Dokʉ̈ Pîêre 1:1 - Mbëtï Ndjapä: TÄFO MADƗ̈

¹ Mëmê Pîêre, badjângele ndə̂ Jezü Krîsiti, më mbö mbëtï âtə sə̈ nyê, nyënyê ndə̂ Ndjapä dɨ̂ nyê, ndə̂ nyë krʉ̂ tchə̂lə̂ tə̂ nyê katchôgbɛ̂, ânyë kə̈ sə̂ batə̂ ayirə lə̂ agö batə̂: Gö ndə̂ Pôn-on, la Gälâte, la Käpädôse, la Azï, ndjë la Bitinï.

Dokʉ̈ Pîêre 1:1 Iomraidhean Croise

Matiyə̈ 10:2

Rə̈ abadjângele lə̂ könô gbɛ̂ tchêpâ nə̈ bïchuû lâme wä kâkë: Dokʉ̈ nə̈ də̈ Chemön, ndə̂ a ê rə̂ tə̂ yê pä Pîêre, la yîngâ yê Anderë; Jâke la yîngâ yê Jâan amodô ndə̂ Zebede;

Matiyə̈ 24:22

Âdə Ndjapä âjîâbô angâ alö yûkü lâme nyɛ̂-ɛn, dëkë akrə balë ndə̂ tche wâ ndə̂kə̂ tcha lə̂nə̈ sə̂âbo-a, praâbalë tche jï angâ alö nə̈ bëte azü ndə̂ tche dɨ̂ andjê.

Matiyə̈ 4:18

Ndə̂ Jezü âsə̈ nə tə̂ maga gbölö kpakpa ngû ndə̂ Galilë, tche wûn angâ ayîngâ bïchuû ndə̂ andjë wâtə̂ a-earə̂ kə̂ pu agiangû. Chemön ndə̂ a ê rə̂ tə̂ yê pä Pîêre, la yîngâ yê Anderë. Andjë kä lakə̂ yi gbânda ndə̂ andjê ndə̂kə̂ pu agiangû lə̂ gbölö ngû nə̈.

Lûke 18:7

Käko azü ndə̂ Ndjapä ndə̂ tche dɨ̂ andjê, ndə̂ andjë kɨ sə̈ tchë dalobiî lâme, tchê wabô tchə̂lə̂ ngbanga ndə̂ andjê? Tche âsə zoo ânyë kə̂ za könô sə̈ andjê?

Jâan 11:52

Tche wâbo ndə̂kə̂ tchu kütû bëte azü gö ndə̂ ajuîfu nə̈-a, praâbalë tche wä ndjë ndə̂kə̂ tchu bëte abechë ndə̂ Ndjapä gbɛ̂ ndə̂ andjë krʉ̂ tchə̂lə̂ tə̂ andjê katchôgbɛ̂, ndə̂kə̂ pala andjê sə̂nə̈ balë.

Jâan 7:35

Ajuîfu tô rə̂ lə̂ gbâtə̂ andjê päkëdə̂: «Tche âe bhâ tchêbâ ânyë azə̂ gboabô tchë gbô-ê? Tche âe bhândə̂ ajuîfu ndə̂ andjë krʉ̂ tchə̂lə̂ tə̂ andjê lə̂ gbâtə̂ agerêke lâme ndə̂kə̂ nyisə̂ rə sə̈ agerêke nə̈?

Abadjângele 18:2

Tche gbô ngâ juîfu bhâye ndə̂ rə̈ ê wû pä Äkïlâse, a zɨ̈ tchë bhâlə̂ gö ndə̂ Pôn-on. Tchetchë la ɛ̈chë ndə̂ yê Prïsîye, andjë tö bhâ Italï ânyë kə̈ wûtu anganga-ë. Bëte gbïɛ̈ Kölôde zâma ndə̂kə̂ pa ajuîfu gbɛ̂ wutu lə̂ gö ndə̂ Rômo. Pôlo ê kə̈ wûn Äkïlâse la ɛ̈chë ndə̂ yê.

Abadjângele 18:23

Tche sə̂ tchâme lə̂ angâ alö, ânyë kə̈ ê kə̈ rô lə̂ agö ndə̂ Gälâte la andə̂ Firijï, lakə̂ za wängö ndə̂ âza gbôgbô tə̂ su adjisîpili gbɛ̂.

Abadjângele 19:10

Rə nə̈ lâme mbô ngû bïchuû, âmbô rə̂ pä azü pâ cho ndə̂ Azï gbɛ̂, ajuîfu la agerêke gbô köbo ndə̂kə̂ dje pö ndə̂ Gbölö Gbïɛ̈.

Abadjângele 6:9

Praâbalë sə̂nə̈ lâme azü bhâlə̂ nda kə̂ voga Ndjapä ndə̂ andjë wûtu lə̂ kua ngbâa, andjê la azü gö ndə̂ Sïrêne la andjandə̂ Alegezandirï la andjandə̂ Silisï la Azï, andjë sə̂ lakə̂ gama andjê la Etîêne.

