Dokʉ̈ Körɛ̂nte 9:24 - Mbëtï Ndjapä: TÄFO MADƗ̈

²⁴ Nyë wûn-âbo sə̂nə̈ pä azü ndə̂ andjë pa adɨngâalî lə̂ la azü gbɛ̂, andjë kpë nyɛ̂ɛ̂ balë, praâbalë ngâ akrə balë kä ndə̂ âgbo tchôtchô rə ngbânə̈? Nyë pä adɨngâalî la känyï ndə̂kə̂ pa nyë gbo ngâ tchôtchô rə ngbânə̈.

Dokʉ̈ Körɛ̂nte 9:24 Iomraidhean Croise

Rômo 6:16

Nyë wûn-âbo sə̂nə̈? Âdə nyê âzatə̂ nyê la ngbâa tchâtchâ ngâ akrə ndə̂kə̂ dje pö ma yê, dëkë nyë wâ nə̂ tə̂ ngbâa ndə̂ akrə nə̈ lâme. Änyïndə̂ kə̂ to rə̂ päkëdə̂, âdə nyê âzatə̂ nyê sə̈ ngbongbo rə, nyë wâ nə̂ tə̂ angbâa ndə̂ ngbongbo rə ânyë ngbongbo rə nə̈ âe la nyê pu kuzü. Âdə nyê âzatə̂ nyê batə̂ angbâa ndə̂kə̂ dje pö ma Ndjapä, Ndjapä nə̈ âmbo rə̂ pä nyê watə̂ adjîrə̂ azü lə̂ la yê.

Dokʉ̈ Körɛ̂nte 9:13

Nyë wûn-âbo sə̂nə̈ pä azü ndə̂ andjë mbo kua lə̂ gbölö nda Ndjapä gbö kɨ̈zɨ̂ ndə̂ andjê lə̂ gbölö nda Ndjapä? Ânyë azü ndə̂ andjë wa ngela pâ gbalâka gbö ndjë andə̂ andjê tchâkalâ arə ndə̂ a kʉ̂ rə̂ ânyë kə̈ wâ rə̂ la ngela nə̈?

Dokʉ̈ Körɛ̂nte 9:23

Më mbö arə lâme gbɛ̂ tə̂ pö ndə̂ Tchôtchô Pö ânyë kə̂ gbo atchôtchô arə ndə̂ Tchôtchô Pö nə̈ za rə̂.

Dokʉ̈ Körɛ̂nte 9:26

Bëte rə̂ kä ndə̂ më pâ adɨngâalî ânyë la mê wâ kütû tə̂ rə ndə̂ më nyîndə̂ kə̂ gbo rə̂. Më də̈ akrə ndə̂ tche gʉ̂â könô yê ânyë kə̂ du azü la rə̂ lâme, praâbalë më dûâbo tchə̂lə̂ yi-a.

Gälâte 2:2

Më ë bhâye bëte Ndjapä nyïsə̂ nə̈ sə̈ mê ndə̂kə̂ e, ânyë Tchôtchô Pö ndə̂ më nyîsə̂ nə̈ sə̈ azü ndə̂ andjë wâbô wâtə̂ ajuîfu, më nyîsə̂ nə̈ sə̈ andjê. Më nyï ndjë sə̂nə̈ lə̂ ngâ kpûlû ndə̂ azü tə̂ küma Egilîze. Më mbö rə̂ käko ndə̂kə̂ pa kua ndə̂ më mbô rə̂ alême la anə̈ angêta wabô wâ ämbämbänə̈-ê.

Gälâte 5:7

Nyë mbö rə alême la köbo nə̈! Tchabâ kä ndə̂ âkîtə̂ köbo tə̂ nyê ânyë nyë kâ mbôâbô rə mbô gundə̂sə̂ lëge pö-ê?

Fïlîpe 2:16

lakə̂ mu pö ndə̂ âza tchîsûwu sə̈ azü, käko mê âwa la mômô tə̂ pö ndə̂ nyê lo kə̂ ka ndə̂ Krîsiti, bëte kua ndə̂ mê la yûkü ndə̂ më wûn rə̂ bëte nyê wâbo ämbänə̈-a.

Fïlîpe 3:12

Më tôâbo rə̂ pä më wûtu ëtə̂ manə̈ âdəndjë rə̂ ndə̂ më dâka gbɛ̂ nə̂-a. Praâbalë gbô mê kä lə̂ rö, më zätə̂ mê gbɛ̂ la gbôgbô ndə̂kə̂ za rə ndə̂ âwâ bëte mê, bëte Jezü Krîsiti la tə̂ yê zâ mê nə̂.

Fïlîpe 3:14

Käko më kpë la rö ndə̂kə̂ wutu ëtə̂ manə̈, ânyë kə̂ gbo rə ngbânə̈ tchânə̂ Ndjapä ndə̂ tche ê azə̂ ndə̂kə̂ gbo rə̂ bhâ lafô lə̂ köbosə̂ Jezü Krîsiti.

Kölôse 2:18

Âwâbo pä nyë gbotə̂ köbo sə̈ azü ndə̂ andjë mbötə̂ andjê lə̂ la azü batə̂ akpîɛ̂kpîɛ̂ azü ânyë kə̂ voga aânje lâme-a. Andjë wäbô ngbanga wâ lə̂ küma nyê-ê. Andjë zä su andjê tə̂ angâ arə ndə̂ andjë wûn rə̂ batə̂ lü. Kə̂ wunsə̂ rə ndə̂ andjê wä batə̂ mbämbä kə̂ za küma azü, âmbô rə̂ pä andjë wüntə̂ andjê gbölö kə̈ rô azü gbɛ̂.

Aheborö 12:1

Âdə andə̂ azə̈ nə̈, azə̈ wûnsə̂ nə̈ nə̂ pä pö ndə̂ angbängbä azü ndə̂ andjë mbô rə alême gundə̂sə̂ kə̂ za su andjê sə̈ Ndjapä lâme, andjë täkpa ndrotə̂ azə̂. Käko äwäpä azə̈ gbotə̂ akʉ̂ngbô ndə̂ azə̂ gbɛ̂ ndə̂ âlû, kə̂ gbotə̂ köbo ngbongbo rə ndə̂ azə̈ te lə̂nə̈ gasa lâme-ê, kə̂ kpe la rö lakə̂ rʉatə̂ su azə̂ ndə̂kə̂ pa adɨngâalî ndə̂ a nyîsə̂ nə̈ sə̈ azə̂.

Jâke 1:12

Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Apökälîbïchi 3:11

Mê ânə angaâtə. Rə ndə̂ mo wâ la rə̂ lâme, amö za rə̂ kperə̂, ânyë ngâ akrə balë krʉabô kurône ndə̂ zə̈ krʉ̂â-ê.