Dokʉ̈ Körɛ̂nte 8:1 - Mbëtï Ndjapä: TÄFO MADƗ̈

¹ Âdə andə̂ gûsû ndə̂ a wâ rə̂ la ngela sə̈ angakʉ̈lä: Tə̂ lëge nə̈, «azə̂ gbɛ̂ də̈ a-earə̂ kə̂ wunsə̂ rə», batə̂ rə̂ ndə̂ nyê to tchê rə̂. Kə̂ wunsə̂ rə lâme mbö rə̂ pä azü bhi gogo andjê, praâbalë kə̂ nyində̂ ngâ mbö rə̂ ânyë akrə ndə̂ Krîsiti ge lə̂ Yingö.

Dokʉ̈ Körɛ̂nte 8:1 Iomraidhean Croise

Abadjângele 15:10

Bëte giamâ kä ndə̂ nyê pu tchâma Ndjapä ndə̂ tchô angêta lakə̂ za ngâ kʉ̂ngbô lə̂ küma adjisîpili? Azə̈ la araâta azə̂ kʉ̂âbo sə̂kə̂ za rə̂ alême-a.

Abadjângele 15:29

Nyë zɨ̈äbô gûsû ndə̂ a wâ rə̂ la ngela sə̈ ngakʉ̈lä zɨ̂-î, kə̂ zɨabô jï zɨ̂-î, kə̂ zɨabô gia ndə̂ tche tchû la jï lə̂ yê zɨ̂-î. Nyë püäbô aɛ̈chë âdəndjë aköchë pû katchôgbɛ̂-ê. Âdə nyë âkosə̂ arə lâme dëkë nyë mbö rə lə̂ köbo nə̈. Ârâ pô ndə̂ nyê nə̂.»

Abadjângele 21:25

Âdə andə̂ azü ndə̂ andjë wâbô wâtə̂ ajuîfu ânyë kə̈ zâ su andjê sə̈ Krîsiti lâme, ârâ mbô mbëtï sə̈ andjê nə̂. Ârâ zäma lə̂nə̈ päkëdə̂: Gûsû ndə̂ a wâ rə̂ la ngela sə̈ angakʉ̈lä, äwäpä andjë zɨabô rə̂ zɨ̂-î. Andjë wâbo ndjë ndə̂kə̂ zɨ jï-a, la gia ndə̂ tche tchû la jï lə̂ yê-a. Âwâbo pä andjë pu aɛ̈chë âdəndjë aköchë katchôgbɛ̂-a.»

Rômo 11:25

Arə̂mä, më nyïndə̂ nə̈ pä nyë wunsə̂ apö ndə̂ Ndjapä ndə̂ âwâ lə̂ küwû nə̈, ânyë kə̂ wun-abô tə̂ nyê wûn batə̂ a-earə̂ kə̂ wunsə̂ rə-ê. Angâ azü ndə̂ Isarayële âkoadje sə̂kə̂ dje tchə̂lə̂ pö zoo lo nə̈ ndə̂ adɨ̂ azü ndə̂ andjë wâbô wâtə̂ ajuîfu ka pu Ndjapä.

Rômo 12:16

Nyê djëtə̂ nyê lə̂ gbâtə̂ nyê la angâ nyê. Nyë wäbô wâ la gʉ agbölö rə-ê, praâbalë nyë zä su nyê pâ arə ndə̂ azü luabô sə̂nə̈ lû-î. Nyë wün-äbô tə̂ nyê wün batə̂ azü ndə̂ küma andjê wâ lanə̈-ê.

Rômo 14:10

Praâbalë momö, bëte giamâ kä ndə̂ mo jende ngâ zə̈? Bëte giamâ kä ndə̂ mo wun angâ zə̈ batə̂ azü ndə̂ andjë wâbô wâtə̂ ngâ rə-ê? Azəzə̂ balë balë gbɛ̂, azə̂ krʉadje tchâtchu Ndjapä ndə̂kə̂ pa tche wa ngbanga ndə̂ azə̂.

Rômo 14:14

Lə̂ köbo ndə̂kə̂ wa balë la Gbölö Gbïɛ̈, ndə̂ më wâ balë la tchë lâme, më wûnsə̂ nə̈ nə̂ tə̂ lëge nə̈ pä ngâ rə balë ndə̂ âwâ la tə̂ yê tə̂ rə kâkpö balë wâbo-a. Praâbalë âdə ngâ akrə âwun ngâ rə batə̂ ngbongbo rə, rə nə̈ lâme wätə̂ ngbongbo rə kütû lə̂ la akrə nə̈ lâme.

Rômo 14:19

Käko äwäpä azə̈ pü köbo rə ndə̂ ânə la zɨtɨ su la rə ndə̂ âmbo rə̂ pä azə̈ kpokpo tə̂ azə̂ lə̂ gbâtə̂ azə̂ lə̂ köbosə̂ kə̂ za su azə̂ sə̈ Ndjapä.

