Dokʉ̈ Pîêre 1:2 - Mbëtï Ndjapä: TÄFO MADƗ̈

² Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Dokʉ̈ Pîêre 1:2 Iomraidhean Croise

Matiyə̈ 24:22

Âdə Ndjapä âjîâbô angâ alö yûkü lâme nyɛ̂-ɛn, dëkë akrə balë ndə̂ tche wâ ndə̂kə̂ tcha lə̂nə̈ sə̂âbo-a, praâbalë tche jï angâ alö nə̈ bëte azü ndə̂ tche dɨ̂ andjê.

Matiyə̈ 24:24

Bëte angâ amesï ndə̂ yepa la a-earə̂ ndə̂ma Ndjapä ndə̂ yepa nəadje. Andjê mboadje asɨ̂nyî rə la arə ndə̂ âropâ küma azü, ndə̂kə̂ bolo azü, âdə köbo âwa, andjë bolo ndjë azü ndə̂ Ndjapä dɨ̂ andjê.

Matiyə̈ 24:31

Ndə̂ gbölö tätälîtä âsə̈ kɨ, Modô ndə̂ akrə wan-dje aânje katchôgbɛ̂ lə̂ angongo cho voanə̈ ndə̂ tchêbêche ndə̂kə̂ pala azü ndə̂ tche dɨ̂ andjê.»

Mâreke 13:20

Âdə̂âbô bëte rə̂ ndə̂ Gbölö Gbïɛ̈ jî angâ alö nə̈ nyɛ̂-ɛn, dëkë ngâ akrə balë ndə̂ tche tcha lə̂ kuzü sə̂âbo-a. Praâbalë tche jï angâ alö nə̈ bëte azü ndə̂ tche dɨ̂ andjê ânyë andjë wâtə̂ azü ndə̂ yê.

Mâreke 13:22

Bëte angâ amesï ndə̂ yepa la a-earə̂ ndə̂ma Ndjapä ndə̂ yepa ânəadje, kə̂ mbo asɨ̂nyî rə la arə ndə̂ âropâ küma azü, ndə̂kə̂ bolo azü. Âdə köbo âwa, andjê bolo ndjë azü ndə̂ Ndjapä dɨ̂ andjê.

Mâreke 13:27

Käko tchê wan-adje aânje, andjê paladje azü ndə̂ tche dɨ̂ andjê lə̂ angongo tchêbêche voanə̈ gbɛ̂, ndə̂kə̂ to tə̂ ngâ ma tchêbêche ndjoa etə̂ ma ngânə̈.»

Lûke 18:7

Käko azü ndə̂ Ndjapä ndə̂ tche dɨ̂ andjê, ndə̂ andjë kɨ sə̈ tchë dalobiî lâme, tchê wabô tchə̂lə̂ ngbanga ndə̂ andjê? Tche âsə zoo ânyë kə̂ za könô sə̈ andjê?

Abadjângele 15:18

Tche mbö arə ndə̂ tche tô pö ndə̂nə̈ sə̈ azü nə̈ dokʉ̈tchê.›

Abadjângele 2:23

Köchë lâme, a gbötə̂ yê tchânə̂ nyê lə̂ köbosə̂ nə̈ ndə̂ Ndjapä nyîkrə rə̂ dokʉ̈tchê tə̂ su yê. Nyë zâ tchë sə̈ azü ndə̂ andjë wûn-âbô sə̂ Ndjapä wûn, andjë î tchë bhâtə̂ yö ndə̂ gba ânyë kə̈ wôn tchë.

Abadjângele 20:32

«Angaâtə, më gbötə̂ nyê ëtchânə̂ Ndjapä. Më gbö ndjë tə̂ nyê ndə̂kə̂ pa pö ndə̂ tchôtchô su ndə̂ Ndjapä bata nyê. Ndjapä kä la gbôgbô ndə̂kə̂ kpokpo nyê, ndə̂kə̂ kʉ atchôtchô arə gbɛ̂ ndə̂ tche bâta rə̂ pra azü ndə̂ tche kʉ̂ andjê ngbî bëte tchë.

