Dokʉ̈ Körɛ̂nte 9:25 - Mbëtï Ndjapä: TÄFO MADƗ̈

²⁵ Azü gbɛ̂ ndə̂ andjë pa adɨngâalî, andjë kösə̂ angâ arə ânyë kə̂ nyikrətə̂ andjê bëte adɨngâalî nə̈. Andjë mbö tâ käko ndə̂kə̂ gbo rə ngbânə̈, praâbalë rə nə̈ wä ndə̂kə̂ ndɨ̂ndɨ̈. Âdə andə̂ azə̈ nə̈, azə̈ mbö rə̂ ndə̂kə̂ gbo tchôtchô rə ngbânə̈ ndə̂ âwâbô wâ ndə̂kə̂ ndɨ-î.

Dokʉ̈ Körɛ̂nte 9:25 Iomraidhean Croise

Dokʉ̈ Körɛ̂nte 15:54

Âdə tə̂ ndə̂ âwâ ndə̂kə̂ ndɨ âyu tə̂ ndə̂ âwâ ndə̂kə̂ ndɨabô ndɨ̂-î, ânyë tə̂ ndə̂ âwâ ndə̂kə̂ tchu âyu tə̂ ndə̂ âwâ ndə̂kə̂ tchuabô tchû-î, käko pö ndə̂ Mbëtï Ndjapä tô rə̂ mbo gundə̂sə̂ nə̈. Mbëtï nə̈ tô rə̂ päkëdə̂: «Ndjapä ndɨ̂ kuzü nə̂ tratralë-ê, gbôgbô ndə̂ kuzü yû nə̂!»

Gälâte 5:23

kə̂ mbo rə nyima-ë, ndjë lakə̂ kitə̂ gʉ tə̂ su akrə la tə̂ yê. Ndïɛ̈ kôâbo sə̂ arə käko lâme-a.

Dokʉ̈ Timotë 6:12

Amö mbo tchôtchô kʉ̈ʉ̈ lə̂ köbosə̂ kə̂ za su sə̈ Krîsiti. Amö za tchîsûwu ndə̂ logbɛ̂ logbɛ̂ ndə̂ a ê mö ndə̂kə̂ gbo rə̂ lâme, ndə̂ mo gâmba pö ndə̂kə̂ za su zə̈ sə̈ Krîsiti kraâ alême lə̂ la angbängbä azü ndə̂ andjë sə̂ sə̂nə̈.

Bïchuû Timotë 2:5

Käko ndjë, lə̂ angɨ̈ ndə̂ âmbo rə̂ pä tchə̂lə̂ kpoto akrə kra lâme, âdə akrə ndə̂ tche pâ adɨngâalî gundə̂sə̂ andïɛ̈ nə̈, tche âgbo rə ngbânə̈.

Tîte 1:8

Praâbalë tche wünsə̂ kə̂ kʉ azü gbɛ̂ bhândə̂ yê, tche nyïndə̂ kə̂ mbo dâkâ, tche tö pö la köbo nə̈, tche wätə̂ djîrə̂ akrə, tche wä ngbî bëte Ndjapä, tche wünsə̂ kə̂ kitə̂ gʉ tə̂ su yê.

Tîte 2:2

Äwäpä akpôkpô aköchë zɨabô rə zɨ âro masə̂nə̈-ê, äwäpä andjë lusə̂tə̂ andjê, kə̂ to pö la köbo nə̈, kə̂ za su andjê tə̂ lëge nə̈ gbɛ̂ sə̈ Krîsiti, kə̂ nyində̂ angâ andjê, lakə̂ rʉatə̂ su andjê lə̂ arə gbɛ̂.

Aheborö 12:28

Tə̂ pö ndə̂nə̈ ndə̂ azə̈ gbô köbo ndə̂kə̂ li lə̂ gbölö gö-gbïɛ̈ ndə̂, akrə wâbô wâ ndə̂kə̂ mbo rə̂ pä ätro lâme, käko äwäpä azə̈ za ayîabâ sə̈ Ndjapä, kə̂ mbo kua ndə̂ yê lə̂ köbosə̂ nə̈ ndə̂ âfû tə̂ yê, lakə̂ kpe wa yê, la wawa.