Abadjângele 8:4

Azü ndə̂ Jezü ndə̂ andjë krʉ̂ tchə̂lə̂ tə̂ andjê katchôgbɛ̂, ê kulə̂ atchô ngbî ngbî lakə̂ mu Tchôtchô Pö.

Dokʉ̈ Körɛ̂nte 16:19

Azü ndə̂ a-Egilîze lə̂ gö ndə̂ Azï pô ndə̂ nyê nə̂. Äkïlâse la Prïsîye pô ndə̂ nyê nə̂ la rə̈ Gbölö Gbïɛ̈, ndjë la azü ndə̂ Egilîze ndə̂ andjë pala tchê tə̂ andjê bhâ tchâalê ndə̂ arə̂mâ bïchuû lâme.

Bïchuû Körɛ̂nte 1:8

Bëte ârâ nyïndə̂ nə̈ pä nyë wunsə̂ pö pâ yûkü ndə̂ ârâ wun rə̂ lə̂ agö ndə̂ Azï: Arə̂mä, ârâ wün yûkü alême tə̂ gbölösə̂nə̈, yûkü rôpâ gbôgbô ndə̂ ârâ; bhâtə̂ su ârâ, ârâ tö rə̂ pä andə̂ ârâ kâ nə̂.

Gälâte 1:2

Arə̂mâ gbɛ̂ ndə̂ andjë sə̂ bhâtə la mëmê, ârâ wän mbëtï âtə sə̈ azü ndə̂ a-Egilîze ndə̂ Gälâte.

Ëfêze 2:12

Sə̂nə̈ lâme, nyë wâbo la Krîsiti-a, kə̈ wâbo lə̂ arə ndə̂ âwâtə̂ andə̂ azü gö ndə̂ Isarayële-a. Nyë wâbo lə̂ amadɨ̈ ndə̂ Ndjapä ndə̂ tche zâ bâlâ nə̈ lâme-a, nyë wâbo la ngâ rə ndə̂ nyê za su nyê pânə̈-a, kə̈ wâbo la Ndjapä pâ cho âtə-a. Äwäpä sə̂nə̈ te ndjë lə̂ nyê.

Ëfêze 2:19

Käko nyë kä wâ bata tə̂ azü ndə̂ ngâ gö ngbî-a, âdəndjë azü ndə̂ andjë nə̂nə̈-a. Praâbalë nyënyê la azü ndə̂ Ndjapä, nyë wâ nə̂ batə̂ azü gö balë, kə̈ wâ nə̂ tə̂ azü lə̂ bûngrɨ̂ ndə̂ Ndjapä.

Bïchuû Timotë 1:15

Mo wûnsə̂ nə̈ nə̂ pä azü lə̂ agö ndə̂ Azï gbɛ̂ gbôtə̂ mê nə̂; akrə batə̂ Fïjêle la Hërëmöjêne kä ndjë lə̂ gbâtə̂ andjê.

Aheborö 11:13

Lə̂ köbosə̂ kə̂ za su sə̈ Ndjapä, azü lâme gbɛ̂ ndə̂ gbô andjê ndə̂po pâ su andjê ndə̂ andjë zâ rə̂ sə̈ Ndjapä, andjë tchû-î, kə̈ gbôâbo rə ndə̂ Ndjapä zâ bâlâ nə̈ lâme-a. Praâbalë andjë wûn rə̂ ndə̂ gbô rə̂ wâ ngrɨ̈, kə̈ wâ la mômô tə̂ pö ndə̂nə̈. Tchâme kä ndə̂ andjë wûnsə̂ nə̈ tə̂ lëge nə̈ pä anyë də̈ azü ndə̂ ngâ gö ngbî la a-earə̂ wrʉ̂ kupâ cho âtə.

Jâke 1:1

Mëmê Jâke, më wâtə̂ earə̂ kua ndə̂ Ndjapä la Gbölö Gbïɛ̈ Jezü Krîsiti. Mëmê kä ndə̂ âmbô mbëtï âtə sə̈ nyê; më pô ndə̂ azü ndə̂ Ndjapä ndə̂ andjë krʉ̂ tchə̂lə̂ tə̂ andjê katchôgbɛ̂ pâ cho âtə nə̂.

Dokʉ̈ Pîêre 2:11

Arə̂mâ ndə̂ mê ndə̂ mê nyîndə̂ nyê tə̂ gbölösə̂nə̈, më zä wängö sə̈ nyê, nyënyê ndə̂ nyë wâ batə̂ ayirə la azü pâ köbo ndə̂kə̂ pa nyë kosə̂ angbongbo gʉ su nyê ndə̂ âmbo kʉ̈ʉ̈ la vrö nyê.

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.

Apökälîbïchi 1:11

Tchə̂lə̂ gɨ̈ ôn nə̈ tö rə̂ päkëdə̂: «Rə ndə̂ mo wun rə̂ âtə, amö mbo rə̂ lə̂ mbëtï, kə̈ wân rə̂ sə̈ a-Egilîze mïndûu manə̈ bïchuû batə̂: Egilîze ndə̂ Ëfêze la Sïmîrine la andə̂ Pêregâme la andə̂ Tïyätîre la andə̂ Sârede la andə̂ Filadelefï la andə̂ Laodisë.»