Rômo 1:5

Lə̂ köbosə̂ yê, Ndjapä mbö tchôtchô su tə̂ mê ndə̂kə̂ watə̂ badjângele ndə̂kə̂ mbo rə̂ ânyë azü gbɛ̂ ndə̂ andjë wâbô wâtə̂ ajuîfu za su andjê sə̈ Jezü Krîsiti ndə̂kə̂ mbo rə gundə̂sə̂ pö ndə̂ yê. Më mbö rə̂ bëte rə̈ Krîsiti.

Rômo 1:7

Më wän mbëtï âtə sə azü gbɛ̂ ndə̂ andjë sə̂ bhâ Rômo, nyënyê ndə̂ Ndjapä nyîndə̂ nyê tə̂ gbölösə̂nə̈ ânyë kə̈ ê nyê ndə̂kə̂ watə̂ azü ndə̂ yê. Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Rômo 11:2

Ndjapä gbôâbo tə̂ azü ndə̂ yê ndə̂ tche dɨ̂ andjê dokʉ̈tchê alême-a. Nyë wûn-âbo sə̂ pö ndə̂ Mbëtï Ndjapä tô rə̂ päkëdə̂: Elïe sə̈ lakə̂ dɨ tchə̂lə̂ ma yê sə̈ Ndjapä, tə̂ pö ndə̂ kə̂ mbo rə ndə̂ azü ndə̂ Isarayële?

Rômo 11:28

Ajuîfu kösə̂ Tchôtchô Pö nə̈ ânyë kə̈ wâtə̂ azü ndə̂ su andjê kôsə̂ Ndjapä. Rə nə̈ wä käko ndə̂kə̂ pa Ndjapä mbo dâkâ tə̂ nyê ndə̂ nyë wâbô wâtə̂ ajuîfu. Praâbalë Ndjapä dɨ̈ ajuîfu ndə̂kə̂ pa andjë watə̂ azü ndə̂ yê, ânyë kə̈ nyîndə̂ andjê bëte araâta andjê.

Rômo 15:16

ânyë kə̈ zâ mê ndə̂kə̂ mbo kua ndə̂ Jezü Krîsiti lə̂ gbâtə̂ azü ndə̂ andjë wâbô wâtə̂ ajuîfu. Tche zä mê ngbî bëte kə̂ mu Tchôtchô Pö ndə̂ Ndjapä sə̈ azü, käko ânyë azü ndə̂ andjë wâbô wâtə̂ ajuîfu wa ndjë tə̂ tchôtchô ngela lə̂ la yê lə̂ köbosə̂ Kpɨ̂ki Yingö, tchetchë kä ndə̂ âmbo rə̂ ânyë andjë wa lə̂ köbo nə̈.

Rômo 16:19

Arə̂mä, andə̂ nye nə̈, azü gbɛ̂ wûnsə̂ nə̈ nə̂ pä nyë wätə̂ azü ndə̂kə̂ dje pö. Bëte rə̂ kä ndə̂, su mê fû la nyê. Praâbalë më nyïndə̂ nə̈ pä nyë watə̂ azü ndə̂ küma andjê wâ lanə̈ ndə̂kə̂ mbo tchôtchô rə batə̂ rə̂ ndə̂ su nyê grô lakə̂ kosə̂ ngbongbo rə.

Rômo 16:26

Angaâtə, a mü pö nə̈ kraâ lə̂ Mbëtï ndə̂ a-earə̂ ndə̂ma Ndjapä mbô rə̂. Ndjapä wä logbɛ̂ logbɛ̂, tche zäma ndə̂kə̂ pa a mu pö nə̈ lâme sə̈ azü pâ cho gbɛ̂ ndə̂kə̂ pa andjë za su andjê sə̈ tchë ânyë kə̂ dje ma yê.

Rômo 8:13

Âdə nyê âmbo rə gundə̂sə̂ angbongbo gʉ su nyê, nyê tchuadje. Praâbalë lə̂ köbosə̂ Yingö, âdə nyê âji angbongbo kə̂ mbotə̂ nyê, nyê wadje la tchîsûwu.

