Dokʉ̈ Körɛ̂nte 9:1 - Mbëtï Ndjapä: TÄFO MADƗ̈

¹ Më kʉ̂âbo sə̂kə̂ mbo arə gbɛ̂? Më də̂âbo badjângele? Më wûn-âbo Jezü Gbölö Gbïɛ̈ ndə̂ azə̂? Nyë də̂âbo azü ndə̂ nyë wâtə̂ rə ngbâ kua ndə̂ më mbô rə̂ sə̈ Gbölö Gbïɛ̈ lâme?

Dokʉ̈ Körɛ̂nte 9:1 Iomraidhean Croise

Abadjângele 13:2

Tə̂ngâlo, ndə̂ andjë pâlatə̂ andjê ndə̂kə̂ voga Gbölö Gbïɛ̈ ânyë kə̈ kôsə̂ kɨ̈zɨ̂ ndə̂kə̂ to pö sə̈ Ndjapä, Kpɨ̂ki Yingö tô rə̂ sə̈ andjê päkëdə̂: «Nyë zä Bärnäbâse la Sôlo ngbî bëte mê ndə̂kə̂ pa andjë mbo kua ndə̂ më ê andjê ndə̂nə̈.»

Abadjângele 14:14

Ndə̂ Pôlo la Bärnäbâse âsə̈ dje pö ndə̂nə̈, andjë srô tchə̂lə̂ lə̂ba tə̂ andjê, kə̈ kpê kə̈ lî lə̂ gbâtə̂ azü nə̈, ânyë kə̈ ôn ngbôô päkëdə̂:

Abadjângele 14:4

Tchə̂lə̂ azü lə̂ gö nə̈ krʉ̂ tchə̂lə̂ tə̂ yê: Angânə̈ zâ tchêngbâ ajuîfu ânyë angânə̈ zâ tchêngbâ abadjângele.

Abadjângele 23:11

Lə̂ bütchî la tchêngbânə̈, Gbölö Gbïɛ̈ krʉ̂ ndrotə̂ Pôlo ânyë kə̈ tô rə̂ sə̈ tchë päkëdə̂: «Kpokpo tə̂ zə̈-ê, amö nyisə̂ arə ndə̂ mo wûnsə̂ nə̈ pâ mê bhâ Jerûzalêmo, äwäpä mo mbo ndjë tâ käko bhâ Rômo.»

Abadjângele 9:15

Praâbalë Gbölö Gbïɛ̈ tô rə̂ sə̈ tchë päkëdə̂: «Êë, bëte më dɨ̈ köchë âtə ndə̂kə̂ pa tche watə̂ ngâ rə kua ndə̂ mê, ndə̂kə̂ nyisə̂ rə̈ mê sə̈ azü ndə̂ agö pâ amawo ngbî ngbî, agbïɛ̈ la azü ndə̂ Isarayële.

Abadjângele 9:17

Änänîâse ê kə̈ lî bhâ tchâalê, kə̈ tô könô yê pâ küma Sôlo, kə̈ tô rə̂ sə̈ tchë päkëdə̂: «Sôlo, ngâ mê, Gbölö Gbïɛ̈ kä ndə̂ âwân mê. Jezü ndə̂ tche mâtə̂ yê tə̂ zə̈ lə̂ köbo ndə̂ mo nə̂ tâ lâme. Tche wän mê ndə̂kə̂ pa mo ka wûn tchô ânyë kə̂ sɨ̂sɨ̈ la Kpɨ̂ki Yingö.»

Abadjângele 9:3

Ndə̂ gbô Sôlo ndə̂po lə̂ köbo, kə̈ ndô la Dämâse, kpro kâkë, ngâ ngbänga tô bhâ lafô kə̈ jrê kə̈ zâ tchô ndrotə̂ yê gbɛ̂.

Abadjângele 9:5

Sôlo yû tchô päkëdə̂: «Mo də̈ tchabâ, Gbölö Gbïɛ̈?» Tchə̂lə̂ gɨ̈ nə̈ tô rə̂ päkëdə̂: «Mëmê Jezü kä ndə̂ mo mbo gbôgbô tə̂ mê lâme.

Rômo 1:1

Mëmê Pôlo, ndə̂ më wâtə̂ earə̂ kua ndə̂ Jezü Krîsiti, më mbö mbëtï âtə sə̈ nyê. Ndjapä ë mê ndə̂kə̂ pa më watə̂ badjângele ndə̂ yê. Tche zä mê ngbî ndə̂kə̂ pa më mu Tchôtchô Pö ndə̂ yê sə̈ azü gbɛ̂.

Rômo 1:5

Lə̂ köbosə̂ yê, Ndjapä mbö tchôtchô su tə̂ mê ndə̂kə̂ watə̂ badjângele ndə̂kə̂ mbo rə̂ ânyë azü gbɛ̂ ndə̂ andjë wâbô wâtə̂ ajuîfu za su andjê sə̈ Jezü Krîsiti ndə̂kə̂ mbo rə gundə̂sə̂ pö ndə̂ yê. Më mbö rə̂ bëte rə̈ Krîsiti.

