Dokʉ̈ Pîêre 1:10 - Mbëtï Ndjapä: TÄFO MADƗ̈

¹⁰ Pö ndə̂kə̂ tcha lə̂ kuzü lâme, a-earə̂ ndə̂ma Ndjapä pü apö pânə̈ lə̂ aköbo ngbî ngbî. Andjë tö ndjë ndə̂ma Ndjapä dokʉ̈tchê tə̂ pö ndə̂ tchôtchô su ndə̂ Ndjapä ndə̂ âwâ bëte nyê.

Dokʉ̈ Pîêre 1:10 Iomraidhean Croise

Matiyə̈ 13:17

Ɛn-ɛn, tə̂ lëge nə̈ më tö rə̂ sə̈ nyê päkëdə̂: Angbängbä a-earə̂ ndə̂ma Ndjapä dokʉ̈tchê la adjîrə̂ azü nyïndə̂ kə̂ wun rə ndə̂ nyë wûn rə̂ âtə, praâbalë andjë wûn-âbo rə̂-a. Andjë nyïndə̂ kə̂ dje pö ndə̂ nyë djê rə̂ âtə, praâbalë andjë djêâbo rə̂-a.»

Matiyə̈ 26:24

Modô ndə̂ akrə âtchuadje batə̂ rə̂ ndə̂ a mbô rə̂ lə̂ Mbëtï Ndjapä pâ yê. Praâbalë nyonyo kä tə̂ akrə ndə̂ tche yosə̂ Modô ndə̂ Akrə! Äkʉ̈sə̂ nə̈ pä akrə käko, a zɨabô tchë zɨ̂-î.»

Lûke 10:24

Bëte më tö rə̂ sə̈ nyê päkëdə̂: Angbängbä a-earə̂ ndə̂ma Ndjapä dokʉ̈tchê la agbïɛ̈ nyïndə̂ kə̂ wun rə ndə̂ nyë wûn rə̂ âtə, praâbalë andjë wûn-âbo rə̂-a. Andjë nyïndə̂ kə̂ dje pö ndə̂ nyê dje rə̂ âtə, praâbalë andjë djêâbo rə̂-a.»

Lûke 24:44

Pânə̈ Jezü tô rə̂ sə̈ andjê päkëdə̂: «Ndə̂ gbô mê ndə̂po lə̂ gûtə̂ nyê alême, më tö rə̂ sə̈ nyê päkëdə̂: Pö gbɛ̂ ndə̂ a tô rə̂ la rə̈ mê lə̂ Mbëtï ndə̂ Möyîze, lə̂ Mbëtï ndə̂ a-earə̂ ndə̂ma Ndjapä ndjë lə̂ Apösômo, äwäpä arə nə̈ mbo gundə̂sə̂ nə̈.»

Jâan 5:39

Nyë pü dju apö ndə̂ Ndjapä, bëte nyë wünsə̂ nə̈ pä nyë âgbo tchîsûwu ndə̂ logbɛ̂ logbɛ̂ lə̂ köbosə̂ nə̈. Dëkë apö Ndjapä lâme kä ndə̂ âto pö pâ mê.

Jâan 7:52

Andjë tô rə̂ ndə̂nə̈ sə̈ tchë päkëdə̂: «Mo də̈ ndjë ngâ akrə gö ndə̂ Galilë? Amö pu rə̂ lə̂ Mbëtï Ndjapä, kə̂ wun-adje rə̂ pä ngâ earə̂ ndə̂ma Ndjapä balë tôâbo bhâ Galilë-a.» [

Abadjângele 10:43

A-earə̂ ndə̂ma Ndjapä gbɛ̂ tö pö pâ yê päkëdə̂: Akrə ndə̂ tche zâ su yê sə̈ tchë, lə̂ köbosə̂ rə̈ yê, Ndjapä âko pö lə̂ küma yê.»

Abadjângele 17:11

Ajuîfu ndə̂ Berë däka kə̈ rô andjandə̂ Tësälönîke. Andjë gbö pö ndə̂ Ndjapä la gʉ nə̈ gbɛ̂. Logbɛ̂ andjë sə̈ lakə̂ pu rə̂ lə̂ pö nə̈ ndə̂kə̂ wun rə̂ pä pö ndə̂ Pôlo tô rə̂ lâme kä lə̂ köbo nə̈.

