Dokʉ̈ Körɛ̂nte 8:10 - Mbëtï Ndjapä: TÄFO MADƗ̈

¹⁰ Bëte âdə a âwun mö ndə̂ mo wûnsə̂ lëge pö, ânyë mo sə̂ lakə̂ zɨ rə bhâlə̂ nda ndə̂ angakʉ̈lä, akrə ndə̂ kə̂ rɨ tchə̂lə̂ su yê wâ kpîɛ̂kpîɛ̂ rə̂ lâme zabô ndjë ngoa nə̈ ngbâ zə̈, kə̂ zɨ ndjë gûsû ndə̂ a wâ rə̂ la ngela sə̈ angakʉ̈lä?

Dokʉ̈ Körɛ̂nte 8:10 Iomraidhean Croise

Abadjângele 15:20

Praâbalë äwäpä azə̈ mbo mbëtï sə̈ andjê pä andjë zɨabô ngbongbo gûsû ndə̂ a wâ rə̂ la ngela sə̈ ngakʉ̈lä zɨ̂-î, kə̂ puabô aɛ̈chë âdəndjë aköchë pû katchôgbɛ̂, gia ndə̂ tche tchû la jï lə̂ yê, andjë zɨabô tchë zɨ̂-î, kə̂ zɨabô jï zɨ̂-î.

Rômo 14:14

Lə̂ köbo ndə̂kə̂ wa balë la Gbölö Gbïɛ̈, ndə̂ më wâ balë la tchë lâme, më wûnsə̂ nə̈ nə̂ tə̂ lëge nə̈ pä ngâ rə balë ndə̂ âwâ la tə̂ yê tə̂ rə kâkpö balë wâbo-a. Praâbalë âdə ngâ akrə âwun ngâ rə batə̂ ngbongbo rə, rə nə̈ lâme wätə̂ ngbongbo rə kütû lə̂ la akrə nə̈ lâme.

Rômo 14:23

Praâbalë akrə ndə̂ tche zɨ̂ ngâ rə ânyë kə̈ wâ la su bïbïchuû pâ kə̂ zɨ rə nə̈ lâme, akrə lâme Ndjapä wâ ngbanga lə̂ küma yê nə̂. Tə̂ lëge nə̈, tche mbôâbo rə gundə̂sə̂ kə̂ za su yê sə̈ Ndjapä-a. Rə gbɛ̂ ndə̂ akrə mbô rə̂ ânyë su yê wâ bïbïchuû pânə̈, äwätə̂ ngbongbo rə.

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 8:4

Käko äwä ndə̂kə̂ zɨ gûsû ndə̂ a wâ rə̂ la ngela sə̈ angakʉ̈lä ämbänə̈? Azə̈ wûnsə̂ nə̈ nə̂ pä ngâ ngakʉ̈lä balë sə̂âbo pâ cho âtə-a, ânyë ngâ ndjapä ngbî wâbo-a, kütû Ndjapä balë.

Dokʉ̈ Körɛ̂nte 8:7

Praâbalë âdə̂âbo azü gbɛ̂ kä ndə̂ âwûnsə̂ nə̈-a. Angânə̈ sə̈ alême lakə̂ voga angakʉ̈lä. Ädə̈ käko ânyë gbô andjê sə̂ angêta lakə̂ zɨ gûsû ndə̂ a wâ rə̂ la ngela, kə̈ wûntî pä gûsû lâme, a wä rə̂ la ngela tə̂ lëge nə̈ sə̈ angakʉ̈lä. Kə̂ rɨ tchə̂lə̂ su andjê gêâbo-a, bëte andjë wün rə̂ pä anyë wâ nə̂ ngbo lə̂ köbosə̂ gûsû ndə̂ andjë zɨ̂ rə̂ lâme.

Dokʉ̈ Körɛ̂nte 8:9

A zä köbo sə̈ nyê ndə̂kə̂ mbo arə gbɛ̂, praâbalë la nyê gbö-ê, ânyë lə̂ köbosə̂ kə̂ mbo arə ndə̂ nyê nə̈, ngâ akrə ndə̂ tche kpôkpoabô tə̂ yê kpôkpô lə̂kə̂ za su yê sə̈ Ndjapä teabô tê lə̂ köbosə̂ nyê-ê.