Rômo 14:22

Rə ndə̂ mo wûnsə̂ nə̈ tə̂ lëge nə̈ bhâtə̂ su zə̈ pâ arə nə̈ lâme, äwäpä pö nə̈ wä lə̂ gbâtə̂ zə̈ la Ndjapä. Mômô kä tə̂ akrə ndə̂ tche nyîndə̂ kə̂ mbo ngâ rə ânyë su yê wâ la zɨtɨ su.

Rômo 14:3

Akrə ndə̂ tche zɨ arə gbɛ̂, âwâbo pä tche wun akrə ndə̂ tche zɨ kütû angâ rə batə̂ ngâ akrə ndə̂ tche wâbô wâtə̂ ngâ rə-a. Akrə ndə̂ tche zɨ kütû angâ rə, âwâbo pä tche jende akrə ndə̂ tche zɨ arə gbɛ̂-a, bëte Ndjapä zä ndjë akrə ndə̂ tche zɨ arə gbɛ̂ batə̂ akrə ndə̂ yê.

Rômo 15:14

Arə̂mâ ndə̂ mê, më wünsə̂ nə̈ tə̂ lëge nə̈ bhâtə̂ su mê pä gʉgʉ kə̂ mbo tchôtchô rə sɨ̂sɨ̈ lə̂ su nyê; më wünsə̂ nə̈ pä nyë wünsə̂ rə lə̂ köbo nə̈ ânyë kə̈ wâ ndjë ndə̂kə̂ za wängö lə̂ gbâtə̂ nyê la angâ nyê.

Dokʉ̈ Körɛ̂nte 1:5

Bëte lə̂ köbosə̂ Krîsiti, Ndjapä kʉ̈ atchôtchô arə sə̈ nyê tə̂ gbölösə̂nə̈, atchôtchô arə tə̂ pö ndə̂ kə̂ to pö la andə̂ kə̂ wunsə̂ rə.

Dokʉ̈ Körɛ̂nte 10:15

Më tö pö sə̈ nyê batə̂ azü ndə̂ andjë wûnsə̂ rə. Nyënyê la tə̂ nyê, nyë wä ngbanga pâ pö ndə̂ më tô rə̂ lâme.

Dokʉ̈ Körɛ̂nte 10:28

Praâbalë âdə ngâ akrə âto rə̂ sə̈ nyê päkëdə̂: «Gûsû ndə̂ a wâ rə̂ la ngela sə̈ ngakʉ̈lä kä.» Nyë zɨ̈äbô rə̂ zɨ̂-î, ânyë akrə ndə̂ tche krâ tü nyê la pö nə̈ lâme, tche rɨabô tchə̂lə̂ su yê rɨ̂-î.

Dokʉ̈ Körɛ̂nte 14:20

Arə̂mä, äwäpä kə̂ za küma nyê wabô wâ batə̂ andə̂ abechë-ê, âdə andə̂ kə̂ mbo ngbongbo rə âdə rə̂, ɛn-ɛn! Äwäpä nyë wa batə̂ ayɛ̈yɛ̈ abechë. Praâbalë âdə ârə̂ âwa ndə̂kə̂ za küma, äwäpä nyë za küma nyê batə̂ adjêdjena azü.

Dokʉ̈ Körɛ̂nte 15:34

Nyë mbö rə batə̂ azü ndə̂ küma andjê wâ lanə̈, kə̂ mboabô ngbongbo rə mbô-ê! Bëte angâ azü lə̂ gbâtə̂ nyê wûn-abo sə̈ Ndjapä-a, më tö pö lâme bëte äwätə̂ ganô ndə̂ nyê.

Dokʉ̈ Körɛ̂nte 4:10

Ârâ wätə̂ a-earə̂ nyî bëte Krîsiti, praâbalë nyënyê ndə̂ nye nə̈, nyë wätə̂ azü ndə̂ küma andjê wâ lanə̈ lə̂ köbosə̂ nə̈ ndə̂ nyë wâ balë la Krîsiti. Ârâ wâbo la gbôgbô-a, praâbalë nyë kä la gbôgbô. A lüsə̂ nyê, praâbalë kə̈ tâlusə̂ ârâ.

Dokʉ̈ Körɛ̂nte 4:18

Angâ azü wüntî pä mê kä ka bata atə̂ndə̂ nyê tee-a, ânyë kə̈ sə̂ lakə̂ nyisə̂ tə̂ andjê ârô masə̂nə̈.

Dokʉ̈ Körɛ̂nte 4:6

Arə̂mä, tə̂ pö ndə̂ nyê kä ndə̂ më tô pö ndə̂ Äpölôse ndjë la andə̂ me nə̈ la tə̂ mê, ndə̂kə̂ nyisə̂ nə̈ sə̈ nyê lə̂ köbosə̂ kə̂ mbo rə ndə̂ ârâ. Nyë djë tchə̂lə̂ ndoka âtə: «Äwäpä akrə balë balë krʉ kütû pâ pö ndə̂ a mbô rə̂ lə̂ mbëtï.» Käko ânyë ngâ akrə balë bhiabô gogo yê bhî ndə̂kə̂ sə dəndə̂ ngâ akrə ânyë kə̂ kosə̂ ngânə̈.

