Dokʉ̈ Körɛ̂nte 9:15 - Mbëtï Ndjapä: TÄFO MADƗ̈

¹⁵ Praâbalë më gbôâbo ngâ rə balë lə̂nə̈-a. Më mbôâbo mbëtï âtə ndə̂kə̂ yukû nə̈-a. Ädäka ndə̂kə̂ pa më tchu kə̈ rô rə̂ ndə̂kə̂ pa më yukû rə tchânə̂ nyê. Bëte rə̂ kä ndə̂ mê bhi gogo mê, ngâ akrə balë ndə̂ tche wâ ndə̂kə̂ ji rə̂ wâbo-a.

Dokʉ̈ Körɛ̂nte 9:15 Iomraidhean Croise

Matiyə̈ 18:6

«Akrə ndə̂ tche mbô rə̂ pä ngânə̈ balë lə̂ gûtə̂ ayɛ̈yɛ̈ abechë ndə̂ andjë zâ su andjê sə̈ mê te lə̂ ngbongbo rə, äfü pä a i ngâ gbölö täme tə̂ gɨ̈ yê, kə̂ yi tchë la rə̂ lə̂ dju gbölö ngû ngbro.

Abadjângele 18:3

Tche sə̂ po bhândə̂ andjê bëte kua ndə̂ tche mbo rə̂ la andə̂ Äkïlâse nə̈ wä balë: Andjë də̈ azü ndə̂ andjë mbo kua ndə̂ andokʉ̈ ndə̂ a mbo rə̂ la lə̂ba.

Abadjângele 20:24

Praâbalë më wün tchîsûwu ndə̂ mê batə̂ ngâ mbämbä rə lə̂ la mê. Rə ndə̂ mê pu köbo nə̈ wä ndə̂kə̂ pa më ka kua ndə̂ mê, kə̂ mbo rə gbɛ̂ ndə̂ Gbölö Gbïɛ̈ Jezü zâ rə̂ sə̈ mê ndə̂kə̂ mbo rə̂. Äwä ndə̂kə̂ mu Tchôtchô Pö ndə̂ ânə̂ lə̂ köbosə̂ tchôtchô su Ndjapä sə̈ azü.

Abadjângele 20:33

Më mbôâbo gʉ makətche âdəndjë lôlo âdəndjë lə̂ba ndə̂ ngâ akrə balë-a.

Abadjângele 20:34

Nyënyê la tə̂ nyê, nyë wûnsə̂ nə̈ nə̂ gbɛ̂ pä më mbö kua la könô mê ânyë mëmê la azü ndə̂ ârâ mbô kua balë la andjê gbo arə ngbânə̈.

Abadjângele 8:3

Andə̂ Sôlo, tche sə̈ logbɛ̂ lakə̂ ndrɨndrɨ Egilîze. Tche lï kulə̂ anda ndə̂kə̂ kʉ aköchë la aɛ̈chë ânyë kə̂ yi andjê atə̂lə̂ nda kânga.

Dokʉ̈ Körɛ̂nte 4:12

Ârâ wün yûkü lakə̂ mbo kua la könô ârâ ânyë kə̂ gbo kɨ̈zɨ̂. A drö ârâ, praâbalë ârâ ë tchôtchô pö pâ andjê, a mbö ârâ la gbôgbô, praâbalë ârâ rʉ̈ätə̂ su ârâ.

Dokʉ̈ Körɛ̂nte 9:12

Âdə angâ azü âyukû rə nə̈ tchânə̂ nyê, bëte giamâ kä ndə̂ ârâ yuabô kû nə̈ yû âro andə̂ andjanə̈ lâme? Praâbalë ârâ mbôâbo tâ käko-a. Ârâ rʉ̈ätə̂ su ârâ pâ arə gbɛ̂, ânyë kə̂ mboabô ngâ rə mbô ndə̂ âkitə̂ köbo tə̂ Tchôtchô Pö ndə̂ Krîsiti-î.

Dokʉ̈ Körɛ̂nte 9:18

Käko makətche-kua ndə̂ mê nə̈ də̈ nə̈bâ? Ädə̈ rə̂ ndə̂ mê mu Tchôtchô Pö ämbämbänə̈ sə̈ azü. Rə ndə̂ âwâ âme ndə̂kə̂ pa më gbo rə̂ ngbânə̈, më yûâbo kû nə̈-a.

Dokʉ̈ Tësälönîke 2:9

Arə̂mä, äwäpä su nyê te pâ yûkü ndə̂ ârâ wûn rə̂ alême lakə̂ mbo kua, ânyë gbâdâ kâ tə̂ ârâ. Ârâ mbö kua dalobiî ânyë kə̈ wâbô wâtə̂ kʉ̂ngbô pâ ngâ akrə balë-ê. Käko kä ndə̂ ârâ mû Tchôtchô Pö ndə̂ Ndjapä.

Bïchuû Tësälönîke 3:8

Kɨ̈zɨ̂ ndə̂ ârâ zɨ̂ rə̂, ârâ yûâbo kû nə̈ tchânə̂ ngâ akrə balë-a, praâbalë ârâ wün yûkü, kə̈ mômo lakə̂ mbo kua dalobiî ânyë kə̈ wâbô wâtə̂ kʉ̂ngbô pâ ngâ akrə balë lə̂ gbâtə̂ nyê-ê.