Dokʉ̈ Körɛ̂nte 9:22 - Mbëtï Ndjapä: TÄFO MADƗ̈

²² Âdə mê âsə lə̂ gûtə̂ azü ndə̂ andjë kpôkpoabô tə̂ andjê kpôkpo lə̂kə̂ za su andjê sə̈ Krîsiti, kə̂ mbo rə batə̂ azü ndə̂ andjë kpôkpoabô tə̂ andjê kpôkpo lə̂kə̂ za su andjê sə̈ Krîsiti ânyë kə̂ gbo andjê sə̈ Krîsiti. Më zätə̂ mê gbɛ̂ sə̈ azü gbɛ̂ ndə̂kə̂ mbo rə̂ gbɛ̂ ânyë kə̂ tcha angânə̈ sə̈ Krîsiti.

Dokʉ̈ Körɛ̂nte 9:22 Iomraidhean Croise

Rômo 11:14

ndə̂kə̂ mbo rə̂ pä azü pâ mawo ndə̂ mê ajuîfu wa la gbölö su ânyë mê tcha angânə̈ lə̂ gbâtə̂ andjê lə̂ kuzü.

Rômo 14:1

Akrə ndə̂ tche zâ su yê sə̈ Ndjapä ânyë kə̈ kpôkpoabô tə̂ yê kpôkpo-ê, äwäpä nyë za tchë. Nyë jëndeabô tchë jênde-ê, bëte apö ndə̂ tche rɨ sə̂nə̈ bhâtə̂ su yê ânyë kə̈ wûn andə̂ ye pä äkä lə̂ köbo nə̈ lâme.

Rômo 14:2

Ngâ akrə ndə̂ tche zâ su yê sə̈ Ndjapä wün andə̂ ye nə̈ päkëdə̂ anyë wä ndə̂kə̂ zɨ arə gbɛ̂. Praâbalë ngâ akrə ndə̂ tche zâ su yê sə̈ Ndjapä ânyë kə̈ kpôkpoabô tə̂ yê kpôkpo zɨ̈ andə̂ ye nə̈ kütû akʉ̈kʉ̂-gûsû.

Rômo 15:1

Azə̂ ndə̂ azə̈ wâ la gbôgbô lə̂kə̂ za su azə̂ sə̈ Ndjapä, äwäpä pö ndə̂ azü ndə̂ andjë kpôkpoabô tə̂ andjê kpôkpo-ê za su azə̂ ânyë azə̈ za könô sə̈ andjê pâ rə ndə̂ andjë rɨ su andjê tâ; azə̈ püäbô rə pû kütû bëte rə ndə̂ âfû tə̂ azə̂-ê.

Rômo 15:2

Äwäpä akrə balë balë lə̂ gbâtə̂ azə̂ pu köbo ndə̂kə̂ mbo rə ndə̂ âfû tə̂ angâ yê, tə̂ pö ndə̂ dâkâ ndə̂ andjê, käko ânyë andjë kpokpo tə̂ andjê lə̂ su andjê ndə̂ andjë zâ rə̂ sə̈ Jezü.

Dokʉ̈ Körɛ̂nte 10:33

Nyë mbö rə batə̂ mê: Më sə̈ lakə̂ pu köbo gbɛ̂ ndə̂kə̂ daka lə̂ la azü gbɛ̂ lə̂ arə gbɛ̂. Më pûâbo rə kütû bëte mê la tə̂ mê-a, praâbalë më pü rə bëte angbängbä azü ndə̂kə̂ pa andjë tcha lə̂ kuzü.

Dokʉ̈ Körɛ̂nte 7:16

Momö ndə̂ ɛ̈chë ndə̂ mo zâ su zə̈ sə̈ Ndjapä lâme, mo wünsə̂ nə̈ pä mô tchadje köchë ndə̂ zə̈ lə̂ kuzü? Momö ndə̂ köchë ndə̂ mo zâ su zə̈ sə̈ Ndjapä lâme, mo wünsə̂ nə̈ pä mô tchadje ɛ̈chë ndə̂ zə̈ lə̂ kuzü?

Dokʉ̈ Körɛ̂nte 8:13

Bëte rə̂ kä, âdə kɨ̈zɨ̂ kä ndə̂ âmbo rə̂ pä ngâ mê te, mê kä zɨ bata gûsû balë tee-a, ânyë ngâ mê teabô tê lə̂ köbosə̂ nə̈-ê.

Dokʉ̈ Körɛ̂nte 9:19

Tə̂ lëge nə̈ më wâbo tə̂ ngbâa ndə̂ ngâ akrə balë-a, praâbalë më mbötə̂ mê tə̂ ngbâa ndə̂ azü gbɛ̂ ndə̂kə̂ gbo azü tə̂ gbölösə̂nə̈.

Dokʉ̈ Körɛ̂nte 9:23

Më mbö arə lâme gbɛ̂ tə̂ pö ndə̂ Tchôtchô Pö ânyë kə̂ gbo atchôtchô arə ndə̂ Tchôtchô Pö nə̈ za rə̂.

Bïchuû Körɛ̂nte 11:29

Âdə ngâ akrə âwabô wâ la gbôgbô, mëmê ndjë gbɛ̂ më wün ndjë tə̂ mê käko. Âdə a âmbo rə̂ pä ngâ akrə te lə̂ ngbongbo rə, âkʉ mê tə̂ gbölösə̂nə̈.

Gälâte 6:1

Arə̂mä, âdə nyë âgbo ngâ akrə lakə̂ mbo ngbongbo rə, nyënyê ndə̂ Kpɨ̂ki Yingö wâ lə̂ nyê, äwäpä nyë ka la tchë pâ tchôtchô köbo tə̂ nyima nə̈. La zə̈ gbö-ê! Ânyë momö ndjë gbɛ̂ ngâ rə vuabô mö vû ndə̂kə̂ pa mo te lə̂ ngbongbo rə-ê.