Rômo 8:33

Azü ndə̂ Ndjapä dɨ̂ andjê lâme, tchabâ kä ndə̂ âwâ ndə̂kə̂ za pö lə̂ küma andjê? Akrə balë sə̂âbo-a, bëte rə̂ ndə̂ Ndjapä mbô rə̂ ânyë andjë wâtə̂ adjîrə̂ azü lə̂ la yê.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Dokʉ̈ Körɛ̂nte 6:11

Angâ azü lə̂ gbâtə̂ nyê wä alême käko. Praâbalë Ndjapä kô pö lə̂ küma nyê nə̂, kə̈ kʉ̂ nyê ngbî ânyë nyë dâka gbɛ̂ bëte tchë, kə̈ mbô rə̂ pä nyë wa djîrə̂ lə̂ la yê la rə̈ Gbölö Gbïɛ̈ Jezü Krîsiti ndjë la Kpɨ̂ki Yingö ndə̂ azə̂.

Bïchuû Körɛ̂nte 10:5

Ârâ ndɨ̈ ndjë tchə̂lə̂ küma azü ndə̂ andjë mbotə̂ andjê gbölö lakə̂ kitə̂ köbo tə̂ angâ andjê ndə̂kə̂ wunsə̂ Ndjapä. Ârâ mbö rə̂ pä kə̂ rɨ tchə̂lə̂ andjê watə̂ ngbâa, ânyë andjë mbo rə gundə̂sə̂ ma Krîsiti.

Kölôse 3:12

Ndjapä dɨ̂ nyê nə̂, nyë də̈ azü ndə̂ yê ndə̂ tche nyîndə̂ andjê. Käko nyë wün nyonyo azü, kə̂ mbo dâkâ tə̂ azü, kə̂ mbotə̂ nyê kpîɛ̂kpîɛ̂ rə̂, nyë mbö rə tə̂ azü nyima-ë, kə̂ rʉatə̂ su nyê ndə̂kə̂ sə bëte tchë.

Bïchuû Tësälönîke 2:13

Âdə andə̂ ârâ, arə̂mä ndə̂ Gbölö Gbïɛ̈ nyîndə̂ nyê, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Bëte Ndjapä dɨ̈ nyê dokʉ̈tchê ânyë kə̈ mbô arə gbɛ̂, ndə̂kə̂ pa nyë tcha lə̂ kuzü lə̂ köbosə̂ Yingö ndə̂ yê ndə̂ âmbo rə̂ pä tchîsûwu ndə̂ nyê daka gbɛ̂ lə̂ la yê. Bëte nyë gämba lëge pö.

Bïchuû Timotë 2:10

Bëte rə̂ kä ndə̂ më rʉ̂âtə̂ su mê lə̂ arə gbɛ̂, bëte azü ndə̂ Ndjapä dɨ̂ andjê ndə̂kə̂ pa andjë tcha ndjë lə̂ kuzü. Kə̂ tcha lə̂ kuzü nə̈ lâme wâ lə̂ Jezü Krîsiti lakə̂ lusə̂tə̂ ndə̂ logbɛ̂ logbɛ̂.

Tîte 1:1

Mëmê Pôlo, më wätə̂ earə̂ kua ndə̂ Ndjapä, kə̈ wâ ndjë tə̂ badjângele ndə̂ Jezü Krîsiti. Ndjapä wän mê ndə̂kə̂ pa më ka la azü ndə̂ tche dɨ̂ andjê ânyë andjë zâ su andjê sə̈ Jezü, ndə̂kə̂ pa andjë wunsə̂ lëge pö gundə̂sə̂ kə̂ zatə̂ andjê gbɛ̂ sə̈ Ndjapä,

Aheborö 10:22

Käko äwäpä azə̈ gitə̂ azə̂ pu Ndjapä la su azə̂ ndə̂ âwâ djîrə̂, ndjë la su azə̂ ndə̂ azə̈ zâ rə̂ tə̂ lëge nə̈ sə̈ Jezü, la su azə̂ ndə̂ azə̈ wûnsə̂ nə̈ pä âgrô nə̂ gbɛ̂, lakə̂ rɨ tchə̂lə̂ su azə̂ ndə̂ a djûtu rə̂ lə̂ tchôtchô ngû.

Aheborö 11:28

Lə̂ köbosə̂ kə̂ za su sə̈ Ndjapä, Möyîze mbô kpülü ndə̂ Pâke. Tche zâma ndə̂kə̂ bro jï pâ amanda ndə̂kə̂ pa ânje ndə̂ kuzü, won-abô adokʉ̈ abechë ndə̂ azü ndə̂ Isarayële wôn-ê.

