Dokʉ̈ Körɛ̂nte 9:16 - Mbëtï Ndjapä: TÄFO MADƗ̈

¹⁶ Bhândə̂ mê, ndə̂kə̂ mu Tchôtchô Pö wâbo tə̂ pö ndə̂kə̂ bhi gogo-a, ädə̈ ngâ rə ndə̂ më wâ ndə̂kə̂ mbo rə̂. Nyonyo kä tə̂ mê, âdə më âmuabô Tchôtchô Pö mû-î.

Dokʉ̈ Körɛ̂nte 9:16 Iomraidhean Croise

Matiyə̈ 25:16

Akrə ndə̂ tche wâ la mîɛ̈-makətche ndə̂ lôlo ngbangbo mïndûu ê kə̈ bhî küma yê pânə̈, kə̈ gbô ngânə̈ ngbangbo mïndûu ëpânə̈.

Lûke 9:62

Jezü tô rə̂ sə̈ tchë päkëdə̂: «Akrə ndə̂ tche jêtə̂ kə̂ djo kɨ̈ndɨ̈ la machïni ndə̂ abâgala, ânyë kə̈ kâ wûn tchô atə̂ngbâ yê, akrə lâme kʉ̂âbo sə̂kə̂ mbo kua bëte Gbölö gö-gbïɛ̈ ndə̂ Ndjapä-a.»

Abadjângele 4:20

Andə̂ ârâ, rə ndə̂ ârâ wûn rə̂ ânyë kə̈ djê rə̂ âtə, ârâ wâbo ndə̂kə̂ ngbo ma ârâ pânə̈-a.»

Abadjângele 9:15

Praâbalë Gbölö Gbïɛ̈ tô rə̂ sə̈ tchë päkëdə̂: «Êë, bëte më dɨ̈ köchë âtə ndə̂kə̂ pa tche watə̂ ngâ rə kua ndə̂ mê, ndə̂kə̂ nyisə̂ rə̈ mê sə̈ azü ndə̂ agö pâ amawo ngbî ngbî, agbïɛ̈ la azü ndə̂ Isarayële.

Abadjângele 9:6

Praâbalë amö alafô, kə̈ lî atə̂lə̂ gö nə̈, a âtoadje sə̂ rə ndə̂ mo wâ ndə̂kə̂ mbo rə̂.»

Rômo 1:14

Äwäpä më zatə̂ mê ndə̂kə̂ mbo kua la azü gbɛ̂: Azü ndə̂ küma andjê wâ lanə̈ la azü ndə̂ küma andjê wâbô wâ lanə̈, azü ndə̂ andjë wûnsə̂ rə tə̂ gbölösə̂nə̈ la azü ndə̂ andjë wûnsə̂ rə kpîɛ̂kpîɛ̂ rə̂.

Rômo 15:17

Më wä ndə̂kə̂ bhi gogo mê bëte rə̂ ndə̂ më wâ balë la Jezü Krîsiti, më wä ndə̂kə̂ bhi gogo mê bëte kua ndə̂ Ndjapä.

Rômo 4:2

Âdə Abrahâmo âwa alême djîrə̂ lə̂ la Ndjapä bëte atchôtchô rə ndə̂ tche mbô rə̂, tche wä ndə̂kə̂ bhi gogo yê pânə̈. Praâbalë tche wâbo ndə̂kə̂ bhi gogo yê lə̂ la Ndjapä-a.

Dokʉ̈ Körɛ̂nte 4:15

Bëte âdə azü sâke lə̂ könô gbɛ̂ kä ndə̂ ânyîsə̂ köbo ndə̂kə̂ wa balë la Krîsiti sə̈ nyê, arabha nyê ngbâbo ngbä-a: Mëmê kä ndə̂ âzɨ̂ nyê lə̂ köbosə̂ nə̈ ndə̂ më mû Tchôtchô Pö sə̈ nyê ânyë nyë wâ balë la Jezü Krîsiti.

Dokʉ̈ Körɛ̂nte 9:12

Âdə angâ azü âyukû rə nə̈ tchânə̂ nyê, bëte giamâ kä ndə̂ ârâ yuabô kû nə̈ yû âro andə̂ andjanə̈ lâme? Praâbalë ârâ mbôâbo tâ käko-a. Ârâ rʉ̈ätə̂ su ârâ pâ arə gbɛ̂, ânyë kə̂ mboabô ngâ rə mbô ndə̂ âkitə̂ köbo tə̂ Tchôtchô Pö ndə̂ Krîsiti-î.

Dokʉ̈ Körɛ̂nte 9:14

Äwä ndjë batə̂ rə̂ ndə̂ Gbölö Gbïɛ̈ zâma ndə̂kə̂ pa akrə ndə̂ tche mu Tchôtchô Pö gbo ndjë rə ndə̂ yê lə̂ köbosə̂ Tchôtchô Pö nə̈.

Bïchuû Körɛ̂nte 2:12

Ndə̂ më âsə̈ wutu bhâ Tröwâse ndə̂kə̂ mu Tchôtchô Pö ndə̂ Krîsiti, më wûnsə̂ nə̈ nə̂ pä Gbölö Gbïɛ̈ jî köbo sə̈ mê nə̂ ndə̂kə̂ mbo kua.

Kölôse 4:17

Ndə̂kə̂ ka pö ndə̂ mê, nyë tö rə̂ sə̈ Ärchîpe päkëdə̂: «La zə̈ gbö tə̂ kua ndə̂ Gbölö Gbïɛ̈ zâ rə̂ sə̈ mö! Amö mbo rə̂ lə̂ köbo nə̈.»