Dokʉ̈ Körɛ̂nte 9:27 - Mbëtï Ndjapä: TÄFO MADƗ̈

²⁷ Më mbö arə gbôgbô tə̂ tə̂ mê, ndə̂kə̂ pa ädje mê. Ârə̂ âdəabô də̂ käko-ë, Tchôtchô Pö ndə̂ mê mu rə̂ lâme, mê âwutu lə̂nə̈ kênê ämbänə̈.

Dokʉ̈ Körɛ̂nte 9:27 Iomraidhean Croise

Lûke 18:5

Praâbalë batə̂ më ndjôâbô ngû ndjô tə̂ ɛ̈chë lə̂ ndavrö âtə-ê, më âwa tchə̂lə̂ ngbanga ndə̂ yê, ânyë tche ka bata kâ ndə̂kə̂ ka küma mê.›»

Lûke 9:25

Âdə ngâ akrə âgbo arə tchêbêche âtə gbɛ̂, ânyë kə̈ tchû, âdəndjë rə̂ ndə̂ tchîsûwu ndə̂ yê ndɨ̂, giamâ kä ndə̂ tche gbo rə̂ ngbânə̈?

Abadjângele 1:25

ndə̂kə̂ mbo kua ndə̂ badjângele lə̂ kpâlâ Jüdâse ndə̂ tche gbôtə̂ kua nə̈ ndə̂kə̂ e bhâsə̂ tchô ndə̂ âdə̂ andə̂ ye nə̈.»

Rômo 8:13

Âdə nyê âmbo rə gundə̂sə̂ angbongbo gʉ su nyê, nyê tchuadje. Praâbalë lə̂ köbosə̂ Yingö, âdə nyê âji angbongbo kə̂ mbotə̂ nyê, nyê wadje la tchîsûwu.

Dokʉ̈ Körɛ̂nte 8:13

Bëte rə̂ kä, âdə kɨ̈zɨ̂ kä ndə̂ âmbo rə̂ pä ngâ mê te, mê kä zɨ bata gûsû balë tee-a, ânyë ngâ mê teabô tê lə̂ köbosə̂ nə̈-ê.

Dokʉ̈ Körɛ̂nte 9:25

Azü gbɛ̂ ndə̂ andjë pa adɨngâalî, andjë kösə̂ angâ arə ânyë kə̂ nyikrətə̂ andjê bëte adɨngâalî nə̈. Andjë mbö tâ käko ndə̂kə̂ gbo rə ngbânə̈, praâbalë rə nə̈ wä ndə̂kə̂ ndɨ̂ndɨ̈. Âdə andə̂ azə̈ nə̈, azə̈ mbö rə̂ ndə̂kə̂ gbo tchôtchô rə ngbânə̈ ndə̂ âwâbô wâ ndə̂kə̂ ndɨ-î.

Bïchuû Körɛ̂nte 11:27

Më mbö agbölö kua, kə̈ wâ la kôngö la tchêngbâ nə̈, lö zâbo la mê-a, gʉ kɨ̈zɨ̂ la ngû nyü mê, tə̂ angâ alö më lö la gʉ, zɨ mbo mê, lə̂ba wâbo tə̂ mê-a.

Kölôse 3:5

Käko nyë jï agʉ tə̂ su nyê ndə̂ âmbo rə̂ pä nyë mbo angbongbo rə ndə̂ tchêbêche âtə batə̂: Kə̂ pu aɛ̈chë âdəndjë aköchë katchôgbɛ̂, kə̂ mbo arə kâkpö, gʉ tə̂ su akrə, gʉ ndə̂kə̂ mbo angbongbo rə la gbölö gʉ ndə̂kə̂ gbo rə ndə̂ âwâtə̂ ngâ köbo ndə̂kə̂ voga angakʉ̈lä.

Bïchuû Timotë 2:22

Amö kpe tə̂ gʉ arə ndə̂ âmbo abechë-ɛ̈köchë la abechë-ɛ̈chë lâme. Pu köbo ndə̂kə̂ mbo djîrə̂ rə, kə̂ za su zə̈ sə̈ Krîsiti, kə̂ nyində̂ ngâ, kə̂ sə la zɨtɨ su la azü ndə̂ nyê e rə̈ Gbölö Gbïɛ̈ la andjê, la grôgrô su.

Dokʉ̈ Pîêre 2:11

Arə̂mâ ndə̂ mê ndə̂ mê nyîndə̂ nyê tə̂ gbölösə̂nə̈, më zä wängö sə̈ nyê, nyënyê ndə̂ nyë wâ batə̂ ayirə la azü pâ köbo ndə̂kə̂ pa nyë kosə̂ angbongbo gʉ su nyê ndə̂ âmbo kʉ̈ʉ̈ la vrö nyê.

Bïchuû Pîêre 2:15

Ndə̂ andjë gbôtə̂ djîrə̂ köbo, köbo yû tə̂ andjê ânyë andjë zâ köbo ngbâ Bälâme modô ndə̂ Bözôre ndə̂ tche nyîndə̂ kə̂ gbo makətche ndə̂ a kʉ̂ rə̂ sə̈ tchë ndə̂kə̂ pa tche mbo ngbongbo rə.