Dokʉ̈ Körɛ̂nte 8:9 - Mbëtï Ndjapä: TÄFO MADƗ̈

⁹ A zä köbo sə̈ nyê ndə̂kə̂ mbo arə gbɛ̂, praâbalë la nyê gbö-ê, ânyë lə̂ köbosə̂ kə̂ mbo arə ndə̂ nyê nə̈, ngâ akrə ndə̂ tche kpôkpoabô tə̂ yê kpôkpô lə̂kə̂ za su yê sə̈ Ndjapä teabô tê lə̂ köbosə̂ nyê-ê.

Dokʉ̈ Körɛ̂nte 8:9 Iomraidhean Croise

Matiyə̈ 18:10

«La nyê gbö-ê! Nyë wün-äbô ngâ yɛ̈yɛ̈ bechë wûn lə̂ gûtə̂ ayɛ̈yɛ̈ abechë âtə batə̂ mbämbä akrə-ê. Më tö rə̂ sə̈ nyê, aânje ndə̂ ayɛ̈yɛ̈ abechë âtə kä bhâ tchâtchu Bha mê bhâ lafô. [

Rômo 15:1

Azə̂ ndə̂ azə̈ wâ la gbôgbô lə̂kə̂ za su azə̂ sə̈ Ndjapä, äwäpä pö ndə̂ azü ndə̂ andjë kpôkpoabô tə̂ andjê kpôkpo-ê za su azə̂ ânyë azə̈ za könô sə̈ andjê pâ rə ndə̂ andjë rɨ su andjê tâ; azə̈ püäbô rə pû kütû bëte rə ndə̂ âfû tə̂ azə̂-ê.

Dokʉ̈ Körɛ̂nte 10:24

Âwâbo pä akrə pu rə kütû bëte tchë la tə̂ yê-a, praâbalë äwäpä tche pu rə bëte angâ yê.

Dokʉ̈ Körɛ̂nte 10:28

Praâbalë âdə ngâ akrə âto rə̂ sə̈ nyê päkëdə̂: «Gûsû ndə̂ a wâ rə̂ la ngela sə̈ ngakʉ̈lä kä.» Nyë zɨ̈äbô rə̂ zɨ̂-î, ânyë akrə ndə̂ tche krâ tü nyê la pö nə̈ lâme, tche rɨabô tchə̂lə̂ su yê rɨ̂-î.

Dokʉ̈ Körɛ̂nte 10:29

Më tôâbo pö âtə tə̂ pö ndə̂ kə̂ rɨ tchə̂lə̂ su nyê-a, praâbalë më tö pö ndə̂ kə̂ rɨ tchə̂lə̂ su tchanə̈ lâme. «Bëte giamâ kä ndə̂ a kitə̂ köbo tə̂ mê ndə̂kə̂ kosə̂ rə ndə̂ ngâ akrə rɨ̂ tchə̂lə̂ su yê tâ, ânyë kə̈ wâ ngbanga pânə̈?

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 8:10

Bëte âdə a âwun mö ndə̂ mo wûnsə̂ lëge pö, ânyë mo sə̂ lakə̂ zɨ rə bhâlə̂ nda ndə̂ angakʉ̈lä, akrə ndə̂ kə̂ rɨ tchə̂lə̂ su yê wâ kpîɛ̂kpîɛ̂ rə̂ lâme zabô ndjë ngoa nə̈ ngbâ zə̈, kə̂ zɨ ndjë gûsû ndə̂ a wâ rə̂ la ngela sə̈ angakʉ̈lä?

Dokʉ̈ Körɛ̂nte 8:12

Âdə nyê âmbo ngbongbo rə käko tə̂ arə̂mâ ndə̂ nyê lakə̂ ndɨ tchə̂lə̂ kə̂ rɨ su andjê ndə̂ âkpôkpoabô tə̂ yê kpôkpo lâme, dëkë nyë mbö ngbongbo rə lâme tə̂ Krîsiti.

Dokʉ̈ Körɛ̂nte 9:22

Âdə mê âsə lə̂ gûtə̂ azü ndə̂ andjë kpôkpoabô tə̂ andjê kpôkpo lə̂kə̂ za su andjê sə̈ Krîsiti, kə̂ mbo rə batə̂ azü ndə̂ andjë kpôkpoabô tə̂ andjê kpôkpo lə̂kə̂ za su andjê sə̈ Krîsiti ânyë kə̂ gbo andjê sə̈ Krîsiti. Më zätə̂ mê gbɛ̂ sə̈ azü gbɛ̂ ndə̂kə̂ mbo rə̂ gbɛ̂ ânyë kə̂ tcha angânə̈ sə̈ Krîsiti.

