Dokʉ̈ Pîêre 1:15 - Mbëtï Ndjapä: TÄFO MADƗ̈

¹⁵ Praâbalë Ndjapä ndə̂ tche ê nyê, tche wä ngbî ânyë kə̈ dâka gbɛ̂. Käko äwäpä nyënyê ndjë gbɛ̂, nyë wätə̂ azü ndə̂ andjë wâ ngbî ânyë kə̈ dâka gbɛ̂ lə̂kə̂ mbo arə ndə̂ nyê gbɛ̂.

Dokʉ̈ Pîêre 1:15 Iomraidhean Croise

Matiyə̈ 5:48

Äwäpä nyë watə̂ azü ndə̂ andjë dâka gbɛ̂, batə̂ Bha nyê ndə̂ tche sə̂ bhâ lafô ânyë kə̈ dâka gbɛ̂ lâme.»

Rômo 9:24

Azü nə̈ lâme də̈ azə̂. Âdə̂âbô kütû lə̂ gbâtə̂ ajuîfu kä ndə̂ tche ê azə̂-a, praâbalë tche ë ndjë azə̂ lə̂ gbâtə̂ andjanə̈ ndə̂ andjë wâbô wâtə̂ ajuîfu-î.

Bïchuû Körɛ̂nte 7:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, atchôtchô arə ndə̂ Ndjapä zâ bâlâ nə̈ lâme wä bëte azə̂. Käko, äwäpä azə̈ djutu angbongbo rə gbɛ̂ ndə̂ tə̂ azə̂ la andə̂ vrö azə̂ ndə̂kə̂ pa azə̈ daka gbɛ̂ lə̂ köbosə̂ kə̂ zatə̂ azə̂ gbɛ̂ lakə̂ kpe wa Ndjapä.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Fïlîpe 3:14

Käko më kpë la rö ndə̂kə̂ wutu ëtə̂ manə̈, ânyë kə̂ gbo rə ngbânə̈ tchânə̂ Ndjapä ndə̂ tche ê azə̂ ndə̂kə̂ gbo rə̂ bhâ lafô lə̂ köbosə̂ Jezü Krîsiti.

Fïlîpe 3:20

Âdə andə̂ azə̂ nə̈, gö ndə̂ azə̂ kä bhâ lafô, azə̈ krʉ̈ ndə̂kə̂ pa Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂ to bhâye kə̂ ka.

Dokʉ̈ Tësälönîke 2:12

Ârâ zä wängö sə̈ nyê, kə̈ tô apö ndə̂kə̂ za gbôgbô tə̂ su nyê, kə̈ yûkû nə̈ sə̈ nyê la gbôgbô ndə̂kə̂ pa nyë sə batə̂ rə̂ ndə̂ Ndjapä nyîndə̂ nə̈, tchetchë ndə̂ tche ê nyê ndə̂kə̂ li atə̂lə̂ Gbölö gö-gbïɛ̈ ndə̂ yê, ndjë lə̂kə̂ wa gbölö ndə̂ yê.

Dokʉ̈ Timotë 4:12

Âwâbo pä ngâ akrə talusə̂ zə̈ tə̂ pö ndə̂nə̈ ndə̂ mo wâtə̂ bechë-ɛ̈köchɛ̈-a, praâbalë amö nyisə̂ köbo sə̈ andjê lə̂ köbosə̂ pö ndə̂ zə̈, kə̂ mbo rə ndə̂ zə̈, kə̂ nyində̂ ngâ ndə̂ zə̈, kə̂ za su zə̈ sə̈ Krîsiti lakə̂ wa la grôgrô su.

Bïchuû Timotë 1:9

Tchetchë kä ndə̂ âtchâ azə̂, kə̈ ê azə̂ kə̈ kʉ̂ azə̂ ngbî bëte tchë lâme. Kə̂ e tchô nə̈ lâme wâbo lə̂ köbosə̂ kua ndə̂ azə̂-a, praâbalë äwä lə̂ köbosə̂ rə ndə̂ tche nyîkrə rə̂, la tchôtchô su yê. A zä tchôtchô su nə̈ lâme sə̈ azə̂, lə̂ köbosə̂ kə̂ wa balë la Jezü Krîsiti, dokʉ̈tchê ndə̂kə̂ pa a mbo arə gbɛ̂.

Tîte 3:14

Äwäpä andjandə̂ azə̈ nə̈ manda ndjë ndə̂kə̂ zatə̂ andjê gbɛ̂ ndə̂kə̂ mbo atchôtchô arə, ndə̂kə̂ pa âdə ngâ rə âwa ndə̂kə̂ pa a za könô tâ gasa-ê, andjë mbo rə̂, käko andjê səabô tee bhuu la tə̂ andjê-a.

Tîte 3:8

Pö lâme wätə̂ lëge pö. Käko më nyïndə̂ nə̈ pä mo chi pânə̈ djîrə̂, ânyë azü gbɛ̂ ndə̂ andjë zâ su andjê sə̈ Krîsiti, andjë zatə̂ andjê gbɛ̂ ndə̂kə̂ mbo tchôtchô kua. Rə ndə̂ âdâka ânyë kə̈ kʉ̂sə̂ kə̂ za könô sə̈ azü kä lâme.

