Dokʉ̈ Körɛ̂nte 8:4 - Mbëtï Ndjapä: TÄFO MADƗ̈

⁴ Käko äwä ndə̂kə̂ zɨ gûsû ndə̂ a wâ rə̂ la ngela sə̈ angakʉ̈lä ämbänə̈? Azə̈ wûnsə̂ nə̈ nə̂ pä ngâ ngakʉ̈lä balë sə̂âbo pâ cho âtə-a, ânyë ngâ ndjapä ngbî wâbo-a, kütû Ndjapä balë.

Dokʉ̈ Körɛ̂nte 8:4 Iomraidhean Croise

Mâreke 12:29

Jezü tô rə̂ ndə̂nə̈ sə̈ tchë päkëdə̂: «Gbölö ndïɛ̈ ndə̂ ârôpâ adɨ̂ nə̈ gbɛ̂ kä âtə: ‹Azü gö ndə̂ Isarayële, nyë djë pö âtə, Gbölö Gbïɛ̈ Ndjapä ndə̂ azə̂ balë kä âkə̈ wâtə̂ Gbölö Gbïɛ̈.

Abadjângele 14:15

«Arə̂mä, nyë mbö rə âtə bëte giamâ? Ârâ də̈ ndjë azü batə̂ nyê! Ârâ nə̈ ndə̂kə̂ mu Tchôtchô Pö ndə̂kə̂ pa nyë gbotə̂ köbo andjapä ndə̂ andjë wâbô wâtə̂ ngâ rə lâme-ê, kə̂ dotə̂ nyê pu Ndjapä ndə̂ tche wâ la tchîsûwu. Tchetchë ndə̂ tche mbô tchêlafô la tchêbêche la gbölö ngû ngbro la arə gbɛ̂ ndə̂ âwâ lə̂nə̈.

Abadjângele 15:20

Praâbalë äwäpä azə̈ mbo mbëtï sə̈ andjê pä andjë zɨabô ngbongbo gûsû ndə̂ a wâ rə̂ la ngela sə̈ ngakʉ̈lä zɨ̂-î, kə̂ puabô aɛ̈chë âdəndjë aköchë pû katchôgbɛ̂, gia ndə̂ tche tchû la jï lə̂ yê, andjë zɨabô tchë zɨ̂-î, kə̂ zɨabô jï zɨ̂-î.

Abadjângele 19:26

Praâbalë rə ndə̂ âwûtu âtə, nyë djê rə̂ nə̂, âdəndjë rə̂ ndə̂ nyë wûn rə̂: Köchë ndə̂ rə̈ yê wû pä Pôlo lâme, tche tö rə̂ pä andjapä ndə̂ azü mbo andjê mbö la könô andjê lâme də̂âbo andjapä-a. Käko tche mbö rə̂ pä angbängbä azü gamba pö nə̈ lə̂ gö ndə̂ Ëfêze, ndjë la agö pâ cho ndə̂ Azï.

Dokʉ̈ Körɛ̂nte 8:1

Âdə andə̂ gûsû ndə̂ a wâ rə̂ la ngela sə̈ angakʉ̈lä: Tə̂ lëge nə̈, «azə̂ gbɛ̂ də̈ a-earə̂ kə̂ wunsə̂ rə», batə̂ rə̂ ndə̂ nyê to tchê rə̂. Kə̂ wunsə̂ rə lâme mbö rə̂ pä azü bhi gogo andjê, praâbalë kə̂ nyində̂ ngâ mbö rə̂ ânyë akrə ndə̂ Krîsiti ge lə̂ Yingö.

Dokʉ̈ Körɛ̂nte 8:10

Bëte âdə a âwun mö ndə̂ mo wûnsə̂ lëge pö, ânyë mo sə̂ lakə̂ zɨ rə bhâlə̂ nda ndə̂ angakʉ̈lä, akrə ndə̂ kə̂ rɨ tchə̂lə̂ su yê wâ kpîɛ̂kpîɛ̂ rə̂ lâme zabô ndjë ngoa nə̈ ngbâ zə̈, kə̂ zɨ ndjë gûsû ndə̂ a wâ rə̂ la ngela sə̈ angakʉ̈lä?

Dokʉ̈ Körɛ̂nte 8:11

Käko lə̂ köbosə̂ kə̂ wunsə̂ rə ndə̂ zə̈, akrə ndə̂ Krîsiti ndə̂ tche kpôkpoabô tə̂ yê kpôkpo lâme tchuadje, tchetchë ndə̂ Krîsiti tchû bëte tchë lâme.

Gälâte 4:8

Dokʉ̈tchê alême nyë wûn-âbo sə̂ Ndjapä-a, kə̈ wâ alême tə̂ angbâa tchâtchâ andjapä ndə̂ andjë wâbô wâtə̂ alëge andjapä-ê.

Ëfêze 4:6

Ndjapä wä balë, tche də̈ Bha azü gbɛ̂, tche wä gbïɛ̈ pâ azü gbɛ̂, tche mbö rə lə̂ köbosə̂ azü gbɛ̂, kə̈ sə̂ lə̂ azü gbɛ̂.

Dokʉ̈ Timotë 1:17

Äfü pä azə̈ lusə̂ gbïɛ̈ ndə̂ tche wâ pïï etə̂, Ndjapä ndə̂ tche wâbô wâ ndə̂kə̂ tchu-î, ndə̂ a wûn-âbô tchë wûn-î, ndə̂ tche wâ gbokôngô. Kə̂ lusə̂tə̂, la voga wätə̂ andə̂ ye nə̈, tə̂ logbɛ̂ logbɛ̂! Amin!

Dokʉ̈ Timotë 2:5

Bëte Ndjapä wä kütû balë, akrə ndə̂ tche nə̂ la zɨtɨ su lə̂ gbâtə̂ Ndjapä la azü, tche wä ndjë balë: Tche də̈ Jezü Krîsiti ndə̂ tche wâtə̂ akrə.

Jûde 1:25

Ndjapä balë kä ndə̂ âdə̂ Earə̂ kə̂ tcha azə̂ lə̂ köbosə̂ Jezü Krîsiti Gbölö Gbïɛ̈ ndə̂ azə̂. Voga la gbölö la gbôgbô la kümändëmä gbɛ̂ də̈ andə̂ ye nə̈, dokʉ̈tchê, angaâtə, ânyë tə̂ logbɛ̂ logbɛ̂! Amin.