Dokʉ̈ Pîêre 1:12 - Mbëtï Ndjapä: TÄFO MADƗ̈

¹² Ndjapä nyïsə̂ nə̈ sə̈ andjê pä, pö nə̈ wâbo bëte andjê la tə̂ andjê-a, praâbalë äwä bëte nyê. Pö nə̈ kä ndə̂ a-earə̂ kə̂ mu Tchôtchô Pö sə lakə̂ to rə̂ sə̈ nyê angaâtə, lə̂ köbosə̂ Kpɨ̂ki Yingö bhâ lafô ndə̂ a wân tchë. Pö nə̈ lâme, aânje wä la gʉ ndə̂kə̂ wunsə̂ nə̈.

Dokʉ̈ Pîêre 1:12 Iomraidhean Croise

Matiyə̈ 11:25

Lo nə̈ lâme, Jezü tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü.

Matiyə̈ 11:27

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.

Matiyə̈ 16:17

Jezü tô rə̂ ndə̂nə̈ sə̈ tchë päkëdə̂: «Mômô kä tə̂ zə̈ Chemön, modô ndə̂ Jönâse! Bëte pö ndə̂ mo tô rə̂ lâme âtôâbo bhândə̂ azü-a, praâbalë ätö bhândə̂ Bha ndə̂ tche sə̂ bhâ lafô.

Mâreke 16:15

Pânə̈ Jezü tô rə̂ sə̈ adjisîpili ndə̂ yê päkëdə̂: «Nyë êë kupâ cho gbɛ̂, kə̈ mu Tchôtchô Pö ndə̂ mê sə̈ azü gbɛ̂.

Lûke 15:10

Käko ndjë, më tö rə̂ sə̈ nyê, mômô kä lə̂ gbâtə̂ aânje ndə̂ Ndjapä bëte ngâ earə̂ ngbongbo rə balë ndə̂ tche gbôtə̂ bəndɨ kə̂ mbo rə ndə̂ yê.»

Lûke 2:26

Kpɨ̂ki Yingö tö rə̂ sə̈ tchë päkëdə̂, tchê tchuabô tee-a, zoo kə̂ wun Krîsiti ndə̂ Gbölö Gbïɛ̈ wan tchë.

Lûke 9:6

Adjisîpili nə̈ rô etə̂. Andjë rô lə̂ ayɛ̈yɛ̈ gö nə̈ gbɛ̂, lakə̂ mu Tchôtchô Pö sə̈ azü, lakə̂ tcha a-earə̂ tə̂kömbô kusə̂ tchô gbɛ̂.

Jâan 15:26

«Tchanə̈ ndə̂ tche wâ ndə̂kə̂ za könô sə̈ nyê lâme, tchê nəadje. Tche də̈ Yingö ndə̂ tche to lëge pö ndə̂ tche tô bhândə̂ Bha mê ânyë kə̈ nə̂. Mê wan-adje tchë la rə̈ Bha mê sə̈ nyê, ânyë tchetchë kä ndə̂ âtoadje pö pâ mê sə̈ azü.

Abadjângele 10:44

Ndə̂ gbô Pîêre ndə̂po lakə̂ to pö nə̈, Kpɨ̂ki Yingö jrê pâ azü gbɛ̂ ndə̂ andjë djê pö nə̈.

Abadjângele 16:10

Kpro la tchêngbâ lü lâme, ârâ pû köbo ndə̂kə̂ e atə̂ Mäsëdöâne, bëte ârâ to rə̂ bhâtə̂ su ârâ pä Ndjapä ë ârâ ndə̂kə̂ mu Tchôtchô Pö sə̈ azü bhâye.

Abadjângele 2:33

A kênga la tchë bhâ lafô kə̈ zâ tchë də ndôkö könô Ndjapä, tche gbô Kpɨ̂ki Yingö tchânə̂ Bha nə̈ ndə̂ tche zâ bâlâ tə̂ pö ndə̂ yê alême, ânyë kə̈ wân tchë ndə̂kə̂ jre pâ azə̂. Ârə̂ kä ndə̂ nyë wûn rə̂ ânyë kə̂ dje rə̂ âtə.

Abadjângele 4:31

Pânə̈ ndə̂ andjë tô pö sə̈ Ndjapä, sə̂nə̈ ndə̂ andjë pâlatə̂ andjê tâ trô-ê. Kpɨ̂ki Yingö sɨ̂ andjê ânyë andjë mû pö Ndjapä la gbôgbô.