Aheborö 12:14

Nyë pü köbo ndə̂kə̂ sə la zɨtɨ su la azü gbɛ̂, kə̂ mbo rə̂ pä tchîsûwu ndə̂ nyê daka gbɛ̂. Bëte ârə̂ âdəabô də̂ käko, akrə balë wun-abô Gbölö Gbïɛ̈ tee-a.

Aheborö 13:5

Âwâbo pä lə̂ köbosə̂ kə̂ mbo rə ndə̂ nyê, nyê wa la gʉ makətche tə̂ gbölösə̂nə̈-a. Nyë zä su nyê pâ rə ndə̂ nyë wâ la rə̂, bëte Ndjapä la tə̂ yê tö rə̂ päkëdə̂: «Mê gboabô tə̂ zə̈ tee-a, mê djeabô tchêngbâ mê tə̂ zə̈ balë tee-a.»

Jâke 3:13

Ngâ akrə ndə̂ küma yê wâ lanə̈ ânyë kə̈ wûnsə̂ rə kädje lə̂ gbâtə̂ nyê? Äwäpä tche nyisə̂ nə̈ lə̂ köbosə̂ tchôtchô kə̂ mbo rə ndə̂ yê, lə̂ köbosə̂ akua ndə̂ yê ndə̂ tche mbo rə̂ nyima-ë, ndjë lə̂ köbosə̂ küma yê ndə̂ âwâ lanə̈.

Dokʉ̈ Pîêre 2:12

Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.

Dokʉ̈ Pîêre 2:9

Praâbalë nyënyê ndə̂ nye nə̈, nyë wätə̂ azü gö ndə̂ Ndjapä dɨ̂ nyê, ndə̂ nyë wätə̂ a-earə̂ kə̂ wa ngela sə̈ Ndjapä, ndə̂ andjë wâtə̂ andjandə̂ gbïɛ̈, azü gö ndə̂ andjë wâ ngbî ânyë kə̈ dâka gbɛ̂, azü gö ndə̂ andjë wâtə̂ azü ndə̂ Ndjapä. Tche dɨ̈ nyê ndə̂kə̂ pa nyë wutu lə̂ bübü tchô kə̂ sə lə̂ tchôtchô ngbänga yê, ânyë kə̂ mu pö ndə̂ atchôtchô arə ndə̂ tche mbô rə̂.

Dokʉ̈ Pîêre 3:16

Praâbalë nyë tö pö nə̈ sə̈ andjê nyima-ë lakə̂ lusə̂ andjê, äwäpä kə̂ rɨ tchə̂lə̂ su nyê wabô wâ la ngâ ngbongbo rə-ê, käko ânyë ganô mbo azü ndə̂ andjë to angbongbo apö tə̂ nyê tə̂ pö ndə̂ tchôtchô kə̂ sə ndə̂ nyê balë la Krîsiti.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.

Apökälîbïchi 3:7

«Amö mbo mbëtï âtə kə̈ wân rə̂ sə̈ ânje ndə̂ Egilîze ndə̂ Filadelefï kə̂ to rə̂ lə̂nə̈ päkëdə̂: «Tchanə̈ ndə̂ tche wâ ngbî ânyë kə̈ dâka gbɛ̂, ndə̂ tche to kütû lëge pö, tchanə̈ ndə̂ tche wâ la kûlïɛ̈ ndə̂ Davîdi tchânə̂ yê, tchetchë lâme ndə̂ âdə tche âkro manda, ngâ akrə balë ndə̂ tche tchu rə̂ sə̂âbo-a, âdə tche âtchu manda, ngâ akrə balë ndə̂ tche kro rə̂ sə̂âbo-a, tche tö rə̂ kâkë:

Apökälîbïchi 4:8

Arə ndə̂ âwâ la tʉ̈rʉ̂ la andjê lâme balë balë gbɛ̂ kä la mbrö andjê tâ mïndûu manə̈ balë. La ndə̂kə̂ wun tchô la rə̂ täkpa ndə̂ mbrö andjê nə̈ gbɛ̂, angânə̈ dəpânə̈, ânyë angânə̈ dələ̂nə̈. Andjë sə̈ lakə̂ pa düwü dalobiî päkëdə̂: «Gbölö Gbïɛ̈ Ndjapä ndə̂ tche wâ la gbôgbô gbɛ̂, tche wä ngbî kə̈ dâka gbɛ̂, tche wä ngbî kə̈ dâka gbɛ̂, tche wä ngbî kə̈ dâka gbɛ̂! Tche wä alême tâ, kə̈ wâ angêta, tchê nəadje.»

Apökälîbïchi 6:10

Andjë sə̂ lakə̂ on ngbôô päkëdə̂: «Earə̂ kə̂ nyisə̂ rə, ndə̂ mo wâ ngbî ânyë kə̈ dâka gbɛ̂, ndə̂ mo to tchê lëge pö; mo âsə zoo dalatchêbâ ânyë kə̂ wa ngbanga pâ azü tchêbêche, ânyë kə̂ gi ngbongbo rə sə̈ andjê tə̂ pö ndə̂ jï ârâ ndə̂ âtû lâme?»