Dokʉ̈ Körɛ̂nte 5:2

Nyë sə̈ lakə̂ bhi gogo nyê pâ arə käko! Äwä âme ndə̂kə̂ pa nyë sə la nyonyo, ânyë akrə ndə̂ tche mbo tə̂ rə käko, nyê ji tchë lə̂ gûtə̂ nyê-ê.

Dokʉ̈ Körɛ̂nte 5:6

Rə ndə̂ nyê bhi gogo nyê tə̂ pö ndə̂nə̈ lâme dâkabô-a! Nyë wûn-âbo sə̂nə̈ pä kütû kpîɛ̂kpîɛ̂ djëvö ndə̂ âwâ lə̂ zûwü farîni kä ndə̂ âmbo rə̂ pä farîni nə̈ suku?

Dokʉ̈ Körɛ̂nte 8:2

Âdə ngâ akrə âwun rə̂ pä anyë wûnsə̂ rə nə̂, dëkë tche wûn-âbo sə̂ rə batə̂ rə̂ ndə̂ a wunsə̂ rə-a.

Dokʉ̈ Körɛ̂nte 8:4

Käko äwä ndə̂kə̂ zɨ gûsû ndə̂ a wâ rə̂ la ngela sə̈ angakʉ̈lä ämbänə̈? Azə̈ wûnsə̂ nə̈ nə̂ pä ngâ ngakʉ̈lä balë sə̂âbo pâ cho âtə-a, ânyë ngâ ndjapä ngbî wâbo-a, kütû Ndjapä balë.

Dokʉ̈ Körɛ̂nte 8:7

Praâbalë âdə̂âbo azü gbɛ̂ kä ndə̂ âwûnsə̂ nə̈-a. Angânə̈ sə̈ alême lakə̂ voga angakʉ̈lä. Ädə̈ käko ânyë gbô andjê sə̂ angêta lakə̂ zɨ gûsû ndə̂ a wâ rə̂ la ngela, kə̈ wûntî pä gûsû lâme, a wä rə̂ la ngela tə̂ lëge nə̈ sə̈ angakʉ̈lä. Kə̂ rɨ tchə̂lə̂ su andjê gêâbo-a, bëte andjë wün rə̂ pä anyë wâ nə̂ ngbo lə̂ köbosə̂ gûsû ndə̂ andjë zɨ̂ rə̂ lâme.

Ëfêze 4:16

Lə̂ köbosə̂ yê kä ndə̂ atchâme-tə̂ gbɛ̂ pâlatə̂ andjê kə̈ wâ balë. Andjë täkpa tə̂ andjê lə̂ köbosə̂ anë kʉ̂tê. Âdə tchâme-tə̂ akrə balë balë âsə lakə̂ mbo kua ndə̂ yê, kʉ̂tê nə̈ gbɛ̂ âge kə̂ nyikrətə̂ yê lə̂kə̂ nyində̂ ngâ.

Kölôse 2:18

Âwâbo pä nyë gbotə̂ köbo sə̈ azü ndə̂ andjë mbötə̂ andjê lə̂ la azü batə̂ akpîɛ̂kpîɛ̂ azü ânyë kə̂ voga aânje lâme-a. Andjë wäbô ngbanga wâ lə̂ küma nyê-ê. Andjë zä su andjê tə̂ angâ arə ndə̂ andjë wûn rə̂ batə̂ lü. Kə̂ wunsə̂ rə ndə̂ andjê wä batə̂ mbämbä kə̂ za küma azü, âmbô rə̂ pä andjë wüntə̂ andjê gbölö kə̈ rô azü gbɛ̂.

Apökälîbïchi 2:14

Praâbalë angâ arə kä tâ ndə̂ më nyîndə̂ kə̂ gbɨtɨ tü zə̈ pânə̈: Angâ azü kä bhândə̂ zə̈ ndə̂ andjë zâ tchêngbâ Bälâme lakə̂ nyisə̂ rə ndə̂ yê. Bälâme zä wängö alême sə̈ Bälâke ndə̂kə̂ pa tche dro kû tə̂ abechë gö ndə̂ Isarayële lakə̂ zro andjê ndə̂kə̂ pa andjë zɨ gûsû ndə̂ a wâ rə̂ la ngela sə̈ angakʉ̈lä, ndjë ndə̂kə̂ gbotə̂ köbo lëge Ndjapä.

Apökälîbïchi 2:20

Praâbalë rə ndə̂ më nyîndə̂ kə̂ gbɨtɨ tü zə̈ pânə̈ də̈ rə̂ ndə̂: Mo gbötə̂ köbo sə̈ Jëzäbêle, ɛ̈chë lâme ndə̂ tche tô rə̂ pâ anyë sə̈ lakə̂ to ndə̂ma Ndjapä. Tche mbö rə̂ pä köbo yu tə̂ azü ndə̂ mê, kə̈ sə̂ lakə̂ nyïsə̂ köbo sə̈ andjê ndə̂kə̂ gbotə̂ köbo lëge Ndjapä, lakə̂ zɨ kɨ̈zɨ̂ ndə̂ a wâ rə̂ la ngela sə̈ angakʉ̈lä.