Abadjângele 4:8

Käko Kpɨ̂ki Yingö sɨ̂ Pîêre ânyë tche tô rə̂ sə̈ andjê päkëdə̂: «Nyënyê ndə̂ amakündji ndə̂ ajuîfu la akpôkpô azü,

Abadjângele 8:25

Pânə̈ ndə̂ Pîêre la Jâan nyîsə̂ arə ndə̂ andjë wûnsə̂ nə̈ pâ Gbölö Gbïɛ̈ lakə̂ mu pö ndə̂ yê, andjë dôtə̂ andjê atə̂ Jerûzalêmo. Lə̂ köbo, andjë sə̂ lakə̂ mu Tchôtchô Pö lə̂ angbängbä ayɛ̈yɛ̈ gö ndə̂ Samarï.

Rômo 1:15

Bëte rə̂ kä ndə̂ më nyîndə̂ nə̈ la su mê gbɛ̂ ndə̂kə̂ mu Tchôtchô Pö sə̈ nyê, azü gö ndə̂ Rômo.

Rômo 1:17

Tchôtchô Pö nə̈ nyïsə̂ rə ndə̂ Ndjapä mbô rə̂ ânyë azü wa djîrə̂ tchâtchu yê. Äwäpä azü za kütû su andjê sə̈ Jezü. Ngâ köbo dəkêlê nə̈ wâbo-a. Äwä batə̂ rə̂ ndə̂ a mbô rə̂ lə̂ Mbëtï Ndjapä päkëdə̂: «Djîrə̂ akrə wadje la tchîsûwu lə̂ köbosə̂ kə̂ za su yê sə̈ Gbölö Gbïɛ̈.»

Rômo 10:15

Atöko kä ânyë azü mu pö nə̈ ndə̂ a wân-âbô andjê wân? Mbëtï Ndjapä tö rə̂ päkëdə̂: «Äwätə̂ tchôtchô rə ndə̂kə̂ wun kə̂ nə ndə̂ a-earə̂ kə̂ mu Tchôtchô Pö.»

Rômo 15:19

ndjë lə̂ köbo gbôgbô ndə̂ akpɨ̈ngbɨ̈ rə la arə ndə̂ âropâ küma azü ndə̂ Yingö ndə̂ Ndjapä mbô rə̂. Käko ndə̂kə̂ to bhâ Jerûzalêmo ndjoa lə̂ gö ndə̂ Ilirï, më rö lakə̂ mu Tchôtchô Pö ndə̂ Krîsiti sə̈ azü.

Dokʉ̈ Körɛ̂nte 2:10

Bëte Ndjapä nyïsə̂ arə lâme sə̈ azə̂ lə̂ köbosə̂ Yingö ndə̂ yê. Bëte Yingö pü dju apö gbɛ̂, ndjë la arə ndə̂ Ndjapä nyîkrə rə̂ bhâlə̂ su yê ndə̂ gbô rə̂ wâ lə̂ küwû nə̈.

Bïchuû Körɛ̂nte 1:22

Ndjapä mbö ngâ sɨ̂nyî tə̂ azə̂, kə̈ zâ Yingö ndə̂ yê bhâlə̂ su azə̂ ndə̂kə̂ nyisə̂ nə̈ pä atchôtchô arə ndə̂ tche bâta rə̂ pra azə̂, tchê kʉadje rə̂ sə̈ azə̂.

Bïchuû Körɛ̂nte 6:6

Ârâ nyï ndjë sə̂nə̈ pä ârâ də̈ alëge a-earə̂ kua ndə̂ Ndjapä lakə̂ sə ndə̂ ârâ la grôgrô su, lə̂kə̂ wunsə̂ rə, lakə̂ rʉatə̂ su ârâ, lə̂ dâkâ ndə̂ ârâ, lə̂ köbosə̂ Kpɨ̂ki Yingö, lə̂ köbosə̂ lëge kə̂ nyində̂ angâ ârâ lə̂ gbâtə̂ ârâ,

Gälâte 1:12

Âdə̂âbo ngâ akrə kä ndə̂ âmû pö nə̈ âdəndjë ndə̂kə̂ nyisə̂ nə̈ sə̈ mê-a. Praâbalë Jezü Krîsiti la tə̂ yê kä ndə̂ âmbô rə̂ pä më wunsə̂ nə̈.

