atâ, nyënyê ndə̂ tchôtchô pö ndə̂ Bha mê wâ pâ nyê, nyë də̈ azü gö ndə̂ Gbölö gö-gbïɛ̈ ndə̂ tchêlafô, ndə̂ tche nyîkrə rə̂ alême bëte nyê dokʉ̈tchê ndə̂kə̂ pa a nyikrə tchîsûwu.

Abadjângele 2:23

Köchë lâme, a gbötə̂ yê tchânə̂ nyê lə̂ köbosə̂ nə̈ ndə̂ Ndjapä nyîkrə rə̂ dokʉ̈tchê tə̂ su yê. Nyë zâ tchë sə̈ azü ndə̂ andjë wûn-âbô sə̂ Ndjapä wûn, andjë î tchë bhâtə̂ yö ndə̂ gba ânyë kə̈ wôn tchë.

Rômo 3:25

Ndjapä zä Jezü Krîsiti batə̂ ngela ânyë lə̂ köbosə̂ jï yê, Krîsiti jî ngbongbo rə ndə̂ azü ndə̂ andjë zâ su andjê sə̈ tchë. Ndjapä mbö rə̂ käko ndə̂kə̂ nyisə̂ nə̈ pä tche wä djîrə̂: Angbongbo rə ndə̂ azü mbo rə̂ alême, tche gʉ̈ä la yê pânə̈,

Rômo 8:29

Bëte azü ndə̂ Ndjapä ê andjê dokʉ̈tchê ndə̂kə̂ watə̂ azü ndə̂ yê, tche nyïkrə rə̂ tə̂ su yê dokʉ̈tchê ndə̂kə̂ mbo rə̂ ânyë andjë wa batə̂ nyîsɨ̂ Modô ndə̂ yê. Ndjapä mbö rə̂ käko ndə̂kə̂ pa Modô ndə̂ yê watə̂ âyä angbängbä azü.

Gälâte 4:4

Praâbalë lo nə̈ ndə̂ Ndjapä dɨ̂ rə̂ âsə̈ wutu, Ndjapä wân Modô ndə̂ yê. Ɛ̈chë kä ndə̂ âzɨ̂ tchë, ânyë tche sə̂ tchâtchâ ndïɛ̈,

Ëfêze 1:10

Rə ndə̂ tche nyîkrə rə̂ bhâtə̂ su yê lâme, wä ndə̂kə̂ pa âdə lo nə̈ âta tâ, tche pala arə gbɛ̂ ndə̂ âwâ bhâ lafô la anə̈ ndə̂ âwâ bêche tchâtchâ makündji balë ndə̂ tche də̂ Krîsiti.

Ëfêze 1:4

Dokʉ̈tchê ndə̂kə̂ pa a mbo tchîsûwu, Ndjapä dɨ̈ azə̂ ndə̂kə̂ pa azə̈ wa balë la tchë ânyë azə̈ watə̂ azü ndə̂ andjë wâ ngbî ânyë kə̈ dâka gbɛ̂, ndə̂ pö wâbô wâ lə̂ küma andjê lə̂ la yê. Lə̂ köbosə̂ nə̈ ndə̂ Ndjapä nyîndə̂ azə̂,

Ëfêze 3:11

Rə lâme gbɛ̂ tche mbö rə̂ gundə̂sə̂ rə ndə̂ tche nyîkrə rə̂ dokʉ̈tchê ndə̂ âwâ ndə̂ logbɛ̂, ndə̂ tche mbô rə̂ lə̂ köbosə̂ Jezü Krîsiti Gbölö Gbïɛ̈ ndə̂ azə̂.

Ëfêze 3:9

Kə̈ mbô ndjë rə̂ ndə̂kə̂ pa më mu rə̂ kraâ sə̈ azü gbɛ̂, köbo ndə̂ Ndjapä mbô arə ndə̂ tche nyîkrə rə̂, ndə̂ gbô rə̂ wâ lə̂ küwû nə̈. Tchetchë ndə̂ tche mbô arə gbɛ̂, tche vüsə̂ pö lâme âwâ bhâlə̂ yê gasa alême tə̂ logbɛ̂.

