Dokʉ̈ Körɛ̂nte 9:23 - Mbëtï Ndjapä: TÄFO MADƗ̈

²³ Më mbö arə lâme gbɛ̂ tə̂ pö ndə̂ Tchôtchô Pö ânyë kə̂ gbo atchôtchô arə ndə̂ Tchôtchô Pö nə̈ za rə̂.

Dokʉ̈ Körɛ̂nte 9:23 Iomraidhean Croise

Mâreke 8:35

Bëte akrə ndə̂ tche nyîndə̂ kə̂ tcha tchîsûwu ndə̂ yê, tchîsûwu ndə̂ yê nə̈ yuadje tə̂ yê. Praâbalë akrə ndə̂ tchîsûwu ndə̂ yê yû bëte mê ndjë tə̂ pö ndə̂ Tchôtchô Pö ndə̂ mê, tchê tchadje tchîsûwu ndə̂ yê.

Rômo 11:17

Azü ndə̂ Isarayële wä batə̂ yö ndə̂ olivï lə̂ kɨ̈ndɨ̈, ndə̂ a kû angâ amatö yö nə̈. Praâbalë momö, mö wä batə̂ matö yö ndə̂ olivï ndə̂ güsü, a zä mö ânyë kə̈ pî mö lə̂ gbâtə̂ adɨ̂ amatö yö ndə̂ âwâtə̂ yö lə̂ kɨ̈ndɨ̈ nə̈. Angaâtə, mo wä ndjë ndə̂kə̂ gbo tchôtchô rə batə̂ amatö yö lə̂ kɨ̈ndɨ̈ nə̈, bëte ngû ndə̂ âtô ânyë kə̈ kênga lə̂ chëchë da yö nə̈.

Dokʉ̈ Körɛ̂nte 9:12

Âdə angâ azü âyukû rə nə̈ tchânə̂ nyê, bëte giamâ kä ndə̂ ârâ yuabô kû nə̈ yû âro andə̂ andjanə̈ lâme? Praâbalë ârâ mbôâbo tâ käko-a. Ârâ rʉ̈ätə̂ su ârâ pâ arə gbɛ̂, ânyë kə̂ mboabô ngâ rə mbô ndə̂ âkitə̂ köbo tə̂ Tchôtchô Pö ndə̂ Krîsiti-î.

Dokʉ̈ Körɛ̂nte 9:22

Âdə mê âsə lə̂ gûtə̂ azü ndə̂ andjë kpôkpoabô tə̂ andjê kpôkpo lə̂kə̂ za su andjê sə̈ Krîsiti, kə̂ mbo rə batə̂ azü ndə̂ andjë kpôkpoabô tə̂ andjê kpôkpo lə̂kə̂ za su andjê sə̈ Krîsiti ânyë kə̂ gbo andjê sə̈ Krîsiti. Më zätə̂ mê gbɛ̂ sə̈ azü gbɛ̂ ndə̂kə̂ mbo rə̂ gbɛ̂ ânyë kə̂ tcha angânə̈ sə̈ Krîsiti.

Dokʉ̈ Körɛ̂nte 9:24

Nyë wûn-âbo sə̂nə̈ pä azü ndə̂ andjë pa adɨngâalî lə̂ la azü gbɛ̂, andjë kpë nyɛ̂ɛ̂ balë, praâbalë ngâ akrə balë kä ndə̂ âgbo tchôtchô rə ngbânə̈? Nyë pä adɨngâalî la känyï ndə̂kə̂ pa nyë gbo ngâ tchôtchô rə ngbânə̈.

Bïchuû Körɛ̂nte 2:4

Tə̂ lëge nə̈, më wän mbëtï sə̈ nyê la nyonyo tə̂ su mê, la ngûla, âdə̂âbo ndə̂kə̂ za nyonyo tə̂ su nyê-a, praâbalë ndə̂kə̂ pa nyë wunsə̂ nə̈ pä më nyïndə̂ nyê tə̂ gbölösə̂nə̈.

Gälâte 2:5

Ârâ mbôâbo tə̂ ârâ gundə̂sə̂ pö ndə̂ andjê lâme balë-a, âdəndjë lə̂ ngâ kpîɛ̂kpîɛ̂ dalo balë-a. Bëte ârâ nyïndə̂ kə̂ bata Tchôtchô Pö ndə̂ âwâtə̂ lëge pö bëte nyê.

Bïchuû Timotë 2:10

Bëte rə̂ kä ndə̂ më rʉ̂âtə̂ su mê lə̂ arə gbɛ̂, bëte azü ndə̂ Ndjapä dɨ̂ andjê ndə̂kə̂ pa andjë tcha ndjë lə̂ kuzü. Kə̂ tcha lə̂ kuzü nə̈ lâme wâ lə̂ Jezü Krîsiti lakə̂ lusə̂tə̂ ndə̂ logbɛ̂ logbɛ̂.

Bïchuû Timotë 2:6

Earə̂ kə̂ djo kɨ̈ndɨ̈ ndə̂ tche wûn yûkü lakə̂ djo kɨ̈ndɨ̈, tchetchë kä ndə̂ âgbo andjî rəgʉ kɨ̈ndɨ̈ nə̈ dokʉ̈tchê.

Aheborö 3:1

Arə̂mâ ndə̂ mê, nyë wätə̂ azü ndə̂ Ndjapä ê nyê ndə̂kə̂ watə̂ azü ndə̂ yê, käko äwäpä nyë lusə̂ Jezü, tchanə̈ ndə̂ Ndjapä wân tchë ndə̂kə̂ watə̂ gbölö earə̂ kə̂ wa ngela ndə̂ su azə̂ ndə̂ azə̈ zâ rə̂ sə̈ tchë, ânyë kə̂ mu pö ndə̂nə̈.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Dokʉ̈ Jâan 1:3

Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.