Gälâte 1:16

kə̈ nyîsə̂ Modô ndə̂ yê sə̈ mê, ndə̂kə̂ pa më nyisə̂ yê batə̂ Tchôtchô Pö sə̈ azü ndə̂ andjë wâbô wâtə̂ ajuîfu, kə̈ yûâbo ngâ akrə balë ndə̂kə̂ pa tche za wängö sə̈ mê-a,

Ëfêze 3:10

Käko angaâtə, lə̂ köbosə̂ Egilîze, arə gbɛ̂ ndə̂ âwâ lafô, ânyë kə̈ wâ la gbôgbô, la arə gbɛ̂ ndə̂ âwâ ndjë la kümändëmä wunsə̂ nə̈ pä, küma Ndjapä ndə̂ âwâ lanə̈ wä ngbî ngbî-ï.

Dokʉ̈ Tësälönîke 2:9

Arə̂mä, äwäpä su nyê te pâ yûkü ndə̂ ârâ wûn rə̂ alême lakə̂ mbo kua, ânyë gbâdâ kâ tə̂ ârâ. Ârâ mbö kua dalobiî ânyë kə̈ wâbô wâtə̂ kʉ̂ngbô pâ ngâ akrə balë-ê. Käko kä ndə̂ ârâ mû Tchôtchô Pö ndə̂ Ndjapä.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Aheborö 11:13

Lə̂ köbosə̂ kə̂ za su sə̈ Ndjapä, azü lâme gbɛ̂ ndə̂ gbô andjê ndə̂po pâ su andjê ndə̂ andjë zâ rə̂ sə̈ Ndjapä, andjë tchû-î, kə̈ gbôâbo rə ndə̂ Ndjapä zâ bâlâ nə̈ lâme-a. Praâbalë andjë wûn rə̂ ndə̂ gbô rə̂ wâ ngrɨ̈, kə̈ wâ la mômô tə̂ pö ndə̂nə̈. Tchâme kä ndə̂ andjë wûnsə̂ nə̈ tə̂ lëge nə̈ pä anyë də̈ azü ndə̂ ngâ gö ngbî la a-earə̂ wrʉ̂ kupâ cho âtə.

Aheborö 2:4

Ndjapä la tə̂ yê nyïsə̂ nə̈ pä apö nə̈ lâme watə̂ lëge nə̈ lə̂ köbosə̂ asɨ̂nyî arə la arə ndə̂ ârô kə̂ za küma azü, akpɨ̈ngbɨ̈ arə ngbî ngbî, ndjë la atchôtchô arə ndə̂ Kpɨ̂ki Yingö krʉ tchə̂lə̂ nə̈ tə̂ azü batə̂ su yê nyîndə̂ nə̈.

Aheborö 4:2

Bëte azə̈ djë Tchôtchô Pö batə̂ rə̂ ndə̂ araâta azə̂ djê rə̂ alême. Praâbalë pö nə̈ mbôâbo ngâ rə tə̂ andjê balë-a, bëte azü ndə̂ andjë djê pö nə̈, andjë gâmbabô rə̂-a.

Dokʉ̈ Pîêre 1:25

praâbalë pö ndə̂ Gbölö Gbïɛ̈ wä pïï etə̂.» Pö nə̈ lâme wätə̂ Tchôtchô Pö ndə̂ a mû rə̂ sə̈ nyê.

Dokʉ̈ Pîêre 4:6

Bëte rə̂ kä ndə̂ a mû ndjë Tchôtchô Pö sə̈ akuzü. Käko pânə̈ ndə̂ a wadje ngbanga lə̂ küma andjê batə̂ azü gbɛ̂, gundə̂sə̂ rə ndə̂ andjë mbô rə̂ lə̂ tə̂ andjê ndə̂ akrə, andjë sə batə̂ Ndjapä lə̂ köbosə̂ Yingö.

Apökälîbïchi 5:11

Käko më kä wûn tchô kə̈ djê tchə̂lə̂ gɨ̈ angbängbä aânje, la arə ndə̂ âwâ la tʉ̈rʉ̂ la, la akpôkpô azü ndrotə̂ ngendë-gbïɛ̈ nə̈. Kə̂ ngba ndə̂ andjê wä sâke sâke.