Dokʉ̈ Körɛ̂nte 8:6 - Mbëtï Ndjapä: TÄFO MADƗ̈

⁶ Âdə andə̂ azə̂, Ndjapä wä kütû balë, tche də̈ Bha ndə̂ rə gbɛ̂ tô bhândə̂ yê, ânyë bëte tchë kä ndə̂ azə̈ wâ la tchîsûwu. Azə̈ wä ndjë la Gbölö Gbïɛ̈ kütû balë, tche də̈ Jezü Krîsiti ndə̂ Ndjapä mbô arə gbɛ̂ lə̂ köbosə̂ yê, ânyë azə̈ wâ la tʉ̈rʉ̂ la azə̂ lə̂ köbosə̂ yê.

Dokʉ̈ Körɛ̂nte 8:6 Iomraidhean Croise

Matiyə̈ 11:27

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.

Matiyə̈ 28:18

Jezü gîtə̂ yê ndola andjê kə̈ tô rə̂ sə̈ andjê päkëdə̂: «Ndjapä zä gbôgbô sə̈ mê pâ tchêlafô la tchêbêche.

Jâan 1:10

Tchanə̈ ndə̂ tche wâtə̂ Pö nə̈ lâme sə̈ alême bêche âtə, lə̂ köbosə̂ yê kä ndə̂ Ndjapä mbô tchîsûwu, praâbalë tchêbêche nə̈ wûn-âbo sə̂ yê-a.

Jâan 1:3

Lə̂ köbosə̂ Pö nə̈ lâme kä ndə̂ rə gbɛ̂ wûn tchîsûwu; ngâ rə ndə̂ a mbô rə̂ ngbî tə̂ yê wâbo-a.

Jâan 10:30

Mëmê la Bha mê, ârâ wä balë.»

Jâan 13:13

Nyë ë mê pä ‹Earə̂ kə̂ nyisə̂ rə› la ‹Gbölö Gbïɛ̈›, nyë tö rə̂ la köbo nə̈, bëte mëmê kä tə̂ lëge nə̈.

Jâan 14:20

Âdə lo nə̈ âwutu nə̂, nyê wun-adje sə̂nə̈ pä mëmê la Bha mê, ârâ wä balë ânyë nyë wâ balë la mê, ânyë më wâ ndjë balë la nyê.

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Jâan 20:17

Jezü tô rə̂ sə̈ tchë päkëdə̂: «Amö ngbiabô mê ngbî tchâtə-ê, bëte më kêngabô bhândə̂ Bha mê dämba nə̂-a. Praâbalë amö êë kə̈ tô ndə̂ma mê sə̈ arə̂mâ ndə̂ mê päkëdə̂: Mê âkenga atə̂ndə̂ Bha mê, ndə̂ tche wâ ndjë tə̂ Bha nyê, tche wätə̂ Ndjapä ndə̂ mê, kə̈ wâ ndjë tə̂ Ndjapä ndə̂ nyê.»

Abadjângele 17:28

Bëte: ‹Lə̂ köbosə̂ yê kä ndə̂ azə̈ wâ la tchîsûwu, kə̈ sə̂ lakə̂ nə, ânyë kə̈ sə̂ ndjë la tʉ̈rʉ̂ la azə̂.› Angâ azü ndə̂ nyê ndə̂ andjë rɨ tchə̂lə̂ andjê ânyë kə̂ mbo ambëtï pâ arə tchîsûwu tö rə̂ päkëdə̂: ‹Bëte azə̈ də̈ ndjë abechë ndə̂ yê.›

Abadjângele 2:36

«Äwäpä azü ndə̂ Isarayële gbɛ̂ wunsə̂ pö âtə djîrə̂: Jezü ndə̂ nyë wôn tchë bhâtə̂ yö ndə̂ gba lâme, Ndjapä mbö rə̂ pä tche watə̂ Gbölö Gbïɛ̈ la Krîsiti!»

Abadjângele 5:31

Ndjapä kênga tchë də ndôkö könô yê ndə̂kə̂ pa tche watə̂ Makündji la Earə̂ kə̂ tcha azü, kə̈ zâ köbo sə̈ azü ndə̂ Isarayële ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä koadje pö lə̂ küma andjê.

Rômo 11:36

Rə gbɛ̂ tö bhândə̂ Ndjapä, rə gbɛ̂ wä lə̂ köbosə̂ yê, rə gbɛ̂ wä bëte tchë. Azə̈ vöga tchë logbɛ̂ logbɛ̂! Amin.

