Dokʉ̈ Pîêre 1:14 - Mbëtï Ndjapä: TÄFO MADƗ̈

¹⁴ Nyë mbö rə batə̂ abechë ndə̂ andjë dje pö, nyë mböäbô rə mbô gundə̂sə̂ gʉ su nyê ndə̂ nyë wâ la rə̂ dokʉ̈tchê, sə̂nə̈ ndə̂ nyë wûn-âbô sə̂nə̈ wûn dämba lâme-ê.

Dokʉ̈ Pîêre 1:14 Iomraidhean Croise

Abadjângele 17:30

Praâbalë sə̂nə̈ ndə̂ akrə wûn-âbô sə̂ rə wûn-î, Ndjapä zâbo su yê pânə̈-a. Angaâtə, tche ë azü gbɛ̂ kupâ cho gbɛ̂ ndə̂kə̂ gbotə̂ bəndɨ kə̂ mbo rə ndə̂ andjê.

Rômo 12:2

Äwäpä kə̂ sə ndə̂ nyê wabô wâ batə̂ andə̂ azü pâ cho âtə-ê. Praâbalë nyë gbötə̂ köbo sə̈ Ndjapä, tche mbo täfo rə lə̂kə̂ sə ndə̂ nyê, kə̂ za täfo kə̂ wunsə̂ rə sə̈ nyê. Käko nyê wun-adje sə̂ rə ndə̂ tche nyîndə̂ nə̈: Rə ndə̂ âwatə̂ tchôtchô nə̈, rə ndə̂ âfû tə̂ yê, rə ndə̂ âdâka gbɛ̂.

Rômo 6:4

Käko, lə̂ köbosə̂ batɛ̂me, a chï azə̂ balë la Krîsiti, ânyë azə̈ wâ balë la tchë lə̂ köbosə̂ kuzü ndə̂ tche tchû rə̂. Praâbalë Krîsiti jö lə̂ kuzü lə̂ köbosə̂ gbôgbô ndə̂ Bha ndə̂kə̂ pa azəzə̂ ndjë gbɛ̂, azə̈ sə la täfo tchîsûwu.

Ëfêze 2:2

Nyë mbö rə alême batə̂ kə̂ mbo rə ndə̂ azü tchêbêche atə̂, kə̈ djê ma makündji ndə̂ angbongbo atchozö, ndə̂ tche sə̂ lə̂ gûtə̂ tchêbêche la tchêlafô, tchetchë kä âkə̂ mbo rə̂ angaâtə lə̂ su azü ndə̂ andjë kôsə̂ pö ma Ndjapä.

Ëfêze 5:6

Âwâbo pä azü bolo nyê la ambämbä pö-a: Arə käko lâme gbɛ̂ kä ndə̂ ânə la mêrâ ndə̂ Ndjapä pâ azü ndə̂ andjë kôsə̂ pö ma yê.

Dokʉ̈ Tësälönîke 4:5

Nyë gböäbô gbôtə̂ gʉ su nyê âropâ nyê batə̂ andə̂ azü ndə̂ andjë wâbô wâtə̂ ajuîfu-î, ânyë kə̈ wûn-âbô sə̂ Ndjapä wûn lâme-ê.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.