Dokʉ̈ Pîêre 1:13 - Mbëtï Ndjapä: TÄFO MADƗ̈

¹³ Bëte rə̂ kä, äwäpä nyë nyikrə su nyê ndə̂kə̂ mbo kua, nyë wünsə̂ kə̂ kitə̂ gʉ su nyê, kə̂ zä su nyê gbɛ̂ ndə̂kə̂ krʉ bëte tchôtchô rə ndə̂ nyê gboadje rə̂ tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 1:13 Iomraidhean Croise

Matiyə̈ 20:4

Tche tô rə̂ sə̈ andjê päkëdə̂: ‹Nyënyê ndjë gbɛ̂, äwäpä nyë e kə̂ mbo kua bhâlə̂ kɨ̈ndɨ̈ vînye ndə̂ mê. Më âkʉ makətche sə̈ nyê gundə̂sə̂ kua ndə̂ nyê mbo rə̂.›

Lûke 12:35

«Äwäpä nyë sə tchêtchêtchê-ë, wû tchêpâ lə̂ba ndə̂ nyê wä kpôtə̂ nyê, wo lâmba ndə̂ nyê wrʉ̈äbô wrʉ̂-ê.

Lûke 17:30

Rə nə̈ âmbo ndjë me käko lo nə̈ ndə̂ Modô ndə̂ Akrə madje tə̂ yê lə̂ la azü.

Lûke 17:8

Âdə̂âbo käko-a, tchê toadje rə̂ sə̈ tchë päkëdə̂: ‹Amö fa kɨ̈zɨ̂ sə̈ mê, pânə̈ mo yu lə̂ba tə̂ zə̈ bëte kə̂ za kɨ̈zɨ̂ nə̈ sə̈ mê. Âdə më âzɨ rə ânyë kə̈ ndjô rə nə̂, mô zɨadje andə̂ zə nə̈ ndjë lakə̂ ndjo rə.›

Rômo 13:13

Äwäpä kə̂ mbo rə ndə̂ azə̂ wa lə̂ köbo nə̈ djîrə̂ batə̂ andə̂ azü ndə̂ andjë mbo rə la tchêdalo. Azə̈ zɨ̈äbô rə zɨ̂ kə̂ ndjoabô rə ndjô âro masə̂nə̈-ê. Azə̈ mböäbô ngbongbo rə mbô-ê, kə̂ puabô ɛ̈chë âdəndjë köchë ndə̂ akrə pû-î. Azə̈ pöäbô pô-ê, kə̂ wabô wâ la gbölö su-ê.

Rômo 8:19

Arə pâ cho âtə gbɛ̂ ndə̂ Ndjapä mbô rə̂ wä la gbölö gʉ ndə̂kə̂ sə bëte lo nə̈ ndə̂ Ndjapä nyiadje sə̂ abechë ndə̂ yê kraâ ësûwu.

Dokʉ̈ Körɛ̂nte 1:7

Käko arə ndə̂ Kpɨ̂ki Yingö kʉ̂ rə̂ sə̈ azü, nyë kä la rə̂ gbɛ̂, nyënyê ndə̂ nyë krʉ̂ bëte kə̂ ka ndə̂ Gbölö Gbïɛ̈ ndə̂ azə̂ Jezü Krîsiti lâme.

Dokʉ̈ Körɛ̂nte 13:13

Ndə̂ tchô angaâtə, arə vötaâ lâme kä tâ: Kə̂ za su sə̈ Krîsiti, kə̂ za su pâ rə ndə̂ akrə krʉ bëte rə̂, la kə̂ nyində̂ ngâ, praâbalë kə̂ nyində̂ ngâ wä gbölö kə̈ rô adɨ̂ nə̈ gbɛ̂.

Ëfêze 6:14

Nyë krʉ̈ lafô! Kə̂ ï lëge pö pâ lə̂ba ndə̂ nyê batə̂ wû tchêpâ lə̂ba, kə̂ yu djîrə̂ pö ëtə̂ nyê batə̂ lə̂ba-wɛ̂n.

Kölôse 3:4

Krîsiti wätə̂ tchîsûwu ndə̂ nyê. Tə̂ lo nə̈ ndə̂ tche ka, nyê wutuadje la tchë balë ndə̂kə̂ sə la tchë lə̂kə̂ wa gbölö ndə̂ yê.

Bïchuû Tësälönîke 1:7

tchê zadje kə̂ yatə̂ sə̈ nyê, nyënyê ndə̂ azü ndə̂ a yûku nyê, ndjë la ârâ. Rə lâme âmbo tə̂ lo nə̈ ndə̂ Gbölö Gbïɛ̈ Jezü to bhâ lafô ndə̂kə̂ jre la aânje ndə̂ yê ndə̂ andjë wâ la gbôgbô.

