Dokʉ̈ Körɛ̂nte 8:13 - Mbëtï Ndjapä: TÄFO MADƗ̈

¹³ Bëte rə̂ kä, âdə kɨ̈zɨ̂ kä ndə̂ âmbo rə̂ pä ngâ mê te, mê kä zɨ bata gûsû balë tee-a, ânyë ngâ mê teabô tê lə̂ köbosə̂ nə̈-ê.

Dokʉ̈ Körɛ̂nte 8:13 Iomraidhean Croise

Matiyə̈ 17:27

Âwâbo pä azə̈ ndɨ tchə̂lə̂ su azü gö nə̈ tə̂ azə̂-a. Käko amö e atə̂ maga gbölö kpakpa ngû, kə̈ yî yongö. Dokʉ̈ giangû ndə̂ mo gbɨ tchë, amö on tchə̂lə̂ ma yê. Mô gboadje mîɛ̈-makətche lə̂ ma yê ndə̂kə̂ pa mo yo lapöo ndə̂ mê la andə̂ zə nə̈.»

Abadjângele 15:20

Praâbalë äwäpä azə̈ mbo mbëtï sə̈ andjê pä andjë zɨabô ngbongbo gûsû ndə̂ a wâ rə̂ la ngela sə̈ ngakʉ̈lä zɨ̂-î, kə̂ puabô aɛ̈chë âdəndjë aköchë pû katchôgbɛ̂, gia ndə̂ tche tchû la jï lə̂ yê, andjë zɨabô tchë zɨ̂-î, kə̂ zɨabô jï zɨ̂-î.

Rômo 14:13

Azə̈ gbötə̂ kə̂ jende tə̂ azə̂ lə̂ gbâtə̂ azə̂-ê. Praâbalë rə ndə̂ nyë wâ ndə̂kə̂ nyïkrə rə̂ tə̂ su nyê kä âtə: Nyë kösə̂ kə̂ za täme lə̂ köbo ngâ nyê âdəndjë rə̂ ndə̂kə̂ mbo rə̂ pä tche te lə̂ ngbongbo rə-ê.

Rômo 14:21

Rə ndə̂ âfû wä pä mo zɨabô gûsû zɨ̂-ê, kə̂ ndjoabô pî ndjô-ê, kə̂ gbotə̂ köbo ndə̂kə̂ mbo angâ arə gbɛ̂ ndə̂ âmbo rə̂ pä köbo yu tə̂ ngâ zə̈.

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 10:33

Nyë mbö rə batə̂ mê: Më sə̈ lakə̂ pu köbo gbɛ̂ ndə̂kə̂ daka lə̂ la azü gbɛ̂ lə̂ arə gbɛ̂. Më pûâbo rə kütû bëte mê la tə̂ mê-a, praâbalë më pü rə bëte angbängbä azü ndə̂kə̂ pa andjë tcha lə̂ kuzü.

Dokʉ̈ Körɛ̂nte 13:5

Akrə ndə̂ tche nyîndə̂ ngâ yê, tche mbôâbo rə ganô-a, tche pûâbo rə tə̂ pö ndə̂ yê-a, kə̈ mbôâbo mêrâ-a, kə̈ zâbo akrə tə̂ su yê-a.

Dokʉ̈ Körɛ̂nte 6:12

Angâ azü tö rə̂ päkëdə̂: «A zä köbo sə̈ anyë ndə̂kə̂ mbo arə gbɛ̂.» Tə̂ lëge nə̈, praâbalë rə gbɛ̂ də̂âbo rə̂ ndə̂ âdâka la nyê-a. Më tö ndjë rə̂ pä «A zä köbo sə̈ mê ndə̂kə̂ mbo arə gbɛ̂.» Praâbalë më nyîâbo ndə̂kə̂ watə̂ ngbâa ndə̂ ngâ rə balë-a.

Dokʉ̈ Körɛ̂nte 9:12

Âdə angâ azü âyukû rə nə̈ tchânə̂ nyê, bëte giamâ kä ndə̂ ârâ yuabô kû nə̈ yû âro andə̂ andjanə̈ lâme? Praâbalë ârâ mbôâbo tâ käko-a. Ârâ rʉ̈ätə̂ su ârâ pâ arə gbɛ̂, ânyë kə̂ mboabô ngâ rə mbô ndə̂ âkitə̂ köbo tə̂ Tchôtchô Pö ndə̂ Krîsiti-î.

Bïchuû Körɛ̂nte 11:29

Âdə ngâ akrə âwabô wâ la gbôgbô, mëmê ndjë gbɛ̂ më wün ndjë tə̂ mê käko. Âdə a âmbo rə̂ pä ngâ akrə te lə̂ ngbongbo rə, âkʉ mê tə̂ gbölösə̂nə̈.

Bïchuû Körɛ̂nte 6:3

Ârâ nyîâbo ndə̂kə̂ mbo rə̂ pä ngâ akrə te lə̂ köbosə̂ ârâ-a, ânyë azü toabô ngbongbo pö tô pâ kua ndə̂ ârâ-ê.