Abadjângele 28:23

Andjë djêtə̂ andjê la tchë pâ ngâ lö ndə̂kə̂ pa andjë ka gbotə̂ andjê. Andjë nə̂ bhândə̂ yê tə̂ lö nə̈ lâme kə̈ ngbâ tə̂ gbölösə̂nə̈. Pôlo vrô tchə̂lə̂ apö sə̈ andjê, âtô la mbatchâ ndjoa ëtə̂ tchêndə̂gölo. Tche nyîsə̂ rə ndə̂ tche wûnsə̂ nə̈ pâ Gbölö gö-gbïɛ̈ ndə̂ Ndjapä. Tche pü köbo gbɛ̂ ndə̂kə̂ pa andjë gamba pö ndə̂ Jezü, lə̂ köbosə̂ ndïɛ̈ ndə̂ Möyîze la mbëtï ndə̂ a-earə̂ ndə̂ma Ndjapä ndə̂ tche nyîsə̂ pö nə̈ lə̂nə̈ sə̈ andjê.

Abadjângele 7:52

Earə̂ ndə̂ma Ndjapä nə̈bâ kä ndə̂ araâta nyê mbôâbô gbôgbô mbô tə̂ yê? Araâta nyê wön azü ndə̂ andjë tô pö ndə̂kə̂ nə ndə̂ djîrə̂ akrə alême. Angaâtə, nyënyê kä ndə̂ âyôsə̂ djîrə̂ akrə nə̈ ânyë andjë wôn tchë!

Aheborö 11:13

Lə̂ köbosə̂ kə̂ za su sə̈ Ndjapä, azü lâme gbɛ̂ ndə̂ gbô andjê ndə̂po pâ su andjê ndə̂ andjë zâ rə̂ sə̈ Ndjapä, andjë tchû-î, kə̈ gbôâbo rə ndə̂ Ndjapä zâ bâlâ nə̈ lâme-a. Praâbalë andjë wûn rə̂ ndə̂ gbô rə̂ wâ ngrɨ̈, kə̈ wâ la mômô tə̂ pö ndə̂nə̈. Tchâme kä ndə̂ andjë wûnsə̂ nə̈ tə̂ lëge nə̈ pä anyë də̈ azü ndə̂ ngâ gö ngbî la a-earə̂ wrʉ̂ kupâ cho âtə.

Aheborö 11:40

Bëte Ndjapä nyïkrə tchôtchô arə ndə̂ ârô adɨ̂ arə gbɛ̂ bëte azə̂. Bëte rə̂ kä ndə̂ tche nyîâbo ndə̂nə̈ ndə̂kə̂ pa andjë daka gbɛ̂ dokʉ̈tchê tə̂ azə̂-a.

Dokʉ̈ Pîêre 1:11

Yingö ndə̂ Krîsiti kä lə̂ a-earə̂ ndə̂ma Ndjapä ânyë andjë nyïsə̂ nə̈ dokʉ̈tchê, pö ndə̂ yûkü ndə̂ Krîsiti wun-adje rə̂, ndjë lakə̂ lusə̂tə̂ ndə̂ tchê gboadje rə̂ ngbâ yûkü nə̈. Ädə̈ käko ânyë andjë sə̂ lakə̂ pu köbo gbɛ̂ ndə̂kə̂ wunsə̂ lö ndə̂kə̂ wutu ndə̂ arə nə̈ ndə̂ Yingö tô pö ndə̂nə̈ lâme, kə̈ pû ndjë köbo ndə̂kə̂ wunsə̂ nə̈ pä atöko kä ndə̂ arə nə̈ wûtu la rə̂?

Dokʉ̈ Pîêre 1:13

Bëte rə̂ kä, äwäpä nyë nyikrə su nyê ndə̂kə̂ mbo kua, nyë wünsə̂ kə̂ kitə̂ gʉ su nyê, kə̂ zä su nyê gbɛ̂ ndə̂kə̂ krʉ bëte tchôtchô rə ndə̂ nyê gboadje rə̂ tə̂ lo ndə̂kə̂ ka ndə̂ Jezü Krîsiti.