Bïchuû Timotë 4:5

Praâbalë andə̂ zə nə̈, äwäpä lə̂ arə gbɛ̂ mo mbo rə âroabô masə̂nə̈ rô-ê, amö rʉatə̂ su zə̈ lə̂ arə yûkü, kə̂ mbo kua ndə̂kə̂ mu Tchôtchô Pö, kə̂ mbo kua ndə̂ zə̈ ndə̂ Ndjapä zâ rə̂ sə̈ mö.

Bïchuû Timotë 4:8

Angaâtə, a bâta kurône sə̈ mê ngbâ djîrə̂ kua ndə̂ mê nə̂, ndə̂ Gbölö Gbïɛ̈ zadje rə̂ sə̈ mê tə̂ lo kə̂ ka ndə̂ yê. Tə̂ lo nə̈ lâme, tchetchë ndə̂ tche wâtə̂ djîrə̂ earə̂ kə̂ wa ngbanga, tchetchë kä ndə̂ âzadje kurône nə̈ sə̈ mê, âdə̂âbô kütû mê balë-a, praâbalë tche âkʉ ndjë rə̂ sə̈ azü gbɛ̂ ndə̂ andjë nyîndə̂ lo kə̂ ka ndə̂ yê.

Aheborö 10:35

Rə ndə̂ su nyê krʉ̂ bëte rə̂ lâme, âwâbo pä nyë gbotə̂ köbo nə̈-a, bëte nyê gbôadje gbölö rə ngbânə̈.

Aheborö 3:6

Praâbalë Krîsiti mbö kua nə̈ lə̂ köbo nə̈ batə̂ Modô ndə̂ a zâ tchë tə̂ küma nda Ndjapä nə̈. Azə̈ kä ndə̂ âwâtə̂ nda nə̈, âdə azə̂ âbata su azə̂ gbɛ̂ pâ rə ndə̂ su azə̈ krʉ̂ bëte rə̂ la mômô.

Aheborö 6:19

Âdə andə̂ azə̈ nə̈, äwäpä azə̈ kpokpo tə̂ azə̂ batə̂ wɛ̂n pâ rə ndə̂ su azə̂ wâ pânə̈ lâme lə̂ la Ndjapä. Rə nə̈ ndə̂ su azə̂ wâ pânə̈ lâme wätə̂ rə ndə̂ âkpôkpo tə̂ yê, ânyë kə̈ rô lə̂ lə̂ba ndə̂ a wâ tchə̂lə̂ gbölö nda Ndjapä la rə̂ ndə̂ âwâ bhâ lafô.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Dokʉ̈ Pîêre 1:10

Pö ndə̂kə̂ tcha lə̂ kuzü lâme, a-earə̂ ndə̂ma Ndjapä pü apö pânə̈ lə̂ aköbo ngbî ngbî. Andjë tö ndjë ndə̂ma Ndjapä dokʉ̈tchê tə̂ pö ndə̂ tchôtchô su ndə̂ Ndjapä ndə̂ âwâ bëte nyê.

Dokʉ̈ Pîêre 3:15

Praâbalë äwäpä nyë lusə̂ Krîsiti bhâlə̂ su nyê batə̂ Gbölö Gbïɛ̈ ndə̂ nyê. Nyë sə̈ tchêtchêtchê logbɛ̂ ndə̂kə̂ to pö sə̈ azü ndə̂ andjë yu nyê tə̂ rə ndə̂ nyë zâ su nyê ndə̂kə̂ krʉ bëte rə̂.

Dokʉ̈ Pîêre 4:7

Ma arə gbɛ̂ ndô tə̂kə̂ krʉ nə̂. Käko äwäpä nyë mbo rə batə̂ azü ndə̂ küma andjê wâ lanə̈, nyë zɨ̈äbô rə zɨ̂ lakə̂ ndjo rə âro masə̂nə̈-ê, ânyë kə̂ gbo köbo ndə̂kə̂ to pö sə̈ Ndjapä.

Dokʉ̈ Pîêre 5:12

Më mbö ndöndö mbëtï âtə sə̈ nyê lə̂ köbosə̂ Silvɛ̈n ndə̂ më wûn tchë batə̂ djîrə̂ ngâ azə̂ lə̂ Krîsiti. Më mbö rə̂ ndə̂kə̂ za gbôgbô tə̂ su nyê, ndjë ndə̂kə̂ nyisə̂ nə̈ sə̈ nyê pä pö nə̈ ndə̂ nyë ndə̂po lə̂ köbo nə̈ lâme wätə̂ lëge rə lə̂ köbosə̂ tchôtchô su ndə̂ Ndjapä.

Dokʉ̈ Pîêre 5:8

Nyë kïtə̂ gʉ tə̂ nyê, kə̂ loabô lô-ê! Jâbolo, earə̂ kə̂ kosə̂ nyê wä batə̂ bämalä ndə̂ tche ngrɨ lakə̂ dombo ndə̂kə̂ pu ngâ akrə ndə̂kə̂ zɨ tchë.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.