Dokʉ̈ Körɛ̂nte 9:21 - Mbëtï Ndjapä: TÄFO MADƗ̈

²¹ Âdə mê âsə lə̂ gûtə̂ andjanə̈ ndə̂ andjë wûn-âbô sə̂ ndïɛ̈ ndə̂ Möyîze wûn-î, kə̂ mbo rə batə̂ azü ndə̂ andjë wûn-âbô sə̂ ndïɛ̈ ndə̂ Möyîze wûn-î, ânyë kə̂ gbo andjê sə̈ Krîsiti. Ânyîâbo ndə̂kə̂ to rə̂ pä më kösə̂ ndïɛ̈ ndə̂ Ndjapä-a, bëte më mbö rə gundə̂sə̂ ndïɛ̈ ndə̂ Krîsiti.

Dokʉ̈ Körɛ̂nte 9:21 Iomraidhean Croise

Abadjângele 15:28

Kpɨ̂ki Yingö la ârâ la tə̂ ârâ, ârâ nyîâbo ndə̂kə̂ za ngâ kʉ̂ngbô ëpâ nyê-a. Praâbalë rə ndə̂ âwâ ndə̂kə̂ pa nyë mbo rə̂ wä kâkë:

Abadjângele 16:4

Lə̂ agö gbɛ̂ ndə̂ Pôlo la Sïlâse rô lə̂nə̈, andjë sə̈ lakə̂ to tchêngbâ kə̂ zâma ndə̂ abadjângele la akpôkpô azü ndə̂ Jerûzalêmo nyikrə rə̂, kə̈ yûkû nə̈ sə̈ andjê ndə̂kə̂ pa andjë mbo rə gundə̂sə̂ nə̈.

Abadjângele 21:25

Âdə andə̂ azü ndə̂ andjë wâbô wâtə̂ ajuîfu ânyë kə̈ zâ su andjê sə̈ Krîsiti lâme, ârâ mbô mbëtï sə̈ andjê nə̂. Ârâ zäma lə̂nə̈ päkëdə̂: Gûsû ndə̂ a wâ rə̂ la ngela sə̈ angakʉ̈lä, äwäpä andjë zɨabô rə̂ zɨ̂-î. Andjë wâbo ndjë ndə̂kə̂ zɨ jï-a, la gia ndə̂ tche tchû la jï lə̂ yê-a. Âwâbo pä andjë pu aɛ̈chë âdəndjë aköchë katchôgbɛ̂-a.»

Rômo 2:12

Azü ndə̂ andjë wûn-âbô sə̂ ndïɛ̈ ndə̂ Möyîze wûn ânyë kə̂ mbo angbongbo rə, andjê âtchu me tchü âdəndjë rə̂ ndə̂ andjë wûn-âbô sə̂ ndïɛ̈ nə̈ wûn. Andə̂ ajuîfu ndə̂ andjë wûnsə̂ ndïɛ̈ ndə̂ Möyîze ânyë kə̂ mbo angbongbo rə, Ndjapä âwadje ngbanga ndə̂ andjê lə̂ köbosə̂ ndïɛ̈ nə̈ lâme.

Rômo 2:14

Azü ndə̂ andjë wâbô wâtə̂ ajuîfu wûn-âbo sə̂ ndïɛ̈ ndə̂ Möyîze-a. Batə̂ rə̂ ndə̂ su andjê nyisə̂ nə̈ sə̈ andjê, andjë mbö rə gundə̂sə̂ ndïɛ̈ nə̈. Rə lâme nyïndə̂ kə̂ nyisə̂ nə̈ pä ndïɛ̈ ndə̂ andjê wä bhâlə̂ su andjê la tə̂ andjê, ndə̂kə̂ wun rə̂ djîrə̂ andjë wâbo la ndïɛ̈ nə̈-a.

Rômo 7:22

Bëte rə̂ kä, bhâlə̂ su mê, ndïɛ̈ ndə̂ Ndjapä fü tə̂ mê.

Rômo 7:25

Më zä ayîabâ sə̈ Ndjapä lə̂ köbosə̂ Jezü Krîsiti, Gbölö Gbïɛ̈ ndə̂ azə̂! Käko köbo kə̂ sə ndə̂ mê wä kâkë: Lə̂ köbosə̂ kə̂ wunsə̂ rə ndə̂ mê, më wätə̂ ngbâa ndə̂ ndïɛ̈ ndə̂ Ndjapä, ânyë lə̂ köbo kə̂ sə ndə̂ mê ndə̂ akrə, më wätə̂ ngbâa ndə̂ ndïɛ̈ ndə̂ ngbongbo rə.

Rômo 8:4

Ndjapä mbö rə̂ käko ndə̂kə̂ pa azə̈ wa la gbôgbô ndə̂kə̂ mbo rə batə̂ rə̂ ndə̂ ndïɛ̈ yûkû nə̈ sə̈ azə̂. Käko azə̈ mbôâbo rə gundə̂sə̂ angbongbo gʉ su azə̂-a, praâbalë azə̈ mbö rə gundə̂sə̂ rə ndə̂ Yingö nyîndə̂ nə̈.

Gälâte 3:2

Më nyïndə̂ nə̈ pä nyë to pö pâ pö ndə̂ mê yu nyê la rə̂ âtə: Nyë gbö Yingö bëte rə̂ ndə̂ nyë mbô rə gundə̂sə̂ ndïɛ̈? Âdəndjë bëte rə̂ ndə̂ nyë djê Tchôtchô Pö ânyë kə̈ zâ su nyê pânə̈?

Gälâte 6:2

Nyë kʉ̈ arə ndə̂ âlû lə̂ su angâ nyê lə̂ gbâtə̂ nyê: Käko ânyë, nyê mboadje rə gundə̂sə̂ ndïɛ̈ ndə̂ Krîsiti.

Aheborö 8:10

Gbölö Gbïɛ̈ tö rə̂ päkëdə̂: Madɨ̈ ndə̂ mëmê la azü gö ndə̂ Isarayële drô rə̂ la tchêngbâ alö nə̈ lâme kä âtə: Mê mboadje andïɛ̈ ndə̂ mê bhâlə̂ kə̂ za küma andjê, ânyë kə̂ mboadje rə̂ bhâlə̂ su andjê. Mê wadje tə̂ Ndjapä ndə̂ andjê, ânyë andjê wadje tə̂ azü gö ndə̂ mê.