Dokʉ̈ Pîêre 1:12 - Mbëtï Ndjapä: TÄFO MADƗ̈12 Ndjapä nyïsə̂ nə̈ sə̈ andjê pä, pö nə̈ wâbo bëte andjê la tə̂ andjê-a, praâbalë äwä bëte nyê. Pö nə̈ kä ndə̂ a-earə̂ kə̂ mu Tchôtchô Pö sə lakə̂ to rə̂ sə̈ nyê angaâtə, lə̂ köbosə̂ Kpɨ̂ki Yingö bhâ lafô ndə̂ a wân tchë. Pö nə̈ lâme, aânje wä la gʉ ndə̂kə̂ wunsə̂ nə̈. Faic an caibideil |
Tchôtchô Pö nə̈ nyïsə̂ rə ndə̂ Ndjapä mbô rə̂ ânyë azü wa djîrə̂ tchâtchu yê. Äwäpä azü za kütû su andjê sə̈ Jezü. Ngâ köbo dəkêlê nə̈ wâbo-a. Äwä batə̂ rə̂ ndə̂ a mbô rə̂ lə̂ Mbëtï Ndjapä päkëdə̂: «Djîrə̂ akrə wadje la tchîsûwu lə̂ köbosə̂ kə̂ za su yê sə̈ Gbölö Gbïɛ̈.»
Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.
Lə̂ köbosə̂ kə̂ za su sə̈ Ndjapä, azü lâme gbɛ̂ ndə̂ gbô andjê ndə̂po pâ su andjê ndə̂ andjë zâ rə̂ sə̈ Ndjapä, andjë tchû-î, kə̈ gbôâbo rə ndə̂ Ndjapä zâ bâlâ nə̈ lâme-a. Praâbalë andjë wûn rə̂ ndə̂ gbô rə̂ wâ ngrɨ̈, kə̈ wâ la mômô tə̂ pö ndə̂nə̈. Tchâme kä ndə̂ andjë wûnsə̂ nə̈ tə̂ lëge nə̈ pä anyë də̈ azü ndə̂ ngâ gö ngbî la a-earə̂ wrʉ̂ kupâ cho âtə.