Dokʉ̈ Körɛ̂nte 9:5 - Mbëtï Ndjapä: TÄFO MADƗ̈

⁵ Ârâ wâbo ndə̂kə̂ za ngâ ɛ̈chë ndə̂ tche wâtə̂ akrə ndə̂ Krîsiti po tə̂ ârâ, kə̂ nə la tchë batə̂ rə̂ ndə̂ angâ ârâ abadjângele la arə̂mâ ndə̂ Gbölö Gbïɛ̈ la Pîêre mbo rə̂ lâme?

Dokʉ̈ Körɛ̂nte 9:5 Iomraidhean Croise

Matiyə̈ 13:55

Âdə̂âbo modô ndə̂ sarpandë kä âtə? Âdə̂âbo Malê kä ndə̂ âdə̂ anyï nə̈? Âdə̂âbo Jâke la Jozêfu la Chemön la Jûde kä ndə̂ âwâtə̂ ayîngâ yê?

Matiyə̈ 8:14

Ndə̂ Jezü ê atə̂ tchâalê ndə̂ Pîêre, tche wûn ɛ̈chë-mbïɛ̈ nə̈ ndə̂ tche lô bêche bëte tə̂ yê wö tə̂ gbölösə̂nə̈.

Mâreke 1:30

Dëkë ɛ̈chë-mbïɛ̈ Chemön lô nə̂ ëbêche, tche wä la tə̂kömbô ndə̂ zɨ, kpro la tchêngbâ nə̈ a tô pö ndə̂ yê sə̈ Jezü.

Mâreke 6:3

Âdə̂âbo säräpändë âtə, ndə̂ tche də̂ modô ndə̂ Malê, yîngâ Jâke la Jozë la Jûde la Chemön lâme kä? Azə̈ mbôâbo gö la anyînə̂ nə̈ tchâtə?» Rə lâme kä ndə̂ âmbô rə̂ ânyë, andjë kôsə̂ kə̂ za su andjê sə̈ tchë.

Lûke 6:15

Matiyə̈ la Tomä la Jâke modô ndə̂ Alefë la Chemön ndə̂ tche wâtə̂ ngâ zëlôte la

Lûke 8:20

A tô rə̂ sə̈ Jezü päkëdə̂: «Anyï zə̈ la ayîngâ zə̈ kä sûwu, andjë nyïndə̂ kə̂ wun mö.»

Jâan 1:42

La tchêngbâ nə̈ tche zâ Chemön kə̈ ê la tchë sə̈ Jezü. Jezü wûn Chemön kə̈ tô rə̂ sə̈ tchë päkëdə̂: «Mo də̈ Chemön modô ndə̂ Jâan. Azü â-eadje rə̂ tə̂ zə̈ pä Sëfâse. Rə̈ lâme nyïndə̂ kə̂ to rə̂ pä «Pîêre.»

Jâan 2:12

La tchêngbâ nə̈ Jezü ê atə̂ Käpërënäyûmo; tchetchë la anyï nə̈ la ayîngâ yê, la adjisîpili ndə̂ yê. Andjë mbôâbo ngbängbä lö bhâye-a.

Abadjângele 1:14

Logbɛ̂, andjë päla tchê tə̂ andjê gbɛ̂ balë ndə̂kə̂ to pö sə̈ Ndjapä, andjê la angâ aɛ̈chë, la Malê, anyï Jezü ndjë la ayîngâ Jezü.

Rômo 16:1

Më yükû nə̈ sə̈ nyê pä nyë za Febë, nyînə̂ azə̂ bhândə̂ nyê. Tche wätə̂ earə̂ kua ndə̂ Ndjapä lə̂ Egilîze ndə̂ Sankerë.

Dokʉ̈ Körɛ̂nte 1:12

Pö ndə̂ më nyîndə̂ kə̂ to rə̂ wä kâkë: Akrə balë balë lə̂ gbâtə̂ nyê tö pö ngbî ngbî. Ngânə̈ tö rə̂ päkëdə̂: «Më də̈ akrə ndə̂ Pôlo.» Ngânə̈ tô rə̂ päkëdə̂: «Më də̈ tchandə̂ Äpölôse.» Ngânə̈ tô andə̂ ye nə̈ päkëdə̂: «Më də̈ tchandə̂ Pîêre.» Ânyë ngânə̈ tô ndjë rə̂ päkëdə̂: «Më də̈ tchandə̂ Krîsiti.»

