Dokʉ̈ Körɛ̂nte 9:12 - Mbëtï Ndjapä: TÄFO MADƗ̈

¹² Âdə angâ azü âyukû rə nə̈ tchânə̂ nyê, bëte giamâ kä ndə̂ ârâ yuabô kû nə̈ yû âro andə̂ andjanə̈ lâme? Praâbalë ârâ mbôâbo tâ käko-a. Ârâ rʉ̈ätə̂ su ârâ pâ arə gbɛ̂, ânyë kə̂ mboabô ngâ rə mbô ndə̂ âkitə̂ köbo tə̂ Tchôtchô Pö ndə̂ Krîsiti-î.

Dokʉ̈ Körɛ̂nte 9:12 Iomraidhean Croise

Lûke 11:52

«Nyonyo kä tə̂ nyê, a-earə̂ kə̂ nyisə̂ ndïɛ̈! Nyë zä kûlïɛ̈ ndə̂ âwâ ndə̂kə̂ pa a kro manda kə̂ wunsə̂ rə la rə̂, praâbalë nyë lîâbo andə̂ nye nə̈-a, kə̈ kîtə̂ manda tə̂ azü ndə̂ andjë nyîndə̂ kə̂ li.»

Abadjângele 18:3

Tche sə̂ po bhândə̂ andjê bëte kua ndə̂ tche mbo rə̂ la andə̂ Äkïlâse nə̈ wä balë: Andjë də̈ azü ndə̂ andjë mbo kua ndə̂ andokʉ̈ ndə̂ a mbo rə̂ la lə̂ba.

Rômo 15:22

Më nyïndə̂ gbɛ̂ ndə̂kə̂ e bhândə̂ nyê, praâbalë rə lâme kä âkə̈ kîtə̂ köbo tə̂ mê.

Dokʉ̈ Körɛ̂nte 13:7

Akrə ndə̂ tche nyîndə̂ kə̂ gʉa la yê pâ angbongbo arə gbɛ̂ ndə̂ a mbo rə̂ tə̂ yê, tche zä su yê sə̈ Ndjapä lə̂ arə gbɛ̂, tche zä su yê pâ arə gbɛ̂ ndə̂ tche krʉ̂ bëte rə̂, tche rʉ̈ätə̂ su yê lə̂ arə gbɛ̂.

Dokʉ̈ Körɛ̂nte 6:7

Ndə̂ pö ndə̂kə̂ e la angâ nyê atə̂lə̂ ngbanga də̂ käko lâme, köbo nyê yû nə̂. Bëte giamâ kä ndə̂ nyë rʉ̂âbô rʉ̂âtə̂ su nyê la azü ndə̂ andjë mbô ngbongbo rə tə̂ nyê la azü ndə̂ andjë zɨ̂ ngbä rə ndə̂ nyê?

Dokʉ̈ Körɛ̂nte 9:14

Äwä ndjë batə̂ rə̂ ndə̂ Gbölö Gbïɛ̈ zâma ndə̂kə̂ pa akrə ndə̂ tche mu Tchôtchô Pö gbo ndjë rə ndə̂ yê lə̂ köbosə̂ Tchôtchô Pö nə̈.

Dokʉ̈ Körɛ̂nte 9:15

Praâbalë më gbôâbo ngâ rə balë lə̂nə̈-a. Më mbôâbo mbëtï âtə ndə̂kə̂ yukû nə̈-a. Ädäka ndə̂kə̂ pa më tchu kə̈ rô rə̂ ndə̂kə̂ pa më yukû rə tchânə̂ nyê. Bëte rə̂ kä ndə̂ mê bhi gogo mê, ngâ akrə balë ndə̂ tche wâ ndə̂kə̂ ji rə̂ wâbo-a.

Dokʉ̈ Körɛ̂nte 9:16

Bhândə̂ mê, ndə̂kə̂ mu Tchôtchô Pö wâbo tə̂ pö ndə̂kə̂ bhi gogo-a, ädə̈ ngâ rə ndə̂ më wâ ndə̂kə̂ mbo rə̂. Nyonyo kä tə̂ mê, âdə më âmuabô Tchôtchô Pö mû-î.

Dokʉ̈ Körɛ̂nte 9:18

Käko makətche-kua ndə̂ mê nə̈ də̈ nə̈bâ? Ädə̈ rə̂ ndə̂ mê mu Tchôtchô Pö ämbämbänə̈ sə̈ azü. Rə ndə̂ âwâ âme ndə̂kə̂ pa më gbo rə̂ ngbânə̈, më yûâbo kû nə̈-a.

Dokʉ̈ Körɛ̂nte 9:2

Âdə angâ azü âwun-abô mê wûn batə̂ badjângele, praâbalë bhândə̂ nyê, më wätə̂ badjângele. Bëte lə̂ köbosə̂ nə̈ ndə̂ nyë wâ balë la Gbölö Gbïɛ̈, nyë nyïsə̂ nə̈ la tə̂ nyê pä më də̈ badjângele.

Bïchuû Körɛ̂nte 11:12

Rə ndə̂ mê mbo rə̂ angêta, mê kä mboadje rə̂, käko âdə angâ azü ânyində̂ kə̂ gbo ngâ rə ndə̂kə̂ krʉ pânə̈ ânyë kə̂ bhi gogo andjê batə̂ ârâ, andjê gboabô rə̂ tee-a!

Bïchuû Körɛ̂nte 11:20

Azü kä lakə̂ mbo nyê la ngbâa, azü zɨ̈ rə ndə̂ nyê, kə̂ kʉ arə ndə̂ nyê gbɛ̂, kə̂ talusə̂ nyê, kə̂ rʉa ngälâ nyê, praâbalë nyë rʉ̈ätə̂ su nyê la andjê!

Bïchuû Körɛ̂nte 2:12

Ndə̂ më âsə̈ wutu bhâ Tröwâse ndə̂kə̂ mu Tchôtchô Pö ndə̂ Krîsiti, më wûnsə̂ nə̈ nə̂ pä Gbölö Gbïɛ̈ jî köbo sə̈ mê nə̂ ndə̂kə̂ mbo kua.

Bïchuû Körɛ̂nte 6:3

Ârâ nyîâbo ndə̂kə̂ mbo rə̂ pä ngâ akrə te lə̂ köbosə̂ ârâ-a, ânyë azü toabô ngbongbo pö tô pâ kua ndə̂ ârâ-ê.