Dokʉ̈ Pîêre 1:18 - Mbëtï Ndjapä: TÄFO MADƗ̈

¹⁸ Kə̂ mbo rə ndə̂ nyê gundə̂sə̂ araâta nyê lâme, nyë gbôâbo ngâ tchôtchô rə balë ngbânə̈-a. Nyë wûnsə̂ nə̈ nə̂ pä Ndjapä jîâbo nyê lə̂ köbosə̂ rə ndə̂ âwâ ndə̂kə̂ ndɨ̂ndɨ̈ batə̂ makətche âdəndjë lôlo-a.

Dokʉ̈ Pîêre 1:18 Iomraidhean Croise

Mâreke 8:37

Giamâ kä ndə̂ akrə yo rə̂ ânyë kə̂ za rə̂ ëlə̂ kpâlâ tchîsûwu ndə̂ yê?

Rômo 1:21

Ndə̂ andjë wûnsə̂ Ndjapä, andjë kösə̂ kə̂ lusə̂ yê ndjë ndə̂kə̂ za ayîabâ sə̈ tchë batə̂ rə̂ ndə̂ akrə wâ ndə̂kə̂ mbo rə̂ sə̈ Ndjapä. Praâbalë andjë rɨ tchə̂lə̂ andjê kütû pâ ambämbä rə. Kə̂ za küma andjê wätə̂ ngbongbo nə̈ ânyë kə̈ ê la andjê atə̂lə̂ bübü tchô.

Dokʉ̈ Körɛ̂nte 3:20

Mbëtï nə̈ kä tô rə̂ päkëdə̂: «Gbölö Gbïɛ̈ wünsə̂ pö bhâlə̂ su akrə ndə̂ küma yê wâ lanə̈, kə̈ wûnsə̂ nə̈ nə̂ pä küma andjê ndə̂ âwâ lanə̈ lâme wä ämbämbänə̈.»

Dokʉ̈ Körɛ̂nte 6:20

Ndjapä yö nyê la gbölö ngîrî. Äwäpä nyë zatə̂ nyê ndə̂kə̂ voga tchë la rə̂.

Dokʉ̈ Körɛ̂nte 7:23

Ndjapä yö nyê la gbôgbô ngîrî, nyë kä wâbô wâtə̂ angbâa ndə̂ azü-î.

Gälâte 1:4

Gbölö Gbïɛ̈ Jezü yösə̂ tə̂ yê la tə̂ yê ndə̂kə̂ ji azə̂ lə̂ angbongbo arə ndə̂ tchîsûwu âtə batə̂ rə̂ ndə̂ su Ndjapä Bha azə̂ nyîndə̂ nə̈.

Ëfêze 4:17

Më tö pö atə̂ sə̈ nyê, kə̈ nyîndə̂ nə̈ tə̂ lëge nə̈ la rə̈ Gbölö Gbïɛ̈ päkëdə̂: Nyë kä mbôâbô rə mbô batə̂ azü ndə̂ andjë wûn-âbo sə̂ Ndjapä wûn lâme-ê, ndə̂kə̂ wunsə̂ rə ndə̂ andjê wâ ämbämbänə̈ lâme-a.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Aheborö 9:12

Ndə̂ Krîsiti lî sûsunə̈ balë tratralë bhâlə̂ nda ndə̂ a mbô rə̂ la lə̂ba ndə̂ âwâ ngbî ânyë kə̈ dâka gbɛ̂ bëte Ndjapä, tche zâbo jï akökö aɛ̈bro la angbavö abâgala-a, tche zä jï yê la tə̂ yê la ngela ndə̂kə̂ ji azə̂ tratralë lə̂ angbongbo rə ndə̂ azə̂.

Dokʉ̈ Pîêre 1:7

Lôlo la tə̂ yê ndə̂ âwâ ndə̂kə̂ ndɨ̂ndɨ̈, a zä rə̂ lə̂ wo ndə̂kə̂ wun köbosə̂ nə̈ ndə̂ âwâtə̂ tchôtchô nə̈. Käko ndjë, su nyê ndə̂ nyë zâ rə̂ sə̈ Ndjapä däka kə̈ rô lôlo lâme, praâbalë su nyê nə̈ ndə̂ nyë zâ rə̂ sə̈ Ndjapä nə̈ lâme rö lə̂ agbôgbô arə ndə̂kə̂ pa a wun köbosə̂ nə̈ ndə̂ âwâtə̂ tchôtchô nə̈. Käko kä ndə̂ nyê gboadje voga tchânə̂ Ndjapä, kə̂ gbo golowäre ndjë lakə̂ lusə̂tə̂, tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 4:3

Bëte lə̂ angû ndə̂ ârô, rə ndə̂ âfû tə̂ azü ndə̂ andjë wâbô wâtə̂ ajuîfu, nyë mbô rə̂ nə̂: Nyë pü aɛ̈chë âdəndjë aköchë katchôgbɛ̂, nyë mbö rə ndə̂ ngbongbo gʉ su nyê, nyë ndjö pî âmbo nyê, nyë zɨ̈ rə kə̂ ndjo rə âro masə̂nə̈, nyë vöga angakʉ̈lä ndə̂ âdə̂ ngâ rə ndə̂ âkʉ̂âbô sə̂nə̈ kʉ̂ pä akrə mbo rə̂-ê.

Dokʉ̈ Jâan 3:5

Nyë wûnsə̂ nə̈ nə̂ pä Jezü Krîsiti nə̈ ndə̂kə̂ ji angbongbo rə, ânyë ngbongbo rə wâbo lə̂ yê-a.