Dokʉ̈ Körɛ̂nte 1:2

ârâ mbö mbëtï âtə sə̈ Egilîze ndə̂ Ndjapä ndə̂ âwâ bhâ Körɛ̂nte, andjanə̈ ndə̂ Ndjapä kʉ̂ andjê ngbî lə̂ köbosə̂ Jezü Krîsiti. Tche ë andjê kə̈ kʉ̂ andjê ngbî bëte tchë la andjanə̈ gbɛ̂ ndə̂ andjë sə̂ lə̂ atchô ngbî ngbî ânyë kə̂ e rə̈ Gbölö Gbïɛ̈ Jezü Krîsiti, tche wätə̂ Gbölö Gbïɛ̈ ndə̂ andjê ânyë kə̈ wâ ndjë tə̂ Gbölö Gbïɛ̈ ndə̂ ârâ.

Dokʉ̈ Körɛ̂nte 12:3

Bëte rə̂ kä ndə̂ më nyîndə̂ kə̂ to rə̂ sə̈ nyê päkëdə̂: Akrə ndə̂ Yingö ndə̂ Ndjapä to pö lə̂ yê, tche tôâbo rə̂ päkëdə̂: «Ngbongbo pö kä pâ Jezü-a!» Ndjë akrə ndə̂ Kpɨ̂ki Yingö wâbô wâ lə̂ yê, tche tôâbo rə̂ päkëdə̂: «Jezü də̈ Gbölö Gbïɛ̈-a.»

Dokʉ̈ Körɛ̂nte 6:13

Angâ azü tö ndjë rə̂ päkëdə̂: «Kɨ̈zɨ̂ wä bëte tchə̂lə̂, ânyë tchə̂lə̂ wâ bëte kɨ̈zɨ̂.» Ɛn-ɛn, praâbalë Ndjapä ândɨadje kɨ̈zɨ̂ la tchə̂lə̂. Käko tə̂ akrə wâbo ndə̂kə̂ pa tche za rə̂ sə̈ ɛ̈chë âdəndjë köchë katchôgbɛ̂-a. Tə̂ akrə wä bëte Gbölö Gbïɛ̈, ânyë Gbölö Gbïɛ̈ wâ bëte tə̂ akrə.

Dokʉ̈ Körɛ̂nte 8:4

Käko äwä ndə̂kə̂ zɨ gûsû ndə̂ a wâ rə̂ la ngela sə̈ angakʉ̈lä ämbänə̈? Azə̈ wûnsə̂ nə̈ nə̂ pä ngâ ngakʉ̈lä balë sə̂âbo pâ cho âtə-a, ânyë ngâ ndjapä ngbî wâbo-a, kütû Ndjapä balë.

Ëfêze 1:3

Azə̈ voga Ndjapä Bha Gbölö Gbïɛ̈ ndə̂ azə̂ Jezü Krîsiti! Tche kʉ̈ arə ndə̂ Yingö gbɛ̂ ndə̂ âwâ bhâ lafô sə̈ azə̂, lə̂ köbosə̂ nə̈ ndə̂ azə̈ wâ balë la Krîsiti.

Ëfêze 3:14

Bëte rə̂ kä ndə̂ më gʉ̂te bêche tchâtchu Ndjapä Bha,

Kölôse 1:6

Tchôtchô Pö nə̈ lâme wütu kə̈ zâ tchô pâ cho gbɛ̂, ânyë azü gbôtə̂ bəndɨ köbo andjê, ânyë Tchôtchô Pö nə̈ sə̂ lakə̂ êë atə̂ tchâtchu nə̈. Rə nə̈ wä ndjë kütû käko lə̂ gbâtə̂ nyê, ndə̂kə̂ to tə̂ lo nə̈ ndə̂ nyë gâmba Tchôtchô Pö nə̈, kə̈ wûnsə̂ lëge pö lə̂ köbosə̂ nə̈ ndə̂ Ndjapä mbô tchôtchô su tə̂ azü,

Dokʉ̈ Pîêre 1:21

Lə̂ köbosə̂ Krîsiti kä ndə̂ nyë zâ su nyê sə̈ Ndjapä, ndə̂ tche jô Krîsiti lə̂ kuzü ânyë kə̈ lûsə̂ yê. Käko ânyë su nyê ndə̂ nyë zâ rə̂ sə̈ Ndjapä la rə ndə̂ su nyê krʉ̂ bëte rə̂ lâme âwa pâ Ndjapä.

Apökälîbïchi 1:18

më kä la tʉ̈rʉ̂ la mê. Më tchû alême nə̂, praâbalë angaâtə më kä la tʉ̈rʉ̂ la mê ndə̂ logbɛ̂ logbɛ̂. Më kä la gbôgbô pâ kuzü, ndjë pâ tchô ndə̂ akuzü.