Rômo 11:13

Angaâtə, nyënyê ndə̂ nyë wâbô wâtə̂ ajuîfu, nyënyê kä ndə̂ mê to pö sə̈ nyê âtə. Më wätə̂ badjângele ndə̂ andjanə̈ ndə̂ andjë wâbô wâtə̂ ajuîfu. Bëte rə̂ kä ndə̂ mê lusə̂ kua ndə̂ mê,

Dokʉ̈ Körɛ̂nte 1:1

Mëmê Pôlo, Ndjapä ë mê ndə̂kə̂ watə̂ badjângele ndə̂ Jezü Krîsiti, batə̂ rə̂ ndə̂ su Ndjapä nyîndə̂ nə̈, mëmê la Sösötêne ngâ azə̂,

Dokʉ̈ Körɛ̂nte 10:29

Më tôâbo pö âtə tə̂ pö ndə̂ kə̂ rɨ tchə̂lə̂ su nyê-a, praâbalë më tö pö ndə̂ kə̂ rɨ tchə̂lə̂ su tchanə̈ lâme. «Bëte giamâ kä ndə̂ a kitə̂ köbo tə̂ mê ndə̂kə̂ kosə̂ rə ndə̂ ngâ akrə rɨ̂ tchə̂lə̂ su yê tâ, ânyë kə̈ wâ ngbanga pânə̈?

Dokʉ̈ Körɛ̂nte 10:30

Âdə mê âza ayîabâ sə̈ Ndjapä tə̂ pö ndə̂ kɨ̈zɨ̂ ndə̂ më zɨ̂ rə̂, bëte giamâ kä ndə̂ akrə jende mê bëte kɨ̈zɨ̂ ndə̂ më zâ ayîabâ tâ?»

Dokʉ̈ Körɛ̂nte 11:16

Praâbalë âdə ngâ akrə ânyində̂ kə̂ kosə̂ pö lâme, äwäpä tche wunsə̂ nə̈ pä ngâ köbo ngbî ndə̂kə̂ pa ârâ la a-Egilîze ndə̂ Ndjapä mbo rə̂ wâbo-a.

Dokʉ̈ Körɛ̂nte 3:6

Mëmê kä ndə̂ âchî rə nə̈, Äpölôse sû ngû tâ, praâbalë Ndjapä kä ndə̂ âmbo rə̂ pä äkʉche.

Dokʉ̈ Körɛ̂nte 9:19

Tə̂ lëge nə̈ më wâbo tə̂ ngbâa ndə̂ ngâ akrə balë-a, praâbalë më mbötə̂ mê tə̂ ngbâa ndə̂ azü gbɛ̂ ndə̂kə̂ gbo azü tə̂ gbölösə̂nə̈.

Bïchuû Körɛ̂nte 10:7

Nyë sə̈ lakə̂ wun arə batə̂ rə̂ ndə̂ azü wun rə. Âdə ngâ akrə âwunsə̂ nə̈ pä ânyë də̈ akrə ndə̂ Krîsiti, äwäpä tche wunsə̂ nə̈ angêta tratralë pä ârâ ndjë gbɛ̂ ârâ wä ndjë tə̂ azü ndə̂ Krîsiti.

Bïchuû Körɛ̂nte 11:5

Âdə andə̂ agbölö abadjângele ndə̂ nyê lâme, më wün rə̂ pä andjë rôâbo mê la ngâ rə-a.

Bïchuû Körɛ̂nte 6:1

Ndə̂ azə̈ sə̂ lakə̂ mbo kua la Ndjapä, ârâ yükû nə̈ sə̈ nyê ndə̂kə̂ gboabô gbôtə̂ tchôtchô su ndə̂ Ndjapä mbô rə̂ tə̂ azə̂ ämbänə̈-ê.

Gälâte 1:1

Mëmê Pôlo, ndə̂ më wâtə̂ badjângele, âdə̂âbô lə̂ köbosə̂ azü kä ndə̂ a ê mê ndə̂kə̂ watə̂ badjângele-a, më djêâbo ndjë pö nə̈ lə̂ ma ngâ akrə-a, praâbalë më djë rə̂ lə̂ ma Jezü Krîsiti la Ndjapä Bha ndə̂ tche jô tchë lə̂ kuzü.

Gälâte 5:1

Krîsiti jï azə̂ tchâtchâ ngbâa ndə̂kə̂ pa azə̈ sə ämbänə̈. Käko nyë kpökpo tə̂ nyê! Nyë kä nyî bata nyîndə̂ nə̈ pä a ka la nyê tchâtchâ ngbâa-ê.

Dokʉ̈ Tësälönîke 2:6

Ârâ pûâbo köbo ndə̂kə̂ pa azü lusə̂ ârâ-a, âdəndjë bhândə̂ nyê, âdəndjë bhândə̂ angâ azü ngbî-a.

Dokʉ̈ Timotë 2:7

Bëte rə̂ kä ndə̂ Ndjapä zâ mê ndə̂kə̂ pa më mu pö ndə̂ yê, kə̂ watə̂ badjângele. Më wä ndjë tə̂ earə̂ kə̂ nyisə̂ rə sə̈ azü ndə̂ andjë wâbô wâtə̂ ajuîfu, ndə̂kə̂ pa andjë za su andjê sə̈ Krîsiti, kə̂ wunsə̂ lëge pö. Pö ndə̂ më tô rə̂ lâme wätə̂ lëge pö, më môâbo yepa-a.

Bïchuû Timotë 1:11

Bëte rə̂ kä ndə̂ Ndjapä zâ mê ndə̂kə̂ pa më mu pö ndə̂ yê, kə̂ watə̂ badjângele, kə̂ nyisə̂ rə.