Aheborö 12:4

Bëte kʉ̈ʉ̈ ndə̂ nyê mbô rə̂ la ngbongbo rə lâme, nyë rʉ̂âbo tə̂ su nyê dämba-a, ndə̂kə̂ mbo kʉ̈ʉ̈ nə̈ ndjoa ëtə̂ kuzü-a.

Jâke 1:12

Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Dokʉ̈ Pîêre 1:4

Azə̈ krʉ̈ bëte atchôtchô arə ndə̂ Ndjapä kʉ̂ rə̂ pra azə̂ bhâ lafô. Arə nə̈ lâme wâbo ndə̂kə̂ ndɨ̂ndɨ̈-a, ngâ ngbongbo rə grʉ̂âbo rə̂-a, kə̂ fu ndə̂nə̈ wâbo ndjë ndə̂kə̂ ro-a.

Dokʉ̈ Pîêre 5:4

Käko âdə makündji ndə̂ a-earə̂ kə̂ bata aɛ̈bro-ngbaga nə̈ âwutu, nyê gboadje rə ngbânə̈ ndə̂ âdə̂ atchôtchô arə ndə̂ âwâ pïï etə̂.

Bïchuû Pîêre 1:6

nyë zä kə̂ kitə̂ gʉ tə̂ nyê ëpâ kə̂ wunsə̂ rə, nyë zä kə̂ rʉ̈ätə̂ su nyê ëpâ kə̂ kitə̂ gʉ tə̂ nyê, nyë zätə̂ nyê gbɛ̂ sə̈ Ndjapä ëpâ kə̂ rʉatə̂ su nyê.

Apökälîbïchi 2:10

Âwâbo pä mo wa la wawa yûkü ndə̂ mô wun-adje rə̂ lâme-a. Amö djë pö âtə: Jâbolo vuadje nyê, kə̂ yiadje angâ azü lə̂ gbâtə̂ nyê lə̂ nda kânga. Nyê wun-adje yûkü lə̂ lö lə̂ könô gbɛ̂. Äwäpä mo mbo rə gundə̂sə̂ pö ma mê ndjoa ëtə̂ kuzü, ânyë mê zadje kurône ndə̂ tchîsûwu ndə̂ logbɛ̂ logbɛ̂ sə̈ mö.

Apökälîbïchi 3:11

Mê ânə angaâtə. Rə ndə̂ mo wâ la rə̂ lâme, amö za rə̂ kperə̂, ânyë ngâ akrə balë krʉabô kurône ndə̂ zə̈ krʉ̂â-ê.

Apökälîbïchi 4:10

Akpôkpô azü tə̂ akrə gbɛ̂ tchêpâ nə̈ voanə̈ lâme sə̂ lakə̂ gʉte tchâtchâ tchanə̈ ndə̂ tche sə̂ lə̂ ngendë-gbïɛ̈ nə̈, andjë vöga tchanə̈ ndə̂ tche wâ la tʉ̈rʉ̂ la yê pïï etə̂. Andjë yï akurône ndə̂ andjê tchâtchâ ngendë-gbïɛ̈ nə̈ lakə̂ to rə̂ päkëdə̂:

Apökälîbïchi 4:4

Ndrotə̂ ngendë-gbïɛ̈ nə̈, angâ angendë-gbïɛ̈ tə̂ akrə gbɛ̂ tchêpâ nə̈ voanə̈ tâkpa ndrotə̂ nə̈, ânyë akpôkpô azü tə̂ akrə gbɛ̂ tchêpâ nə̈ voanə̈ sə̂ ëlə̂nə̈. Andjë yü grôgrô lə̂ba ëtə̂ andjê kə̈ yû kurône ndə̂ a mbô rə̂ la lôlo tə̂ küma andjê.