Dokʉ̈ Pîêre 1:17 - Mbëtï Ndjapä: TÄFO MADƗ̈

¹⁷ Ndjapä wä ngbanga ndə̂ akrə gundə̂sə̂ rə ndə̂ tche mbo rə̂, kə̈ sə̂âbo dəndə̂ ngâ akrə balë-a. Käko âdə nyë âsə lakə̂ to pö sə̈ Ndjapä ânyë kə̂ e rə̂ tə̂ yê pä Bha, äwäpä nyë mbo rə lakə̂ kpe wawa yê sə̂nə̈ ndə̂ gbô nyê ndə̂po pâ cho âtə.

Dokʉ̈ Pîêre 1:17 Iomraidhean Croise

Matiyə̈ 16:27

Bëte Modô ndə̂ Akrə âkadje ngbâ yê la aânje ndə̂ yê lə̂ gbôgbô ndə̂ Bha nə̈. Tchê kʉadje rə ndə̂ akrə balë balë sə̈ tchë gundə̂sə̂ rə ndə̂ tche mbô rə̂.

Matiyə̈ 22:16

Andjë wân angâ adjisîpili ndə̂ andjê la angâ azü tchâtchâ Hërôde ndə̂kə̂ to rə̂ sə̈ Jezü päkëdə̂: «Earə̂ kə̂ nyisə̂ rə, ârâ wûnsə̂ nə̈ nə̂ pä pö ndə̂ mo tô rə̂, la rə ndə̂ mo nyîsə̂ nə̈ pâ köbo Ndjapä wätə̂ lëge nə̈. Mo mbôâbo ganô ndə̂ la akrə-a, kə̈ wûn-âbo kə̂ ge ndə̂ akrə-a.

Matiyə̈ 6:9

Äwäpä nyë to pö sə̈ Ndjapä kâkë: ‹Bha ârâ ndə̂ mo sə̂ bhâ lafô, äwäpä azü gbɛ̂ wunsə̂ nə̈ pä mo də̈ Ndjapä ndə̂ tche dâka gbɛ̂.

Rômo 11:20

Äwätə̂ lëge nə̈. A wä amatö yö nə̈ bëte rə̂ ndə̂ andjë zâbô su andjê zâ sə̈ Ndjapä-ê. Andə̂ zə nə̈, gbô mö kä po tə̂ yö nə̈ bëte mo zâ su zə̈ sə̈ Ndjapä nə̂. Käko âwâbo pä mo bhi gogo zə̈-a, praâbalë äwäpä la zə̈ gbo-ê.

Bïchuû Körɛ̂nte 1:2

Äfü pä Ndjapä Bha azə̂ la Gbölö Gbïɛ̈ Jezü Krîsiti mbo tchôtchô su tə̂ nyê, kə̂ za zɨtɨ su sə̈ nyê.

Bïchuû Körɛ̂nte 5:6

Käko su azə̂ wä la gbôgbô logbɛ̂, bëte azə̈ wünsə̂ nə̈ pä, ndə̂ gbô azə̂ ndə̂po lə̂ tə̂ azə̂ ndə̂ akrə âtə, azə̈ sə̈ ngrɨ̈ tə̂ Gbölö Gbïɛ̈.

Bïchuû Körɛ̂nte 7:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, atchôtchô arə ndə̂ Ndjapä zâ bâlâ nə̈ lâme wä bëte azə̂. Käko, äwäpä azə̈ djutu angbongbo rə gbɛ̂ ndə̂ tə̂ azə̂ la andə̂ vrö azə̂ ndə̂kə̂ pa azə̈ daka gbɛ̂ lə̂ köbosə̂ kə̂ zatə̂ azə̂ gbɛ̂ lakə̂ kpe wa Ndjapä.

Bïchuû Körɛ̂nte 7:11

Nyë wünsa arə nyonyo ndə̂ âgbô nyê ndə̂ Ndjapä nyîndə̂ nə̈ lâme, rə ndə̂ âmbô rə̂ kä âtə: Nyë wä la gʉ ndə̂kə̂ mbo kua wândâ wändä, nyë wünsə̂ kə̂ to pö djîrə̂ pâ apö ndə̂ a yî rə̂ lə̂ küma nyê, âdə azü âmbo ngbongbo rə, tchə̂lə̂ nyê kʉ nyê tâ, nyë kä la wawa lə̂ su nyê, nyë kä la gʉ ndə̂kə̂ kä wun mê, nyë wä la gʉ ndə̂kə̂ mbo adjîrə̂ kua, nyë wä ngbanga lə̂ küma azü ndə̂ andjë mbô ngbongbo rə. Lə̂ arə lâme gbɛ̂, nyë nyïsə̂ nə̈ pä pö wâbo lə̂ küma nyê-a.