Bïchuû Körɛ̂nte 11:21

Ganô mbö mê la pö ndə̂ mê to rə̂ âtə, âwûntî pä ârâ də̈ azü ndə̂ andjë wâbô wâ la gbôgbô-ê! Âdə ngâ akrə âwun rə̂ pä anyë wä ndə̂kə̂ bhi gogo anyê tə̂ pö ndə̂ ngâ rə, mëmê ndjë gbɛ̂ më wä ndə̂kə̂ bhi gogo mê. Më tö pö lâme batə̂ earə̂ nyî.

Bïchuû Körɛ̂nte 11:29

Âdə ngâ akrə âwabô wâ la gbôgbô, mëmê ndjë gbɛ̂ më wün ndjë tə̂ mê käko. Âdə a âmbo rə̂ pä ngâ akrə te lə̂ ngbongbo rə, âkʉ mê tə̂ gbölösə̂nə̈.

Bïchuû Körɛ̂nte 6:3

Ârâ nyîâbo ndə̂kə̂ mbo rə̂ pä ngâ akrə te lə̂ köbosə̂ ârâ-a, ânyë azü toabô ngbongbo pö tô pâ kua ndə̂ ârâ-ê.

Gälâte 5:13

Arə̂mâ ndə̂ mê, Ndjapä ë nyê ndə̂kə̂ pa nyë wutu tchâtchâ ngbâa. Âwâbo pä kə̂ wutu ndə̂ nyê tchâtchâ ngbâa nə̈ lâme watə̂ ngâ köbo ndə̂kə̂ mbo angbongbo arə ndə̂ gʉ su nyê-a. Praâbalë lə̂ köbosə̂ kə̂ nyïndə̂ ngâ, nyë mbö kua sə̈ angâ nyê lə̂ gbâtə̂ nyê.

Kölôse 2:8

La nyê gbö-ê, ânyë ngâ akrə boloabô nyê bôlo la apö ndə̂ küma ndə̂ âwa lanə̈, ndə̂ âwâtə̂ andə̂ azü-î! Apö lâme də̈ ambämbä pö ndə̂kə̂ mbo rə ndə̂ azü la angbongbo atchozö ndə̂ andjë wâ la gbôgbô pâ cho âtə, praâbalë âtôâbo dəndə̂ Krîsiti balë-a.

Dokʉ̈ Pîêre 2:16

Nyë mbötə̂ nyê batə̂ azü ndə̂ andjë wûtu tchâtchâ ngbâa, âwâbo pä kə̂ wutu ndə̂ nyê tchâtchâ ngbâa nə̈ wa batə̂ ngâ kʉ̈kʉ̂-lə̂ba ndə̂ âvusə̂ angbongbo rə ndə̂ nyê-a, praâbalë nyë mbö rə batə̂ a-earə̂ kua ndə̂ Ndjapä.

Bïchuû Pîêre 2:19

Andjë zä bâlâ ndə̂kə̂ ji andjê lə̂ ngbâa, dëkë andjë la tə̂ andjê, andjë wätə̂ ngbâa ndə̂ rə ndə̂ âe la andjê ndə̂kə̂ ndɨ andjê, bëte akrə balë balë wätə̂ ngbâa ndə̂ rə ndə̂ ârôpâ yê.

Apökälîbïchi 2:14

Praâbalë angâ arə kä tâ ndə̂ më nyîndə̂ kə̂ gbɨtɨ tü zə̈ pânə̈: Angâ azü kä bhândə̂ zə̈ ndə̂ andjë zâ tchêngbâ Bälâme lakə̂ nyisə̂ rə ndə̂ yê. Bälâme zä wängö alême sə̈ Bälâke ndə̂kə̂ pa tche dro kû tə̂ abechë gö ndə̂ Isarayële lakə̂ zro andjê ndə̂kə̂ pa andjë zɨ gûsû ndə̂ a wâ rə̂ la ngela sə̈ angakʉ̈lä, ndjë ndə̂kə̂ gbotə̂ köbo lëge Ndjapä.