Dokʉ̈ Pîêre 1:11 - Mbëtï Ndjapä: TÄFO MADƗ̈

¹¹ Yingö ndə̂ Krîsiti kä lə̂ a-earə̂ ndə̂ma Ndjapä ânyë andjë nyïsə̂ nə̈ dokʉ̈tchê, pö ndə̂ yûkü ndə̂ Krîsiti wun-adje rə̂, ndjë lakə̂ lusə̂tə̂ ndə̂ tchê gboadje rə̂ ngbâ yûkü nə̈. Ädə̈ käko ânyë andjë sə̂ lakə̂ pu köbo gbɛ̂ ndə̂kə̂ wunsə̂ lö ndə̂kə̂ wutu ndə̂ arə nə̈ ndə̂ Yingö tô pö ndə̂nə̈ lâme, kə̈ pû ndjë köbo ndə̂kə̂ wunsə̂ nə̈ pä atöko kä ndə̂ arə nə̈ wûtu la rə̂?

Dokʉ̈ Pîêre 1:11 Iomraidhean Croise

Matiyə̈ 26:24

Modô ndə̂ akrə âtchuadje batə̂ rə̂ ndə̂ a mbô rə̂ lə̂ Mbëtï Ndjapä pâ yê. Praâbalë nyonyo kä tə̂ akrə ndə̂ tche yosə̂ Modô ndə̂ Akrə! Äkʉ̈sə̂ nə̈ pä akrə käko, a zɨabô tchë zɨ̂-î.»

Lûke 24:44

Pânə̈ Jezü tô rə̂ sə̈ andjê päkëdə̂: «Ndə̂ gbô mê ndə̂po lə̂ gûtə̂ nyê alême, më tö rə̂ sə̈ nyê päkëdə̂: Pö gbɛ̂ ndə̂ a tô rə̂ la rə̈ mê lə̂ Mbëtï ndə̂ Möyîze, lə̂ Mbëtï ndə̂ a-earə̂ ndə̂ma Ndjapä ndjë lə̂ Apösômo, äwäpä arə nə̈ mbo gundə̂sə̂ nə̈.»

Jâan 12:41

Ezayï tö pö lâme alême bëte tche wün köbo ndə̂ Jezü wâ gbölö ânyë kə̈ tô pö ndə̂ yê.

Abadjângele 16:7

Ndə̂ andjë wûtu ndola gö ndə̂ Misï, andjë pû köbo ndə̂kə̂ e atə̂ Bitinï, praâbalë Yingö ndə̂ Jezü nyîâbo ndə̂nə̈ sə̈ andjê ndə̂kə̂ e-a.

Rômo 8:9

Praâbalë âdə andə̂ nye nə̈, nyë kä mbôâbo rə gundə̂sə̂ angbongbo gʉ su nyê-a, ânyë kə̂ mbo rə gundə̂sə̂ rə ndə̂ Yingö nyîndə̂ nə̈, bëte Yingö ndə̂ Ndjapä sə̈ lə̂ su nyê. Âdə akrə âwabô wâ la Yingö ndə̂ Krîsiti-î, dëkë tche wâbo tə̂ akrə ndə̂ Krîsiti-a.

Gälâte 4:6

Nyë wätə̂ abechë ndə̂ yê tə̂ lëge nə̈, Ndjapä wän Yingö ndə̂ Modô ndə̂ yê lə̂ su azə̂ ndə̂ âon päkëdə̂: «Aba!», ndə̂ ânyîndə̂ kə̂ to rə̂ päkëdə̂: «Bha!».

Bïchuû Pîêre 1:21

Bëte ngâ akrə âbolafô la su yê ndə̂kə̂ to ndə̂ma Ndjapä-a, praâbalë Kpɨ̂ki Yingö kä âkə̂ za rə̂ lə̂ su azü ndə̂kə̂ to pö la rə̈ Ndjapä.

Apökälîbïchi 19:10

Käko më gʉ̂te tchâtchâ ânje nə̈ ndə̂kə̂ voga tchë, praâbalë tche tô rə̂ sə̈ mê päkëdə̂: «Amö mboabô rə mbô käko-ë! Më də̈ ngâ zə̈ earə̂ kua ndjë la angâ zə̈ ndə̂ andjë bâta alëge pö ndə̂ Jezü mû rə̂. Ndjapä kä ndə̂ mo wâ ndə̂kə̂ voga tchë!» Bëte alëge apö ndə̂ Jezü nyîsə̂ nə̈ kä ndə̂ âzâ gbôgbô sə̈ a-earə̂ ndə̂ma Ndjapä ndə̂kə̂ to ndə̂ma yê.