Gälâte 2:6

Angâ azü kä tâ ndə̂ a wûn andjê batə̂ agbölö azü, âdə andjê âwa alême tə̂ agbölö azü âdəndjë rə̂ ndə̂ andjë wâbô wâtə̂ agbölö azü, âwûn-âbo mê balë-a. Ndjapä lûâbo sə̂ akrə tə̂ pö ndə̂ la yê-a. Agbölö azü lâme zâbo mê la gbôgbô ndə̂kə̂ pa më mbo ngâ rə ngbî-a.

Ëfêze 1:17

Më yükû nə̈ sə̈ Ndjapä ndə̂ Gbölö Gbïɛ̈ ndə̂ azə̂ Jezü Krîsiti, Bha ndə̂ tche wâ gbölö, ndə̂kə̂ pa tche za Yingö ndə̂ küma ndə̂ âwa lanə̈ sə̈ nyê. Yingö nə̈ nyiadje sə̂ apö pâ Ndjapä sə̈ nyê, kə̂ mbo rə̂ pä nyë wunsə̂ yê tə̂ lëge nə̈.

Ëfêze 3:14

Bëte rə̂ kä ndə̂ më gʉ̂te bêche tchâtchu Ndjapä Bha,

Ëfêze 6:9

Nyënyê ndə̂ a-earə̂ angbâa, nyë mbö ndjë tâ käko tə̂ angbâa ndə̂ nyê. Nyë gbötə̂ kə̂ hro la andjê-ê. Nyë wûnsə̂ nə̈ nə̂ pä Gbölö Akrə ndə̂ nyê la andjê gbɛ̂ kä balë bhâ lafô, tche krʉ̂âbo tchə̂lə̂ gbâtə̂ azü-a.

Fïlîpe 2:12

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ gbô mê sə̂ ndrotə̂ nyê alême, nyë djë ma Ndjapä logbɛ̂, käko äwäpä kə̂ dje ma ndə̂ nyê lâme ka rô anə̈ dokʉ̈tchê ndə̂ më sə̂âbô sə̂ ndrotə̂ nyê. Nyë mbö kua nə̈ la gbölö wa lakə̂ gugu ndə̂kə̂ tcha tchîsûwu ndə̂ nyê.

Kölôse 3:25

Akrə ndə̂ tche mbô ngbongbo rə, tchê gboadje ngbongbo rə ngbânə̈. Ndjapä sə̂âbo dəndə̂ ngâ akrə balë-a.

Aheborö 12:28

Tə̂ pö ndə̂nə̈ ndə̂ azə̈ gbô köbo ndə̂kə̂ li lə̂ gbölö gö-gbïɛ̈ ndə̂, akrə wâbô wâ ndə̂kə̂ mbo rə̂ pä ätro lâme, käko äwäpä azə̈ za ayîabâ sə̈ Ndjapä, kə̂ mbo kua ndə̂ yê lə̂ köbosə̂ nə̈ ndə̂ âfû tə̂ yê, lakə̂ kpe wa yê, la wawa.

Aheborö 4:1

Ndjapä zä bâlâ tə̂ azə̂ pä, azə̈ wä ndə̂kə̂ li sə̂ tchô ndə̂ tche nyïkrə rə̂ ndə̂kə̂ pa azə̈ yatə̂ azə̂ tâ. Gbô pö ndə̂kə̂ mbo rə nə̈ lâme kä po la tchô angêta, käko la azə̂ gbö-ê, ânyë köbo ndə̂kə̂ li sə̂ tchô ndə̂kə̂ yatə̂ nə̈ lâme yuabô yû tə̂ ngâ akrə lə̂ gbâtə̂ nyê-ê.

Dokʉ̈ Pîêre 2:11

Arə̂mâ ndə̂ mê ndə̂ mê nyîndə̂ nyê tə̂ gbölösə̂nə̈, më zä wängö sə̈ nyê, nyënyê ndə̂ nyë wâ batə̂ ayirə la azü pâ köbo ndə̂kə̂ pa nyë kosə̂ angbongbo gʉ su nyê ndə̂ âmbo kʉ̈ʉ̈ la vrö nyê.

Dokʉ̈ Pîêre 3:15

Praâbalë äwäpä nyë lusə̂ Krîsiti bhâlə̂ su nyê batə̂ Gbölö Gbïɛ̈ ndə̂ nyê. Nyë sə̈ tchêtchêtchê logbɛ̂ ndə̂kə̂ to pö sə̈ azü ndə̂ andjë yu nyê tə̂ rə ndə̂ nyë zâ su nyê ndə̂kə̂ krʉ bëte rə̂.