Dokʉ̈ Körɛ̂nte 9:3 - Mbëtï Ndjapä: TÄFO MADƗ̈

³ Pö ndə̂ më nyîndə̂ kə̂ to rə̂ sə̈ azü ndə̂ andjë yî pö lə̂ küma mê wä kâkë:

Dokʉ̈ Körɛ̂nte 9:3 Iomraidhean Croise

Lûke 12:11

«Âdə a âe la nyê ndə̂kə̂ wa ngbanga pâ nyê lə̂ anda kə̂ voga Ndjapä, âdəndjë tchâtchu agbölö azü gö, nyë dɨ̈äbô su nyê dɨ̂ pâ pö ndə̂ nyê toadje rə̂ ndə̂kə̂ kosə̂ pö tə̂ nyê,

Abadjângele 22:1

«Arə̂mâ, arabha, nyë djë pö ndə̂ më nyîndə̂ kə̂ to rə̂ sə̈ nyê pâ pö ndə̂ nyë yî rə̂ lə̂ küma mê âtə.»

Abadjângele 25:16

Praâbalë më tô rə̂ sə̈ andjê pä, dokʉ̈tchê ndə̂kə̂ pa a kanga ngâ akrə, lə̂ ndïɛ̈ ndə̂ Rômo, äwäpä a za köbo sə̈ tchë ndə̂kə̂ to dju pö ndə̂ yê lə̂ la azü ndə̂ andjë yî pö lə̂ küma yê.

Dokʉ̈ Körɛ̂nte 14:37

Âdə ngâ akrə âwuntî pä anyë də̈ earə̂ ndə̂ma Ndjapä, âdəndjë akrə ndə̂ tche wâ la Kpɨ̂ki Yingö, äwäpä tche wunsə̂ nə̈ lə̂ pö ndə̂ më mbô rə̂ sə̈ nyê âtə pä agbôgbô pö ma Gbölö Gbïɛ̈ kä.

Dokʉ̈ Körɛ̂nte 9:2

Âdə angâ azü âwun-abô mê wûn batə̂ badjângele, praâbalë bhândə̂ nyê, më wätə̂ badjângele. Bëte lə̂ köbosə̂ nə̈ ndə̂ nyë wâ balë la Gbölö Gbïɛ̈, nyë nyïsə̂ nə̈ la tə̂ nyê pä më də̈ badjângele.

Dokʉ̈ Körɛ̂nte 9:4

Ârâ wâbo ndə̂kə̂ zɨ rə âdəndjë ndə̂kə̂ ndjo rə ngbâ kua ndə̂ ârâ?

Bïchuû Körɛ̂nte 13:10

Bëte rə̂ kä ndə̂ gbô mê sə̂ ngrɨ̈ tə̂ nyê, kə̈ mbô mbëtï âtə ndə̂kə̂ wan rə̂ sə̈ nyê. Käko âdə mê âwutu bhâye, kə̂ hroabô hrô la nyê-ê lə̂ köbosə̂ gbôgbô ndə̂ Gbölö Gbïɛ̈ zâ rə̂ sə̈ mê ndə̂kə̂ mbo rə̂ pä Egilîze ndə̂ nyê kpokpo tə̂ yê, âdə̂âbo ndə̂kə̂ ndɨ rə̂ ndɨ̈-a.

Bïchuû Körɛ̂nte 13:3

Bëte nyë nyïndə̂ kə̂ wun ngâ rə ndə̂ ânyîsə̂ nə̈ pä Krîsiti kä ndə̂ âto pö lə̂ köbosə̂ mê. Âdə Krîsiti âsə̈ mbo rə tə̂ pö ndə̂ nyê, tche mbôâbo rə̂ la gbôgbô-a, praâbalë tche nyïsə̂ gbôgbô ndə̂ yê lə̂ gbâtə̂ nyê.

Bïchuû Körɛ̂nte 13:5

Nyënyê la tə̂ nyê, nyë wüntə̂ nyê djîrə̂ ânyë, nyë pü köbo ndə̂kə̂ wunsə̂ nə̈ pä gbô nyê kä tə̂ lëge nə̈ lakə̂ za su nyê sə̈ Ndjapä, nyë wûn-âbo sə̂nə̈ pä Jezü Krîsiti kä lə̂ su nyê? Âdə rə nə̈ âwa käko, dëkë änyïsə̂ nə̈ pä kə̂ za su nyê sə̈ Ndjapä wâbo-a.

Fïlîpe 1:17

Angânə̈ mü pö ndə̂ Krîsiti ndə̂kə̂ pu gbölö tchô, kə̂ mbo rə ndə̂ andjê wä la ngbongbo su, kə̈ wûn andə̂ andjë nə̈ bhâtə̂ su andjê pä, kə̂ mbo tə̂ rə käko, yûkü ndə̂ mê âkä ro masə̂nə̈ bhâlə̂ nda kânga.

Fïlîpe 1:7

Äwä lə̂ köbo nə̈ ndə̂kə̂ pa su mê wa pâ nyê. Pö ndə̂ nyê zä su mê tə̂ gbölösə̂nə̈, bëte nyë gbö ndjë atchôtchô arə ndə̂ Ndjapä kʉ̂ rə̂ sə̈ mê lə̂ köbosə̂ tchôtchô su yê. Ndə̂ më sə̂ angêta lə̂ nda kânga, âdəndjë rə̂ ndə̂ më sə̂âbô sə̂ lə̂ nda kânga, më kïtə̂ köbo la gbôgbô tə̂ azü ndə̂ andjë nyîâbô nyîndə̂ nə̈ pä a mu Tchôtchô Pö ndə̂ mê sə lakə̂ mu rə̂ la gbôgbô.

Bïchuû Timotë 4:16

Tə̂ dokʉ̈ nə̈ ndə̂ më kôsə̂ pö tə̂ mê tchâtchu a-earə̂ kə̂ wa ngbanga, ngâ akrə balë sə̂âbo ndrotə̂ mê-a, azü gbɛ̂ gbôtə̂ mê-ê. Äwäpä Ndjapä mboabô ngâ rə mbô tə̂ andjê tə̂ pö ndə̂nə̈-ê.