Aheborö 12:24

Nyë gîtə̂ nyê nə̂ ndola Jezü ndə̂ tche də̂ earə̂ kə̂ nyîkrə tchôtchô kə̂ sə lə̂ gbâtə̂ azü la Ndjapä, lə̂ köbosə̂ Täfo Madɨ̈, la jï yê ndə̂ âtû bëte azü ânyë kə̈ tô pö ârô andə̂ jï Äbêle.

Aheborö 5:9

Ndə̂ Jezü kâ akua ndə̂ yê gbɛ̂, tche mbôtə̂ yê tə̂ akrə ndə̂ tche za kə̂ tcha lə̂ kuzü ndə̂ logbɛ̂ sə̈ azü gbɛ̂ ndə̂ andjë djê ma yê.

Dokʉ̈ Pîêre 1:14

Nyë mbö rə batə̂ abechë ndə̂ andjë dje pö, nyë mböäbô rə mbô gundə̂sə̂ gʉ su nyê ndə̂ nyë wâ la rə̂ dokʉ̈tchê, sə̂nə̈ ndə̂ nyë wûn-âbô sə̂nə̈ wûn dämba lâme-ê.

Dokʉ̈ Pîêre 1:19

Praâbalë tche jï nyê lə̂ köbosə̂ jï Krîsiti ndə̂ âwâ la gbölö ngîrî. Krîsiti wä batə̂ ngbavö ɛ̈bro-ngbaga ndə̂ ngâ tchâme-tə̂ yê balë ndɨ̂âbô ndɨ̂-î, ânyë ngâ ngbongbo rə balë wâbo ndjë tə̂ yê-a.

Dokʉ̈ Pîêre 1:20

Ndjapä dɨ̈ Krîsiti dokʉ̈tchê ndə̂kə̂ pa a mbo arə gbɛ̂. Tche mä Krîsiti ësûwu bëte nyê lə̂ adɨ̂ alö.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Pîêre 2:9

Praâbalë nyënyê ndə̂ nye nə̈, nyë wätə̂ azü gö ndə̂ Ndjapä dɨ̂ nyê, ndə̂ nyë wätə̂ a-earə̂ kə̂ wa ngela sə̈ Ndjapä, ndə̂ andjë wâtə̂ andjandə̂ gbïɛ̈, azü gö ndə̂ andjë wâ ngbî ânyë kə̈ dâka gbɛ̂, azü gö ndə̂ andjë wâtə̂ azü ndə̂ Ndjapä. Tche dɨ̈ nyê ndə̂kə̂ pa nyë wutu lə̂ bübü tchô kə̂ sə lə̂ tchôtchô ngbänga yê, ânyë kə̂ mu pö ndə̂ atchôtchô arə ndə̂ tche mbô rə̂.

Bïchuû Pîêre 1:2

Äfü pä Ndjapä mbo tchôtchô su tə̂ nyê, kə̂ za zɨtɨ su sə̂ nyê tə̂ gbölösə̂nə̈ lə̂ köbosə̂ nə̈ ndə̂ nyë wûnsə̂ Ndjapä la Jezü Gbölö Gbïɛ̈ ndə̂ azə̂.

Bïchuû Jâan 1:1

Mëmê Jâan, kpôkpô akrə ndə̂ Egilîze kä ndə̂ âwân mbëtï âtə sə̈ mö ndə̂ Ɛ̈chë la abechë ndə̂ zə̈, ndə̂ Ndjapä dɨ̂ mö, ndə̂ më nyîndə̂ zə̈ tə̂ lëge nə̈ gbɛ̂. Âdə̂âbo mëmê la kütû mê kä ndə̂ ânyîndə̂ nyê-a. Praâbalë azü gbɛ̂ ndə̂ andjë wûnsə̂ lëge pö kä ndə̂ ânyî ndjë ndə̂ nyê.

Bïchuû Jâan 1:13

Abechë ndə̂ nyînə̂ zə̈ ndə̂ Ndjapä dɨ̂ tchë, andjë pô ndə̂ zə̈ nə̂.

Jûde 1:2

Äfü pä Ndjapä wun nyonyo nyê, kə̂ za zɨtɨ su sə̈ nyê, kə̂ za ndjë kə̂ nyində̂ ngâ sə̈ nyê tə̂ gbölösə̂nə̈.