Kölôse 1:26

Ndjapä vüsə̂ nə̈ lə̂ angû balë balë tə̂ azü gbɛ̂, ânyë kə̈ vrô lanə̈ angaâtə sə̈ azü ndə̂ yê.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Aheborö 1:2

Praâbalë lə̂ adɨ̂ alö ndə̂ tchô angaâtə, tche tö pö sə̈ azə̂ lə̂ köbosə̂ Modô ndə̂ yê. Ndjapä mbö arə gbɛ̂ lə̂ köbosə̂ yê, tchetchë kä ndə̂ Ndjapä gbôtə̂ arə gbɛ̂ ëtchânə̂ yê ndə̂kə̂ watə̂ andə̂ ye nə̈.

Aheborö 2:14

Bëte rə̂ ndə̂ abechë nə̈ lâme wâ la tə̂ akrə la jï akrə balë, Jezü la tə̂ yê dötə̂ yê kə̈ wâ ndjë batə̂ andjê, ânyë kə̈ zâ tə̂ akrə. Käko lə̂ köbosə̂ kuzü ndə̂ yê, tche ndɨ̂ gbôgbô ndə̂ Jâbolo ndə̂ tche wâ la rə̂ alême pâ kuzü,

Aheborö 9:26

Âdə Krîsiti âli bhâ lafô ndə̂kə̂ zatə̂ yê la tə̂ yê la ngela ëngbâ ngânə̈ ëngbâ ngânə̈, dëkë Krîsiti âwun yûkü tə̂ gbölösə̂nə̈ ëngbâ ngânə̈ ëngbâ ngânə̈, gasa alême ndə̂ a mbô tchîsûwu. Käko tche lï angaâtə sûsunə̈ balë tratralë, ndə̂kə̂ djutu ngbongbo rə lə̂ köbosə̂ kə̂ zatə̂ yê la tə̂ yê la ngela.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Dokʉ̈ Jâan 1:2

Tchîsûwu nə̈ lâme mätə̂ yê kraâ ësûwu, ânyë ârâ wûn rə̂. Ârâ tö pö ndə̂ rə ndə̂ ârâ wûnsə̂ nə̈ pânə̈. Bëte rə̂ kä ndə̂ ârâ mû pö ndə̂ tchîsûwu ndə̂ logbɛ̂ logbɛ̂ sə̈ nyê, ndə̂ âwâ gasa alême ndrotə̂ Bha, ânyë kə̈ mâtə̂ yê sə̈ ârâ.

Dokʉ̈ Jâan 3:5

Nyë wûnsə̂ nə̈ nə̂ pä Jezü Krîsiti nə̈ ndə̂kə̂ ji angbongbo rə, ânyë ngbongbo rə wâbo lə̂ yê-a.

Dokʉ̈ Jâan 3:8

Akrə ndə̂ tche mbô ngbongbo rə, dëkë tche wätə̂ tchandə̂ Jâbolo. Bëte Jâbolo jëtə̂ kə̂ mbo ngbongbo rə gasa alême lə̂ kêsâ nə̈. Ndə̂ Modô ndə̂ Ndjapä nə̂ lâme, tche nə̈ ndə̂kə̂ ndɨ tchə̂lə̂ kua ndə̂ Jâbolo.

Apökälîbïchi 13:8

Azü gbɛ̂ ndə̂ andjë sə̂ pâ cho vogadje tchë. Azü ndə̂ andjë voga tchë də̈ azü ndə̂ rə̈ andjê wâbô wâ lə̂ mbëtï ndə̂ tchîsûwu ndə̂ Ngbavö Ɛ̈bro-ngbaga, sə̂nə̈ ndə̂ a mbô tchîsûwu. Mbëtï nə̈ də̈ andə̂ Ngbavö Ɛ̈bro-ngbaga ndə̂ a wôn tchë.