Dokʉ̈ Körɛ̂nte 7:15

Praâbalë âdə tchanə̈ ndə̂ tche zâbô su yê zâ sə̈ Ndjapä lâme ânyində̂ kə̂ kosə̂ ɛ̈chë âdəndjë köchë ndə̂ yê, äwäpä a gbotə̂ yê tche kosə̂ yê. Käko ɛ̈chë nə̈ âdəndjë köchë nə̈ ndə̂ tche zâ su yê sə̈ Ndjapä lâme, ngâ rə ndə̂ âpala andjê wâbo-a, bëte Ndjapä ë nyê ndə̂kə̂ pa nyë sə la zɨtɨ su.

Dokʉ̈ Körɛ̂nte 7:39

Ɛ̈chë ndə̂ a tô tchë wä ndə̂kə̂ za su yê kütû pâ köchë ndə̂ yê ndjoa ëtə̂ kuzü. Âdə köchë ndə̂ yê nə̈ âtchu, tche wä ndə̂kə̂ to ngâ täfo köchë batə̂ rə̂ ndə̂ su yê nyîndə̂ nə̈, praâbalë äwäpä köchë nə̈ watə̂ akrə ndə̂ Krîsiti.

Dokʉ̈ Körɛ̂nte 7:7

Më nyïndə̂ nə̈ pä azü gbɛ̂ wa batə̂ mê, praâbalë akrə balë balë gbö gbôgbô ndə̂ Yingö ndə̂ Ndjapä za rə̂ sə̈ tchë. Tche zä ngânə̈ sə̈ tchanə̈ âtə, kə̂ za ngânə̈ ngbî sə̈ tchanə̈ təbhâ.

Dokʉ̈ Körɛ̂nte 7:8

Azü ndə̂ andjë tôâbô aɛ̈chë âdəndjë aköchë tô dämba-ê, la aɛ̈chë lə̂ ndavrö, më tö pö âtə sə̈ nyê päkëdə̂: Ädäka ndə̂kə̂ pa nyë ndəpo ndə̂kə̂ sə la kütû nyê batə̂ mê.

Gälâte 1:19

Më wûn-âbo ngâ badjângele ngbî-a. Praâbalë më wün kütû Jâke, yîngâ Gbölö Gbïɛ̈.

Dokʉ̈ Timotë 3:2

Käko âwâbo pä a gbo ngâ pö balë ndə̂kə̂ gbɨtɨ tü lə̂ küma akrə tə̂ küma Egilîze-a, tche wätə̂ köchë ndə̂ ɛ̈chë balë, tche zɨ̂âbo rə ârô masə̂nə̈-a, tche tö pö la köbo nə̈, tche mbö rə la köbo nə̈, tche wünsə̂ kə̂ kʉ ayirə bhândə̂ yê la köbo nə̈, tche wünsə̂ kə̂ nyisə̂ rə.

Dokʉ̈ Timotë 4:3

Andjë kïtə̂ köbo tə̂ azü ndə̂kə̂ pa andjë toabô tə̂ andjê tô-ê, kə̈ kîtə̂ köbo ndə̂kə̂ pa andjë zɨabô angâ akɨ̈zɨ̂ zɨ̂-ê. Dëkë Ndjapä mbö kɨ̈zɨ̂ lâme ndə̂kə̂ pa azü ndə̂ Krîsiti ndə̂ andjë wûnsə̂ lëge pö, andjë zɨ rə̂ lakə̂ za ayîabâ sə̈ Ndjapä.

Dokʉ̈ Timotë 5:2

kə̂ za rə̂ sə̈ akpôkpô aɛ̈chë batə̂ araanyï zə̈, kə̂ za rə̂ sə̈ abechë-ɛ̈chë batə̂ araanyînə̂ zə̈ la grôgrô su.

Tîte 1:6

Âwâbo pä a gbo ngâ pö ndə̂kə̂ gbɨtɨ tü balë lə̂ küma ngâ kpôkpô akrə-a, äwäpä tche watə̂ köchë ndə̂ ɛ̈chë kütû balë, äwäpä abechë ndə̂ yê watə̂ azü ndə̂ Krîsiti, ânyë âwâbo pä a yi pö lə̂ küma andjê tə̂ pö ndə̂ mbə̈lï-a, la pö ndə̂kə̂ kosə̂ ma-a.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.